26/05/2026
Ameloblastoma یو نادر، غیر سرطاني (Benign) خو ډېر تېز خپرېدونکی د غاښونو تومور دی چې د هغو حجرو څخه پیدا کېږي کومې چې د غاښونو په جوړېدو کې برخه لري. دا اکثره د ژامې په هډوکي کې، په ځانګړي ډول د لاندې ژامې شاته برخه کې رامنځته کېږي، او عموماً د بېدرده او ورو ورو پړسېدنې په ډول ښکاري چې د مخ بڼه بدله کولای شي، لکه څنګه چې په انځور کې ښکاري.
په ایکسرې کې دا اکثره د “صابوني بلبلو” (Soap Bubble) یا څو خونې لرونکي تور سیوري په ډول ښکاري، ځکه چې هډوکی تخریبوي. که څه هم دا سرطان نه دی، خو شاوخوا هډوکو ته خپرېدای شي او که بشپړ لرې نه شي، بیا راګرځېدو چانس یې ډېر وي.
اصلي درملنه یې جراحي عملیات دي چې تومور باید د پاکو حدودو سره لرې شي، او کله ناکله وروسته د ژامې بیا جوړونې (Reconstruction) ته هم اړتیا وي.
ژر تشخیص د درملنې پایلې ښه کوي، نو که د ژامې دوامداره پړسوب، د غاښونو د چیچلو بدلون، یا د مخ ناڅاپي کږوالی موجود وي، باید ژر د غاښونو متخصص ته مراجعه وشي.
