08/06/2026
د یوې ۲۰ کلنې ناروغې پېچلې جراحي په بریالیتوب ترسره شوه
شنبه، ۱۴۰۵/۳/١٦
سپین غر مومند پنځوس بستریز معالجوي او تدریسي روغتون (سپین غر پوهنتون تدریسي روغتون) متخصص جراح دوکتور شېر حسن لقماني په مشرۍ جراحي ټیم له لوري د یوې ۲۰ کلنې ناروغې پیچلې جراحي په بریالیتوب سره ترسره شوه.
یاده ناروغه چې له پرلپسې درېیو کلونو راهیسې له جدي روغتیایي ستونزو سره مخ وه او په کور دننه او بهر کې یې څو ځله جراحي عملیاتونه هم ترسره کړي وو، خو د ناروغۍ اصلي تشخیص یی نه و شوی، چې سپین غر مومند معالجوي او تدریسي روغتون ته په مراجعې کولو سره د بشپړو معایناتو او تشخیص وروسته څرګنده شوه چې د ناروغې د غټې کولمې او مثانې ترمنځ (Colovesical Fistula)، د کولمو او ګیډې د جدار ترمنځ او مثانې او پریتوان ترمنځ غیر طبعي لارې موجود وی؛ د جراحي ټیم له لوري ورته د Colovesical Fistula Repair، Right Hemicolectomy او Ileostomy بریالي عملیاتونه ترسره شول.
اوس مهال د ناروغې روغتیایي وضعیت د ډاډ وړ او تر نږدې طبي څارنې لاندې ده.
روغتیا او خوندیتوب ته پاملرنه!
د نشراتو مدیریت
