امينه 24 ساعته معالجوي کلينيک

25/05/2026

🕌 د لوی اختر تکبیرونه – د تشريق تکبيرونه

د لوی اختر تکبیرونه د الله تعالی د عظمت ذکر دی او په دې مبارکو ورځو کې یې ویل ډېر فضیلت لري.

✨ الله اکبر، الله اکبر، لا اله الا الله، و الله اکبر، الله اکبر، ولله الحمد

📅 وخت یې:
د عرفې د ورځې د سهار له لمانځه څخه شروع کېږي
تر د ذوالحجې تر 13مې د مازدیګر پورې دوام کوي (د اختر د څلورمې ورځې تر مازديګر پورې)

🙏 کله ویل کېږي؟
له هر فرض لمانځه وروسته درې ځله
او په نورو وختونو کې هم د ذکر په توګه ویل کېدای شي

👨 نارینه:
په لوړ آواز یې وايي
په جومات، بازار، کور او لارو کې
👩 ښځې:
په ټیټ آواز یې وايي
په کور کې یا د ځان لپاره

📌 یادونه: دا د الله د عظمت ذکر دی او د صحابه کرامو له زمانې څخه جاري عمل دی، نو په دې مبارکو ورځو کې یې مه پرېږدئ.

🕌 الله دې زموږ عبادتونه قبول کړي.

19/03/2026

ټولو هيواد والو ته د نيکمرغه کوچني اختر مبارکي وايو ، الله ج مو عبادتونه او اطاعت قبول او منظور کړه ، د شهيدانو کورنيو ته تسليت مراتب وړاندې کوو او پدې غم کې مونږ له دوي سره ځانونه شريک ګڼو

31/07/2023

د ښايسته طبي معلوماتو ،لارښونو او وطني ښايسته انځورونو لپاره دا Dr Naser Sabawoon پاڼه فالو او لايک کړئ مننه
https://www.facebook.com/profile.php?id=100082077459822

27/06/2023

تکبيرونه نن دعرفات په ورځ د سهار څخه شروع شوي دي !
الله أَکْبَرُ، الله أَکْبَرُ، لَا إِلَه إِلَّا الله، والله أَکْبَرُ، الله أَکْبَرُ، وَلِلّٰه الْحَمْدُ‘‘
دا تکبیرونه واجب دي، چې په درویشت فرض لمونځونو کې ویل کېږی. پورتني تکبيرونه د عرفات د ورځي د سهار څخه شروع کېږي، او د اختر د څلورمي ورځي د مازدېګر له لمانځه څخه وروسته پاي ته رسېږي.
#دوستانو د ثواب په نیت شير کړې چې اجر کې شريک شې

‏لَبَّيْكَ اللَّهُمَّ لَبَّيْكَ، لَبَّيْكَ لاَ شَرِيكَ لَكَ لَبَّيْكَ، إِنَّ الْحَمْدَ، وَالنِّعْمَةَ، لَكَ وَالْمُلْكَ، لاَ شَرِيكَ لَكَ

27/06/2023

دوهم تعقیب :
له کانګو ناروغۍ څخه په لوی اختر کې څه ډول مخنیوی وکړو؟
ـــــــــــــــــــــــــــــــــــــــــــــــــــــــــــــــــ
ــ د حیواناتو د ذبحې کولو پر مهال باید له محافظتي وسایلو لکه عینکو دستکشو او اوږد چپن ماننده لباس څخه استفاده وسي.
ــ د حیواناتو په وینه له منتنو لوازمو لکه چاقو لوښي او نورو سره له تماسه باید مخنیوی وسي.
ــ د حیواناتو له ذبحې کولو وروسته ژر تر ژره باید جامې بدلې او لاسونه په پاکو،صحي اوبو او صابون پریمینځل سي.
ــ هغه ناروغان چې په کانګو ناروغۍ اخته وي ډاکتران یې باید په وړاندې له ځانګړو ماسکونو او دستکشو استفاده وکړي
او د وینې اخیستلو پر مهال باید له جدي پاملرنې کار واخلي.
ــ د حیواناتو د نیمې خامې او پخې غوښې له خوړلو باید ډډه وسي.
ــ هغه خلک چې د سارویو ساتنه کوي باید هڅه وکړي
د څارویو د ساتنې ځای تل پاک وساتي او دوا پاشي هیره نه کړي.
ــ د ناروغۍ د اعراضو او علایمو له ښکاره کیدو سره سم
باید ډاکتر ته مراجعه وسې.
تر څو په ښه شکل د ناروغۍ تداوي صورت ونیسي.
ځکه د ګانکو وژونکې ناروغۍ پخپل وخت له تداوۍ او درملنې سره د رغیدو وړ ده.

27/06/2023

ايا تاسې د کانګو(CCHF) ناروغي په اړه معلومات لري کوم چې د لوي يا قرباني په اختر کې د دې ناروغۍ احتمال ډير وي
ـــــــــــــــــــــــــــــــــ
د(Crimean - Congo hemorrhagic fever)
کریمیا ـ کانګو وینه بهوونکې تبې ناروغۍ یوه ساري،ویروسي او وژونکې ناروغي ده،چې د سپږې ماننده حشرې کنې پواسطه له حیواناتو انسانانو او له انسانانو څخه نورو سالمو اشخاصو ته انتقالیږي.
کانګو په پسونو، غواګانو،اوزو او نورو حیواناتو کې د خفیفې تبې په شکل موجوده وي چې انسانانو ته د مستقیم تماس له لارې له سرایت وروسته په بارز شکل اعراض او اعلایم ورکوي.
په عمومي ډول د کانګو د ویروسي ناروغۍ خفیفه تبه اعراض او اعلایم له 3 یا 4 ورځو نیولې تر 12 یا 13 ورځو پورې دوام کوي.

کانګو څه ډول انتقالیږي:
ــــــــــــــــــــــــــــــــــــــ
ــ د کانګو ناروغي د خپلې عاملې حشرې،کنې پواسطه د حیواناتو یا انسانانو د چیچلو له لارې.
ــ د کانګو په ناروغۍ د اخته ذبحه کړای سوي حیواناتو له وینې سره د انسان د وجود د یوې حسې په تماس کې راتللو سره.
ــ په ناپامۍ سره د لاس پواسطه د کنې وژل.
ــ د کانګو په ناروغۍ د اخته ناروغ له وینې یا بدن سره د روغ شخص د تماس له لارې.

د کانګو په ویروسي ناروغۍ اکثرأ
قصابان
ډاکتران
روغتیایي کارمندان
څارونکي او د ناروغانو د کورنیو د غړو د اخته کیدو چانس زیات وي.
ځکه یاد اشخاص په مسقیم ډول د ناروغ د وینې،مایعاتو او، بدن سره د ناپامۍ پر مهال په ارتباط کې راځي.

د کانګو اعراض:
ــــــــــــــــــــــــــ
ــ شدیده تبه
ــ سر دردي
ــ زړه بدوالی
ــ د عضلاتو درد
ــ د خیټې درد
ــ اسهالات
ــ د سترګو د سپینې طبقې سوروالی
ــ د رڼا سره حساسیت
ــ د ورمیږ درد او شخوالی
ــ ستړیا او عصبانیت
ــ بې خوبي او نارآمي
د کانګو د ناروغۍ په پرمختللې حالت کې د ناروغ
پوستکې کې لومړی د وینې د انتاني کیدو له امله سره رشونه پیدا کیږي چې وروسته د پوستکي د شین کیدو لامل کیږي. په عاجله واقیاتو کې له خولې او پزې څخه وینه بهیدنه جریان پیدا کوي. د پورته علایمو سره يو ځای
په استفراغ او غایطه موادو کې د وینې موجودیت د کانګو ناروغي تصدیقوي.

27/06/2023

نيکمرغه لوي اختر مو مبارک شه
د نيکمرغه لوي اختر د رارسیدو په مناسبت د امينه معالجوي کلينيک مشرتابه او ټول صحي پرسونل د افغانستان مسلمان متدين ولس ته د لوی اختر مبارکی او نيکې هيلې وړاندې کوي ، قربانۍ او عبادتونه مو د لوي رب په دربار کې قبولې او منطورې شه ، هيله ده چې دې خپلو کورنيو ترڅنګ خوشحاله اختر ولرئ

20/04/2023

20/04/2023

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

داختر د لمانځه نيت اوطريقه:

د اختر لمونځ دوه رکعته دى او دا لمونځ واجب دى
لومړى به نيت وکړى
نيت کوم د زړه د اخلاصه لمونځ کوم دکوچني اختر دوه رکعاته واجب په شپږ تکبيره سره اقتدا می ده په دى خاضر امام پسې خاص خدايه تالره مخ مى دی پر لوری دکعبي شريفى.

لومړی به :
دافتتاح تکبر یعنی الله اکبر ويل کیږی لاسونه د غوږو تر نرمي پورى وړل کېږي او ورپسې لاس تر نامه تړل کيږي

دوهم:
به ثناء (سبحنك اللهم ...) امام او مقتدى تر اخره پوري ووايي.

دريم به :
درې واره تكبيرونه ووايي امام به یی په لوړ آواز او مقتديان یی په کرار سره وایی ،
په هر تكبير كي به لاسونه غوږو ته پورته كوي او لاسونه به ايله نيسى او د هرو دوو تكبيرونو تر مابين به دومره سكوت كوي چي درې تسبيحات پكښي ويل كېدلاى سي.
ده دريم تکبیر سره به لاسونه پر نامه نيسى

څلورم به:
امام (اعوذبالله....) او (بسم الله...) پټ کرار وایی او سورة فاتحه (الحمدالله......) او قرائت به په زوره سره وائي او مقتدیان به چف وی هیڅ به هم نه وایی او بیا به دامام سره یوځای رکوع ته ځی ورپسی به سجدی ته ځی دا اول رکعت پوره سوو..!

كله چي دوهم ركعت ته راپورته سي.

امام سورة فاتحه او قرائت ووايي او بيا به درې واره تكبير ووايي پر هغه طريقه چي پورته ليكل سوې ده په څلورم تكبير سره به ركوع ته ولاړ سي.
او لمونځ به د نورو لمونځونو په څير ختم کړي.