Organizata Botërore e Shëndetësisë në Shqipëri - WHO Albania

  • Home
  • Albania
  • Tirana
  • Organizata Botërore e Shëndetësisë në Shqipëri - WHO Albania

Organizata Botërore e Shëndetësisë në Shqipëri - WHO Albania The WHO Country Office in Albania was established in 1991 in Tirana.

10 shtatori është Dita Botërore e Parandalimit të Vetëvrasjes. Çdo vit, në Europë humbasin shumë jetë nga vetëvrasja — ...
10/09/2026

10 shtatori është Dita Botërore e Parandalimit të Vetëvrasjes.

Çdo vit, në Europë humbasin shumë jetë nga vetëvrasja — në vitin 2021, mbi 120.000 njerëz humbën jetën, shumica prej tyre burra.

💬 Ta pyesësh dikë nëse po mendon t’i japë fund jetës mund të jetë hapi i parë për ta ndihmuar të flasë për këtë dhe të kërkojë ndihmë.

Le t’i qëndrojmë pranë njëri-tjetrit, të dëgjojmë dhe ta ndihmojmë njëri-tjetrin të gjejë mbështetje.

Nuk njihet asnjë sasi apo lloj alkooli që mund të konsumohet në mënyrë të sigurt gjatë shtatzënisë, dhe as ndonjë periud...
10/09/2026

Nuk njihet asnjë sasi apo lloj alkooli që mund të konsumohet në mënyrë të sigurt gjatë shtatzënisë, dhe as ndonjë periudhë e shtatzënisë kur konsumimi i tij është i sigurt.

Megjithatë, 1 në 4 gra në Rajonin Europian të OBSH-së konsumon alkool gjatë shtatzënisë. Kjo përqindje është shumë më e lartë se në rajonet e tjera të OBSH-së.

Konsumimi i alkoolit gjatë shtatzënisë mund të ketë shumë pasoja të dëmshme. Ai rrit rrezikun për lindje të foshnjës pa shenja jete, abort spontan, lindje të parakohshme dhe peshë të ulët në lindje. Foshnjat e ekspozuara ndaj alkoolit në barkun e nënës rrezikojnë gjithashtu të zhvillojnë Çrregullime të Spektrit të Alkoolit Fetal (FASD) ose Sindromën e Alkoolizimit Fetal (FAS).

përfshin një grup çrregullimesh konjitive dhe të sjelljes të cilat mund të kenë pasoja gjatë gjithë jetës, përfshirë vështirësi në sjellje dhe në të nxënë, si edhe probleme fizike. FAS është forma më e rëndë e FASD. Shenjat përfshijnë çrregullime të funksionimit të sistemit nervor qendror, vonesa në rritje para dhe pas lindjes, vështirësi të mëdha në të nxënë dhe në sjellje, si edhe tipare karakteristike të fytyrës.

Për më shumë informacion, lexoni fletën informuese të OBSH/Europës mbi FASD: https://bit.ly/4xHtk1Y

Duhani dhe infertiliteti: një sfidë e anashkaluar e shëndetit publikhttps://bit.ly/4iRPTfC📅 9 shtator 2026🕚 11:00–12:00 ...
08/09/2026

Duhani dhe infertiliteti: një sfidë e anashkaluar e shëndetit publik

https://bit.ly/4iRPTfC

📅 9 shtator 2026

🕚 11:00–12:00 CET

Na ndiqni në këtë webinar, i cili do të ofrojë një panoramë të plotë të lidhjes ndërmjet përdorimit të duhanit dhe , përfshirë format e reja të përdorimit të duhanit dhe ekspozimin pasiv.

Në webinar do të shqyrtohen dëshmitë shkencore gjithnjë e më të shumta që e lidhin ekspozimin ndaj tymit të duhanit me infertilitetin, duke u mbështetur në gjetjet kryesore të Përmbledhjes së Njohurive të OBSH-së mbi Duhanin dhe Infertilitetin.

Ekspertët do të diskutojnë ndikimin e përdorimit të dhe ekspozimit ndaj tij në dhe , masat përkatëse të politikave, si dhe mundësitë për të forcuar parandalimin dhe mbështetjen për lënien e duhanit.

Me pjesëmarrjen e folësve nga:

Selia qendrore e OBSH-së
McMaster University
Shanghai Health Promotion Center
Rainbow Hearts Foundation – Uganda

Fruthi mund të jetë vdekjeprurës.A i njihni simptomat?🔴 Puçrra që shfaqen në fytyrë dhe përhapen në të gjithë trupin🔴 Te...
07/09/2026

Fruthi mund të jetë vdekjeprurës.

A i njihni simptomat?

🔴 Puçrra që shfaqen në fytyrë dhe përhapen në të gjithë trupin

🔴 Temperaturë

🔴 Kollë

🔴 Sy të skuqur dhe të përlotur

🔴 Njolla të vogla të bardha në brendësi të faqeve

Kërkoni ndihmë mjekësore nëse dyshoni se ju ose fëmija juaj mund të jeni prekur nga fruthi.

Në Rajonin Europian, rreziku nga zjarret në natyrë po shtrihet gjithnjë e më shumë drejt veriut.Kushtet më të ngrohta dh...
03/09/2026

Në Rajonin Europian, rreziku nga zjarret në natyrë po shtrihet gjithnjë e më shumë drejt veriut.

Kushtet më të ngrohta dhe më të thata po zgjasin periudhat gjatë të cilave bimësia mund të marrë flakë – madje edhe në vende që tradicionalisht konsideroheshin tepër të freskëta ose të lagështa për zjarre të përhapura në natyrë.

Zjarri i fundit, i cili vazhdoi për një kohë të gjatë në zonën Cairngorms të Skocisë, nxjerr në pah këtë sfidë në rritje. Përveç ndikimit në mjedis, zjarret në natyrë mund të dëmtojnë shëndetin, të detyrojnë komunitetet të zhvendosen dhe të ushtrojnë trysni mbi shërbimet shëndetësore dhe të emergjencës.

Vendet po përdorin Paketën Strategjike të Mjeteve të OBSH-së për Vlerësimin e Rreziqeve (STAR) për të vlerësuar rreziqet që lidhen me klimën, përfshirë valët e të nxehtit dhe zjarret në natyrë, si dhe për të forcuar gatishmërinë në të gjithë sektorët.

Lexoni më shumë: https://bit.ly/3UA1bLw

Përmirësimi i shëndetit të grave gjatë gjithë jetës kërkon më shumë sesa thjesht ofrimin e kujdesit. Duhen përmirësuar t...
02/09/2026

Përmirësimi i shëndetit të grave gjatë gjithë jetës kërkon më shumë sesa thjesht ofrimin e kujdesit. Duhen përmirësuar të gjitha sistemet mbi të cilat mbështeten https://www.facebook.com/hashtag/healthdata, duke përfshirë:

🔹 Diagnostikimin: punë klinike kërkimore më gjithëpërfshirëse si dhe praktika më të barabarta

🔹 Mbikëqyrjen: të dhëna më të mira për kujdesin afatgjatë, të ndara sipas moshës dhe gjinisë

🔹 Informacionet mbi vdekshmërinë: certifikim i saktë i vdekjeve dhe kodim më specifik

Sepse një grua është më shumë se një nënë. Të dhënat duhet ta pasqyrojnë këtë në çdo fazë të jetës së saj.

https://www.facebook.com/hashtag/morethanamother https://www.facebook.com/hashtag/eurodatastories

Lexoni analizën tonë: https://bit.ly/4ikjuhu
Zbuloni më shumë të dhëna shëndetësore nga Europa: https://bit.ly/3WJhZxu https://www.facebook.com/hashtag/healthdata

Dhuna ndaj grave nuk përfundon në një moshë të caktuar.Edhe pse shpesh trajtohet si një problem që prek kryesisht gratë ...
31/08/2026

Dhuna ndaj grave nuk përfundon në një moshë të caktuar.

Edhe pse shpesh trajtohet si një problem që prek kryesisht gratë e reja, në të vërtetë nuk është kështu.

Edhe gratë në moshë më të madhe përjetojnë dhunë nga partneri intim, abuzim psikologjik dhe forma të tjera dhune. Rreziku i femicidit vazhdon të jetë i pranishëm gjatë gjithë jetës.



Lexoni studimin tonë:
https://bit.ly/4ikjuhu

Zbuloni më shumë për Europën:
https://bit.ly/3WJhZxu

Vdekshmëria amtare është ulur në Rajonin Europian të OBSH-së. Sot, më shumë se 98% e lindjeve kryhen në institucione shë...
27/08/2026

Vdekshmëria amtare është ulur në Rajonin Europian të OBSH-së. Sot, më shumë se 98% e lindjeve kryhen në institucione shëndetësore dhe 99% asistohen nga profesionistë të shëndetësisë.

Ky përparim është rezultat i përmirësimit të kujdesit klinik, forcimit të mbikëqyrjes dhe angazhimit të vazhdueshëm në nivel politik.

Megjithatë, kur gratë vlerësohen kryesisht për rolin e tyre riprodhues, ekziston rreziku që nevojat e tyre të tjera shëndetësore të mos marrin vëmendjen e duhur. Shumica e grave nuk e humbin jetën gjatë viteve të moshës riprodhuese. Në fakt, ato jetojnë më gjatë se burrat, por kalojnë më shumë vite me shëndet jo të mirë.

OBSH prezanton një seri të re me dëshmi të bazuara në të dhëna.

E nisim me: - https://www.facebook.com/hashtag/morethanamother — një analizë e thelluar e asaj që zbulojmë kur e shohim më gjerësisht shëndetin e grave dhe të personave të cilëve u është përcaktuar seksi femër në lindje.

- https://www.facebook.com/hashtag/eurodatastories

Lexoni analizën tonë: https://bit.ly/4ikjuhu
https://bit.ly/4ikjuhu

Eksploroni më shumë të dhëna shëndetësore nga Europa — https://www.facebook.com/hashtag/healthdata
https://bit.ly/3WJhZxu
https://bit.ly/3WJhZxu

Reagimi nis përpara se të ndodhë emergjenca.Kur ndodh një emergjencë, reagimi duhet të jetë i shpejtë. Por puna që e bën...
20/08/2026

Reagimi nis përpara se të ndodhë emergjenca.

Kur ndodh një emergjencë, reagimi duhet të jetë i shpejtë. Por puna që e bën të mundur këtë reagim nis shpesh shumë kohë përpara sinjalit të parë, mobilizimit të ekipeve apo mbërritjes së pacientit të parë.

Është puna e planifikimit, mbikëqyrjes, hartimit të udhëzimeve dhe trajnimit. Janë marrëdhëniet e ndërtuara përpara se të lindë nevoja për to. Janë sistemet e testuara përpara se të vihen nën presion. Është besimi te OBSH-ja, partnerët humanitarë dhe shkenca, i forcuar ndër vite përmes kërkimit shkencor, bashkëpunimit ndërkombëtar dhe mësimeve të nxjerra nga krizat e mëparshme.

Në të gjithë Rajonin Europian të OBSH-së, kjo punë, që shpesh mbetet e padukshme, ndihmon OBSH-në dhe partnerët e saj ta kthejnë informacionin në veprim. Dhe procesi i të mësuarit nuk përfundon kur mbaron reagimi i menjëhershëm. Përvoja e fituar gjatë një emergjence rikthehet në planifikim, trajnime, udhëzime dhe sisteme, duke ndihmuar që reagimi ndaj emergjencës së ardhshme të jetë edhe më i fortë.

Me rastin e Ditës Botërore Humanitare, hedhim një vështrim pas skenës, te njerëzit, sistemet dhe partneritetet që bëjnë të mundur një reagim efektiv ndaj emergjencave.

Kështu duket në praktikë gatishmëria ndaj emergjencave.

https://bit.ly/3U4e0gV

Sëmundjet kardiovaskulare shkaktojnë 47% të të gjitha vdekjeve te gratë në Rajonin Europian të OBSH-së. Megjithatë, ende...
19/08/2026

Sëmundjet kardiovaskulare shkaktojnë 47% të të gjitha vdekjeve te gratë në Rajonin Europian të OBSH-së. Megjithatë, ende shumë gra përballen me vonesa në diagnostikim, trajtim të pamjaftueshëm dhe pasoja më të rënda për shëndetin.

Address

Tirana

Website

Alerts

Be the first to know and let us send you an email when Organizata Botërore e Shëndetësisë në Shqipëri - WHO Albania posts news and promotions. Your email address will not be used for any other purpose, and you can unsubscribe at any time.

Shortcuts

Share

Category