Psychotherapist Anush Gevorgyan

29/05/2026

Ինչո՞ւ է հոգեբանը թերապիայի ընթացքում իրականացնում հոգեկրթություն

​Հոգեբանը բացատրում է այցելուի հետ տեղի ունեցող պրոցեսները։ Օրինակ, տագնապային վիճակում գտնվող այցելուին բացատրում է, ինչպես է տագնապն ազդում մարդու ֆիզիոլոգիայի, հույզերի և վարքի վրա։ Կամ, ինչպես է սթրեսն առաջացնում “փախիր կամ հարձակվիր” ռեակցիան։

Հոգեկրթությունն օգնում է հաղթահարել դիմադրությունը։ Երբ այցելուն հասկանում է թերապևտիկ վարժությունների կամ տնային առաջադրանքների իմաստը, նա ավելի պատրաստակամորեն է ներգրավվում ապաքինման գործընթացում։ 

Հոգեկրթությունն օգնում է այցելուին հասկանալ, որ հոգեբանը «ամենագետ փրկիչ» չի, այլ մասնագետ, ով ունի համապատաախան գիտելիքներ և մարդկանց հետ աշխատելու փորձ։

Հոգեկրթությունը կարևոր է ոչ միայն թերապևտիկ գործընթացում, այլ ինքնազարգացման, ինքնաընդունման, միջանձնային հարաբերությունների բարելավման, հոգեկան առողջության կարևորության, հոգեբանական գիտելիքների մասայականացման համար։

Գիտելիքը ուժ է, բայց հոգեբանական գիտելիքը նաև ազատություն է։

#հոգեբան #հոգեկրթություն #հոգեբանականխորհրդատվություն #հոգեթերապիա #ԴիաԼոգ

27/05/2026

Սիրելի ծնող

Քանի որ էջում շատ են ծնողները, որոշեցի դիմել բոլորին, ու նաև ինձ։

Այս օրերին 1000֊ավոր աշակերտներ քննություններ են հանձնում և շատերի տանը տագնապային տրամադրություն է, անհանգստություն։ 

Նշեմ մի քանի գործոններ, որոնք ավելի են սրում տիրող տագնապային վիճակը։ 

Մենք, ծնողներս, հաճախ ենք արժեզրկում երեխայի հույզերը, ապրումները, գնահատում ենք իրավիճակը ոչ թե դպրոցականի, այլ մեծահասակի դիրքից, մոռանալով, որ երեխան չի անցել այն ճանապարհը, որը մենք ենք անցել և դեռ չի հասցրել ձևավորել քննություն հանձնելու իր “իմունիտետը”։ 

Մյուս կողմից էլ հաճախ մենք դպրոցականին ենք վերագրում մեր վախերը, անհաջողությունների փորձառությունը, մինչդեռ երեխան չունի նման փորձառություն և իրավիճակին նայում է այլ տեսանկյունից։ 

Եվս մեկ կարևոր բան, երբ ծնողները երեխային են հանձնում սեփական սպասելիքներն արդարացնելու բեռը, որն ավելի մեծ սթրես է պարունակում, քան քննություն հանձնելը, քննաշրջանին պատրաստվելը։ 

Ծնողի սպասելիքները չարդարացնելը երեխայի կողմից ընկալվում են “ինձ չեն սիրի”, “ես պետք է հաջողեմ, որ ինձ ընդունեն”, “ես չեմ կարող խայտառակել ծնողներիս” կոնտեքստում։ 

Իհարկե, քննաշրջանը բավականին ծանր սթրեսածին շրջան է, սակայն դիտարկեք այն որպես կյանքի հերթական փուլ։ Երեխայի հոգեկան առողջությունը և բարեկեցությունն ավելի կարևոր է, քան որևէ գնահատական կամ որևէ դպրոցում սովորելու հեռանկար։

27/05/2026

08/05/2026

Օնլայն հոգեթերապիա. միֆ, թե՞ իրականություն։
📌 Հոգեբանի հետ օնլայն աշխատանքը ոչ լավն է, ոչ վատը։ Դա հարմար է, հասանելի և շատերի համար հոգեբանի աջակցություն ստանալու միակ հնարավոր տարբերակը։
Ամենակարևորը հոգեբանի և այցելուի միջև ձևավորվող վստահությունն է։

Օնլայն հոգեբանական այց գրանցելու համար գրեք էջին կամ զանգահարեք`
+37493406999 (viber)
+37443406999 (whats app)

03/05/2026

Իմ ծնողները ինձ առ այսօր Անուշիկ են կանչում։ 46 տարեկանում Անուշիկ, երբ երեխաներս ինձ մամա են կանչում, իսկ դրսում ինձ դիմում են տիկին Մայրանուշ, տիկին Գևորգյան։
Ու դա այնքան ջերմացնող ու ապահովություն տվող զգացողություն է, երբ դու ունես հիմք, опора, մեջք, երբ դու ինչ֊որ տեղ դեռ կարող ես լինել երեխա, ուղղակի Անուշիկ։

21/04/2026

Երկինքը և եղանակը տեխնիկան օգնում է նկատել, որն"մենք մեր խնդիրները չենք։ Մենք առանձին ենք, երկինքն ենք, որը վեր է խնդիրներից և մեր կյանքում առկա դժվարություններից"։
#հոգեբանություն #հոգեթերապիա #խնդիրներ #ԴիաԼոգ

18/04/2026

Շատերը հոգեբանական խորհրդատվությունը դիտարկում են մասնագետից այս կամ այն խնդիրը լուծելու համար խորհուրդ ստանալը, մինչդեռ…

🔸️Հոգեբանը ստեղծում է ապահով տարածք, որ դուք կարողանաք խոսել “չի կարելիների մասին”,
🔸️Չի քննադատում ձեր ապրումները, 🔸️Չի արժեզրկում ձեր հույզերը,
🔸️Խորհուրդ տալու փոխարեն նա օգնում է ձեզ հասկանալ ինքներդ ձեզ և գտնել սեփական ռեսուրսները։
🔸️Հոգեբանը չի դաստիարակում, կյանքի դասեր չի տալիս։

Ի՞նչ է տեղի ունենում խորհրդատվության ընթացքում։

​Ինքնաճանաչում: Դուք սկսում եք ավելի լավ ճանաչել ձեզ, ձեր վարքի և մտքերի պատճառահետևանքային կապերը։

​Պատասխանատվության ստանձնում: Երբ դադարում եք սպասել «ճիշտ» խորհրդի, դուք ձեռք եք բերում ինքնուրույն և ազատություն։

​Հուզական գրագիտություն: Դուք սովորում եք ոչ թե փախչել ցավից կամ տագնապից, այլ հասկանալ, թե ինչ են դրանք հուշում ձեզ։

​Կարևոր է հիշել. Հոգեբանական աշխատանքի նպատակը ոչ թե խնդիրների ակնթարթային անհետացումն է, այլ այնպիսի ներքին հենարանի ստեղծումը, որի շնորհիվ դուք պատրաստ կլինեք դիմակայել կյանքի ցանկացած մարտահրավերի։
​Այսպիսով, թերապիան ոչ թե դրսից եկած հրահանգ է, այլ ներքին երկխոսություն, որն օգնում է ձեզ դառնալ ձեր կյանքի իրական հեղինակը։

16/04/2026

Ի՞նչ նայել երեկոյան։
У зеркала два лица.
Սիրո, հոգեբանության, երաժշտության մասին, մարդկային հարաբերությունների հանրագիտարան։

11/04/2026

Հոգեբանական այց գրանցելու համար գրեք 📩 կամ։📞 093406999։։
#հոգեբանականխորհրդատվություն #հոգեթերապիա #կարևորգործ #հոգեբան #ԴիաԼոգ