07/08/2026
2026 оны Сугарын эрэмбэ - Хайр ба Харилцаа аялал маргааш эхэлнэ. Дэлгэрэнгүй мэдээлэл авахыг хүсвэл СУГАР гэж бичээрэй.
СУГАРЫН УРСГАЛД НЭВТРЭХ НЬ
Сугарын эрэмбэ рүү орохын өмнө энэ мэргэн ухааныг хүлээн авахдаа туулсан бодит туршлагаасаа багахан хуваалцъя. Наранд ээгдсэн зуны үдээс хойш байлаа. Генийн түлхүүрийн гурван өдрийн семинарын хичээлээ дөнгөж дуусгасан би сэтгэл догдлон хөөрч явав. Одоо Сүүдэр, Билэг, Сидди хэмээн алдаршсан ухамсрын гурван түвшнийг олон нийтэд анх удаа танилцуулсан минь тэр байлаа. 64 Сиддигийн нэрс сургалт эхлэхийн өмнөх хоёрхон өдрийн дотор надад ирсэн байсан тул хурдацтай дэлгэгдэх энэ илчлэлийг гүйцэхийн тулд миний оюун хэрхэн уралдаж байсныг тайлбарлахын арга үгүй.
Гэртээ харих галт тэргэнд сууж явтал гэнэт И Чингийн 64 хексаграмыг хооронд нь холбосон геометр хээний асар том сүлжээг харагдаж эхлэх нь тэр. Хээ зураглалууд нь нарийн бөгөөд цар хүрээгээрээ гайхалтай ярвигтай атлаа фрактал хээ мэт үзэсгэлэнтэй байв. Би аяндаа ухамсрын дээд төлөвт шилжиж, тэр нь дараагийн гурван өдрийн турш үргэлжилсэн юм. Эдгээр хээг харж эхэлсэн яг тэр өдөр нь Сугар гараг Нарны өмнүүр нүүн өнгөрөх ховор үзэгдэл тохиосон байсныг би хожим нь мэдсэн юм. (Тайлбар: 2004 оны 6-р сарын 8-ны өдөр Сугар гараг нар, Дэлхий хоёрын яг хооронд орж, нарны гэрэлт мандлын өмнүүр жижигхэн хар толбо мэт нүүн өнгөрөх туйлын ховор үзэгдэл тохиосныг хэлж байна. Сүүлийн үзэгдэл нь 2012 онд тохиосон бөгөөд дараагийнх нь 2117 онд тохиохоор байгаа юм.) Энэ явдлаас хойш гурван өдрийн дотор би Сугарын эрэмбийн илчлэлүүдийг хүлээн авсан билээ. Мэргэн ухааны ард ухаарлын асар их урсгал давлагаалж, одоо миний мэдлэгийн чимээгүйхэн хэсэг болж, одоо миний энгийн сэрүүн ухамсар нэвтрэхээ больсон олон зүйлийг би тэр үед харсан. Илчлэл гэдэг туйлын субьектив зүйл учраас тайлбарлахад даанч бэрх шүү!
Энэ илчлэлийн гол цөмд Сугар гарагийн эрчим энерги, зам мөр, мөн түүний байршил оршдог. Сугар гараг бол зөвхөн огторгуйн биет төдий зүйл биш, харин Сугар гарагтай магадгүй холограф хэлбэрээр, архетип хэлбэрээр холбогддог ухамсрын урсгал билээ. Би энэ үзэгдлийг Сугарын урсгал гэж нэрлэдэг. Энэ бол эрчим энерги, мэргэн ухааны амьд дамжуулалт билээ. Генийн түлхүүрийг амьд дамжуулалт гэх энэ санааг би урьд нь хуваалцаж байсан ч, үүнийг зүүн тархиар сэтгэдэг оюунд тайлбарлахад амаргүй. 2004 онд энэ мэдлэгийг хүлээн авахад надад түүнийг харьцуулан зөв байршуулж ойлгох ямар ч бодит суурь ойлголт байгаагүй. Тэр цэвэр илчлэл байсан төдийг онгон дагшин, хүчирхэг чанараараа намайг эрүүл ухааны зах хязгаарт хүргэсэн билээ. Түүнээс хойш би энэ мэргэн ухааны цаглашгүй даац цараатай хэрдээ л нүүр тулан ноцолдсоор олон жилийг ардаа үлдээжээ.
Харин одоо Алтан замын бүрэн бүтцийн хүрээнд Сугарын эрэмбийг ойлгон шингээх тодорхой суурь ойлголт нэгэнт бүрэлджээ. Үүнд хөнгөн хуумгай хандаж болохгүйг би ухаарсан. Идэвхжилийн эрэмбэ таныг Сугарын урсгалд орох бэлтгэлийг хангадаг. Гэвч Идэвхжилийн эрэмбээс ялгаатай нь Сугарын эрэмбэ хамаагүй илүү эмэгтэйлэг, уян хатан мушгирсан замууд нь их. Ухаарлууд баруун тархинаас, таны зөн совингийн зүрхнээс ирэх болно.
Өөрөөр хэлбэл таны логик сэтгэлгээ ардаас нь, бодит өөрчлөлт хувьслууд болж өнгөрсний дараа гүйцэж ирнэ гэсэн үг. Иймээс энэ бол яаруулж болдоггүй мэргэн ухаан. Та оюун ухаанаараа яаран орж болох ч, урсгалтай хэмээ зэрэгцэн нийцүүлээгүй бол таны аялал зөвхөн оюуны аялал төдий болно.
Сугарын урсгалд орно гэдэг гүн гүнзгий төдийгүй удаан хугацаанд үргэлжлэх өөрчлөлт хувьслын сүрлэг агуу үйл явцад өөрийгөө бүрэн даатган урсгах явдал.
Сугарын урсгалаар дамжих хувирал нь сэтгэл хөдлөлийн хувирал билээ. Таны сэтгэл хөдлөлүүд бол энэ аяллын түүхий эд. Тэдгээр нь танд үйлийн үрийн эргэлт мушгираануудыг даван туулах хөдөлгөгч хүчийг өгөх болно.
