Life at Saglam Aile

Life at Saglam Aile Life at Saglam Aile

Bir "Sağlam Ailə" hekayəsi. Burada hər kəs dəyərlidir!

Bu gün SAĞLAM AİLƏ Tibb Mərkəzinin Baş direktoru, hər birimizin fəaliyyətinə işıq tutan dəyərli rəhbərimiz Vüqar Eyvazov...
18/06/2026

Bu gün SAĞLAM AİLƏ Tibb Mərkəzinin Baş direktoru, hər birimizin fəaliyyətinə işıq tutan dəyərli rəhbərimiz Vüqar Eyvazovun doğum günüdür.

İllər öncə atılan o ilk addım bu gün minlərlə insanın sağlamlığına və təbəssümünə vəsilə olan böyük bir dəyərə, ailəyə çevrildi. Bu böyük və xeyirli missiyanın arxasında isə həm peşəkar bir rəhbər, eyni zamanda hər bir əməkdaşına fərdi diqqət göstərən, iş mühitini bizə doğma edən böyük bir ürək dayanır.

Hörmətli Vüqar Eyvazov, bizi bir ailə kimi eyni amal uğrunda birləşdirdiyiniz, bizə güvəndiyiniz və adımız kimi sağlam, mehriban bir mühit yaratdığınız üçün Sizə minnətdarıq. Sizə ilk növbədə möhkəm can sağlığı, tükənməz enerji və bol nailiyyət arzu edirik!

Sizin peşəkarlığınız və liderliyinizlə Mərkəzimizin daha neçə-neçə uğurlara imza atacağımıza əminik!

Doğum gününüz mübarək! 💙

17/06/2026

Sağlamlıq - vaxtında aparılan müayinədən başlayaraq verilən düzgün qərarda, dəqiq diaqnozda, qayğı ilə deyilən bir sözdə və insan sağlamlığı naminə yorulmadan göstərilən fədakar xidmətdə təzahür olunur.

Onların gördüyü işin dəyəri doğru nəticələrlə yanaşı, hər gün insanlara bəxş etdikləri ümiddə və güvəndə öz əksini tapır. Ağ xalatın arxasında böyük məsuliyyət, yüksək peşəkarlıq və insan sevgisi dayanır.

Mərkəzimiz adından bu yolda yorulmadan çalışan bütün həkimlərimizi və tibb işçilərimizi 17 İyun - Tibb İşçilərinin Peşə Bayramı Günü münasibətilə təbrik edir, onlara təşəkkürümüzü bildiririk. 💙

SAĞLAM AİLƏ Tibb Mərkəzi Səhiyyə Nazirliyinin 2 nömrəli Bakı Baza Tibb Kollecində 2025/2026-cı tədris ilinin məzunları ü...
11/06/2026

SAĞLAM AİLƏ Tibb Mərkəzi Səhiyyə Nazirliyinin 2 nömrəli Bakı Baza Tibb Kollecində 2025/2026-cı tədris ilinin məzunları üçün “Karyerada ilk addım” devizi altında keçirilən məşğulluq yarmarkasında iştirak edib.

Mərkəzin İnsan Resursları, Təlim və Tərəfdaşlıq şöbəsinin əməkdaşları tədbir çərçivəsində məzunlarla görüşərək mövcud vakansiyalar, təcrübə proqramları və karyera inkişaf imkanları barədə ətraflı məlumat veriblər.

SAĞLAM AİLƏ Tibb Mərkəzi səhiyyə sahəsində peşəkar kadrların yetişdirilməsi, gənc mütəxəssislərin əmək bazarına inteqrasiyası və təhsil müəssisələri ilə əməkdaşlığın inkişafını daim diqqət mərkəzində saxlayır.

03/06/2026

Bu dəfə baş rolda SAĞLAM AİLƏ-nin balaca qəhrəmanları oldu! 🎈

Mərkəzimizdə 1 İyun - Uşaqların Beynəlxalq Müdafiəsi Günü münasibətilə balacalarımız üçün maarifləndirici, interaktiv və yaddaqalan tədbir proqramı təşkil olundu.

Uşaqlar yaradıcı əl işi üzrə keçirilən master-klassda iştirak edərək öz bacarıqlarını nümayiş etdirdilər. Tədbirin növbəti hissəsində balaca dostlarımız roloyunu formatında həkim və pasiyent rollarını canlandırdılar.

Laboratoriya ekskursiyası zamanı laboratoriyamızın iş prinsipləri haqqında ilkin məlumat əldə edərək, elm və tibb dünyasını daha yaxından kəşf etdilər 🔬🧪

Tədbir çərçivəsində Mərkəzimizin İdarəçi Direktoru Vədiyə Ələkbərzadə uşaqları təbrik edərək onlara ən xoş arzularını çatdırdı. Daha sonra uşaqlara hədiyyələr təqdim olundu və onların sevincinə sevinc qatıldı. 🎁

Günün sonunda isə balacalar cizgi filmi izləyərək bayram abu-havasını doyunca yaşadılar 🎬🍿

Uşaqların gülüşü, şirin həyacanı və xoşbəxtliyi bu günü daha da mənalı etdi. ✨

Yeni Azərbaycan Partiyası (YAP) Nəsimi Rayon Təşkilatı və SAĞLAM AİLƏ Tibb Mərkəzinin birgə təşəbbüsü ilə 1 İyun - Uşaql...
01/06/2026

Yeni Azərbaycan Partiyası (YAP) Nəsimi Rayon Təşkilatı və SAĞLAM AİLƏ Tibb Mərkəzinin birgə təşəbbüsü ilə 1 İyun - Uşaqların Beynəlxalq Müdafiəsi Günü münasibətilə 1 saylı Körpələr Evinə ziyarət həyata keçirilib.

Ziyarətdə SAĞLAM AİLƏ Tibb Mərkəzinin baş direktoru Vüqar Eyvazov, Mərkəzin idarəçi direktoru, sosial layihələrin rəhbəri Vədiyə Ələkbərzadə, Yeni Azərbaycan Partiyası Nəsimi Rayon Təşkilatının sədri Azər Süleymanov, 1 saylı Körpələr Evinin direktoru Dürdanə Budaqova və ərazi partiya təşkilatının sədri Sevinc Vəliyeva iştirak ediblər.

Ziyarət zamanı uşaqların bayramı təbrik olunub, onların sevincinə şərik olmaq məqsədilə SAĞLAM AİLƏ Tibb Mərkəzi tərəfindən xüsusi hazırlanmış bayram sovqatları və müxtəlif hədiyyələr təqdim edilib. Balacaların səmimi təbəssümü və xoş əhval-ruhiyyəsi tədbirin ən dəyərli mənəvi qazancı olub.

SAĞLAM AİLƏ Tibb Mərkəzi fəaliyyətində sosial məsuliyyət prinsiplərinə xüsusi önəm verir, cəmiyyətin həssas təbəqələrinə dəstək göstərilməsini özünün əsas dəyərlərindən biri hesab edir. Mərkəzin rəhbərliyinin təşəbbüsü ilə həyata keçirilən bu ziyarət uşaqlara sevinc bəxş etməklə yanaşı, onlara diqqət və qayğının göstərilməsinin vacibliyini bir daha ön plana çıxarıb.

Mərkəzimiz gələcəkdə də sosial yönümlü layihələr və xeyriyyə təşəbbüsləri ilə cəmiyyətə fayda verməyə, humanist dəyərlərin təşviqinə və uşaqların rifahına töhfə göstərməyə davam edəcək.

SAĞLAM AİLƏ Tibb Mərkəzi Qızıl Aypara Cəmiyyəti ilə əməkdaşlıq çərçivəsində aztəminatlı ailələri ziyarət edərək onlara s...
29/05/2026

SAĞLAM AİLƏ Tibb Mərkəzi Qızıl Aypara Cəmiyyəti ilə əməkdaşlıq çərçivəsində aztəminatlı ailələri ziyarət edərək onlara sovqat təqdim etdi.

Bəzən bir təşəkkür, bir xoş söz, bir təbəssüm görülən işin ən böyük qarşılığı olur. Bu görüşlərdə eşitdiyimiz səmimi ürək sözləri və insanların üzündə yaranan sevinc hissi bizim üçün ən dəyərli mənəvi qazanc oldu.

İnsanların yanında olmaq, paylaşmaq və ehtiyac duyulan məqamlarda dəstək göstərmək cəmiyyətimizi gücləndirən əsas dəyərlərdəndir.

SAĞLAM AİLƏ Tibb Mərkəzi uzun illərdir sosial məsuliyyət prinsiplərinə sadiq qalaraq bu istiqamətdə fəaliyyətini davam etdirir. Görülən xeyirxah işlərin böyük hissəsi ictimaiyyətə təqdim olunmur. Bəzi təşəbbüslər isə paylaşma mədəniyyətini təşviq etmək, xeyirxahlığın yayılmasına töhfə vermək və daha çox insanı bu dəyərlər ətrafında birləşdirmək məqsədilə ictimailəşdirilir.

Hər evə sağlamlıq, sevinc və bərəkət arzulayırıq.

(Xüsusi qeyd: şəkillər hər bir vətəndaşımızın öz istəyi və razılığı ilə təqdim edilir)

27/05/2026

Qurban Bayramı paylaşmağın, birlik və həmrəyliyin ən gözəl nümunəsidir ✨🌙

Bu əziz bayram münasibətilə Mərkəzimizin kollektivini təbrik etdik, əməkdaşlarımızla birlikdə səmimi və xoş bir bayram ab-havası yaşadıq.

Belə gözəl günlərin insanları bir araya gətirməsi, xoş niyyət və diqqətin paylaşılması bizim üçün xüsusi dəyər daşıyır.

Bütün kollektivimizi və hər kəsi Qurban Bayramı münasibətilə təbrik edir, hər evə ruzi-bərəkət, sağlamlıq və gözəl günlər arzulayırıq 🤍

Bayramınız mübarək!

20/05/2026

“İnsan resursları” dedikdə ağlınıza nə gəlir?
Bu sualı əməkdaşlarımıza ünvanladıq. Kameramıza komanda ruhunu əks etdirən səmimi fikirlər əks olundu.

İnsan kapitalının inkişafına töhfə verən bütün İnsan Resursları əməkdaşlarını peşə bayramları münasibətilə təbrik edir, fəaliyyətlərində uğurlar arzulayırıq.

Beynəlxalq Tibb Bacıları Günü münasibətilə səhiyyə sistemimizin qəhrəmanları olan dəyərli tibb bacılarımız rəhbərlik tər...
13/05/2026

Beynəlxalq Tibb Bacıları Günü münasibətilə səhiyyə sistemimizin qəhrəmanları olan dəyərli tibb bacılarımız rəhbərlik tərəfindən təbrik olundu. Onların məsuliyyətli əməyi, yüksək peşəkarlığı və insan sağlamlığı naminə göstərdikləri xidmət xüsusən vurğulandı.

Mərkəz olaraq əməkdaşlarımızın rifahına, peşəkar inkişafına və onlar üçün əlverişli iş mühitinin formalaşdırılmasına daim xüsusi önəm veririk.

Bütün tibb bacılarımıza göstərdikləri məsuliyyətli əməyə və yüksək keyfiyyətli fəaliyyətlərinə görə təşəkkür edir, onlara möhkəm cansağlığı və gələcək fəaliyyətlərində uğurlar arzulayırıq. 🩵🌷

📢 SAĞLAM AİLƏ Tibb Mərkəzində yeni vakansiya!Vəzifə: 📌 Təchizat və satınalma üzrə mütəxəssisMüraciət üçün son tarix: 07....
08/05/2026

📢 SAĞLAM AİLƏ Tibb Mərkəzində yeni vakansiya!

Vəzifə:
📌 Təchizat və satınalma üzrə mütəxəssis

Müraciət üçün son tarix: 07.06.2026

⬇️ Ətraflı: https://saglamaile.az/about-us/career/





Address

Baku
Azerbaycan
1022

Website

Alerts

Be the first to know and let us send you an email when Life at Saglam Aile posts news and promotions. Your email address will not be used for any other purpose, and you can unsubscribe at any time.

Shortcuts

Share

Category