Ginekoloq-Cərrah Dr. İlahə Qasımzadə, PHD

28/09/2026

Sağlamlığınızı nə vaxta qədər təxirə salacaqsınız?

Gündəlik qaçhaqaç, iş rejimi və “sabah edərəm” düşüncəsi... Çox vaxt özümüzə və sağlığımıza vaxt ayırmağı planlarımızın ən sonuna saxlayırıq.

Lakin unutmayın ki, bir çox ginekoloji xəstəliklər ilkin mərhələdə heç bir ağrı və ya narahatlıq yaratmadan irəliləyir. İldə cəmi 1 dəfə keçəcəyiniz profilaktik müayinə, gələcəkdə qarşılaşa biləcəyiniz böyük risklərin qarşısını almaq üçün kifayətdir.

Sağlamlıq təxirə salınacaq bir seçim deyil — o, bu gün atacağınız kiçik bir addımla qorunur.

📌 Özünüzə dəyər verin, profilaktik müayinənizi bu gün planlaşdırın.

SağlamQadın

23/09/2026

🤰 Prenatal risk panelləri nə üçün vacibdir?

Hamiləlik dövründə ana və dölün sağlamlığının qiymətləndirilməsi üçün aparılan prenatal risk panelləri müəyyən genetik və xromosom pozuntuları ilə bağlı risklərin vaxtında dəyərləndirilməsinə kömək edir.

Bu müayinələr hamiləliyin müxtəlif mərhələlərində tətbiq oluna bilər və nəticələr həkim tərəfindən digər müayinələrlə birlikdə qiymətləndirilməlidir.

📌 Unutmayın: prenatal skrininq diaqnoz qoymur, yalnız müəyyən vəziyyətlərin yaranma riskini qiymətləndirir.

Hamiləliyin düzgün izlənilməsi üçün müayinələrin vaxtında və həkim tövsiyəsi ilə aparılması vacibdir. 🤍

21/09/2026

👩🏻‍⚕️ Ginekoloqun eşitmək istəmədiyi 5 cümlə 😅

“Özüm dərman başladım, yaxşılaşdı.”
“Aybaşı çoxdan gecikir, amma fikir vermədim.”
“İnternetdə simptomları oxudum, özüm diaqnoz qoydum.”
“Qanaxmam əvvəlkindən çoxdur, amma normaldır yəqin.”
“Sonuncu dəfə nə vaxt müayinədə olduğumu xatırlamıram.”

Bəzən bizə adi görünən bu cümlələrin arxasında araşdırılmalı səbəblər ola bilər. 🌸
Ginekoloji sağlamlığınızı təxirə salmayın, şikayətləriniz varsa özbaşına müalicə etmək əvəzinə mütəxəssisə müraciət edin.

📌 Siz bu cümlələrdən hansını nə vaxtsa demisiniz? 😄

16/09/2026

13 sentyabr tarixində PRMED komandası tərəfdaşlıq etdiyi həkimlərlə birlikdə sığınacaq sakinləri üçün ödənişsiz tibbi müayinə tədbiri həyata keçirdi. 🤍

Görüş zamanı məktəbəqədər yaşlı uşaqlarla söhbət edərək onlara xoş sözlər və motivasiya verdik. Eyni zamanda, tərəfdaş həkimlərimiz sığınacaq sakinlərini müayinə edərək ilkin tibbi tövsiyələrini paylaşdılar.

Bizim üçün səhiyyə yalnız müalicə deyil, həm də ehtiyacı olan insanların yanında olmaq, diqqət və qayğı göstərməkdir. 🌿

Bu gözəl təşəbbüsə dəyər qatan bütün həkim tərəfdaşlarımıza təşəkkür edirik. Birlikdə daha çox insana toxuna bilərik. 🤍

BirlikdəDahaGüclüyük

11/09/2026

Hamiləlik planlayarkən Dufaston 💊🤰

Hamiləlik planlayan qadınlarda Dufaston (didrogesteron) bəzi hallarda progesteron dəstəyi məqsədilə həkim tərəfindən təyin oluna bilər. Lakin preparat hər kəs üçün eyni şəkildə və ya sadəcə hamilə qalmağı asanlaşdırmaq məqsədilə istifadə edilmir.

📌 Qəbul müddəti və dozası fərdi vəziyyətə, menstrual siklə və həkimin təyin etdiyi müalicə planına uyğun müəyyənləşdirilməlidir.

Dufaston nə zaman təyin olunur və hamiləlik planlamasında hansı rolu var? Ətraflı məlumat üçün paylaşımı izləyin. 🤍

09/09/2026

🤰 NIPT testi hər hamiləlikdə edilməlidirmi? 👀

NIPT (qeyri-invaziv prenatal test) haqqında ən çox verilən suallardan biri də budur. Bəs bu test kimlərə, nə zaman və hansı hallarda tövsiyə olunur?

💬 Siz necə düşünürsünüz? NIPT hər hamiləlikdə rutin olaraq edilməlidirmi, yoxsa yalnız müəyyən hallarda? Fikirlərinizi şərhlərdə bizimlə bölüşün. 💗

👩‍⚕️ Dr. İlahə Qasımzadə

Ginekoloq DrİlahəQasımzadə

07/09/2026

04/09/2026

Gecikmək xərçəngə səbəb olur..

02/09/2026

🌸 Qadın sağlamlığında bəzi əlamətlər diqqətdən kənarda qalmamalıdır.
Aybaşı zamanı güclü ağrı, aybaşılar arasında qanama, çanaq nahiyəsində və ya cinsi əlaqə zamanı ağrı kimi şikayətlər müxtəlif ginekoloji səbəblərlə əlaqəli ola bilər.

Sizdə bunlardan hansı var? Özünüzü tanıyırsınızsa, mütləq ginekoloq müayinəsini gecikdirməyin.