Özəl Tibb Müəssisələri Assosiasiyası

Özəl Tibb Müəssisələri Assosiasiyası Contact information, map and directions, contact form, opening hours, services, ratings, photos, videos and announcements from Özəl Tibb Müəssisələri Assosiasiyası, Medical and health, Baku, Baku.

Ümummilli Lider Heydər Əliyevin anadan olmasının ildönümü münasibətilə Özəl Tibb Müəssisələri Assosiasiyasının rəhbərliy...
10/05/2026

Ümummilli Lider Heydər Əliyevin anadan olmasının ildönümü münasibətilə Özəl Tibb Müəssisələri Assosiasiyasının rəhbərliyi və üzvləri Fəxri Xiyabanı ziyarət ediblər.

Ziyarət zamanı Assosiasiya nümayəndələri Ulu Öndərin məzarı önünə gül dəstələri düzərək, onun xalqımız və dövlətimiz qarşısındakı misilsiz xidmətlərini dərin ehtiramla yad ediblər.
Qeyd olunub ki, Heydər Əliyevin əsasını qoyduğu dövlətçilik prinsipləri və inkişaf siyasəti bu gün də ölkəmizin bütün sahələrində, o cümlədən səhiyyə sistemində uğurla davam etdirilir. Məhz Ulu Öndərin rəhbərliyi dövründə səhiyyə sahəsində mühüm qanunvericilik bazası formalaşdırılıb, “Özəl tibb fəaliyyəti haqqında” və “Tibbi sığorta haqqında” qanunlar qəbul edilərək ölkədə müasir səhiyyə sisteminin inkişafına güclü təkan verilib.

Bildirilib ki, bu qanunlar Azərbaycanda özəl tibb sektorunun inkişafı, tibbi xidmətlərin keyfiyyətinin artırılması və vətəndaşların səhiyyə xidmətlərinə əlçatanlığının genişləndirilməsi baxımından mühüm əhəmiyyət daşıyır.
Ulu Öndərin “Həkim peşəsi ən şərəfli peşələrdən biridir. Həkim insan sağlamlığının keşiyində dayanır” fikrinin səhiyyə işçiləri üçün daim böyük mənəvi dəyər və məsuliyyət nümunəsi olduğu vurğulanıb.

Özəl Tibb Müəssisələri Assosiasiyası üzvləri olaraq, bildirmək istəyirik ki, Milli Onkologiya Mərkəzində baş vermiş hadi...
02/05/2026

Özəl Tibb Müəssisələri Assosiasiyası üzvləri olaraq, bildirmək istəyirik ki, Milli Onkologiya Mərkəzində baş vermiş hadisə bizi dərindən sarsıdır.

Bu acı hadisə təkcə bir ailənin faciəsi deyil illərini insan həyatına həsr etmiş bütün həkimlərin qəlbinə vurulan ağır bir zərbədir.
Bir həkimin yetişməsi üçün uzun illər təhsil, yuxusuz gecə növbələri, ailədən uzaq keçən bayramlar, saysız imtahanlar, minlərlə səhifə kitab və böyük fədakarlıq tələb olunur. Həkimlik sadəcə peşə seçimi yox,çox məsuliyyətli, qayğılı, nahamar, stresli bir yola çıxmaqdır.

Həkim pasiyentin həyatını xilas etmək üçün daima çalışır,araşdırır, məsləhətləşir, konsiliumlarda iştirak edir. Amma bəzən bunlar da yetmir və hər ağır nəticədən sonra isə ilk olaraq özünü sorğulayır. Bu məsuliyyətli yanaşma iş saatları ilə məhdudlaşmır; işdən kənar vaxtlarda ardıcıl daxil olan zənglərə hər şəraitdə cavab verməyi insan sağlamlığına həssas münasibət fonunda öz öhdəliyinə çevirir.

Lakin bir çox hallarda bu böyük məsuliyyətin və fədakarlığın qarşılığında da təşəkkür əvəzinə təhdid, şikayət, təzyiq və aqressiya ilə üzləşir.

Təəssüf ki, son dövrlərdə tibbi proseslərin mahiyyətini nəzərə almadan, ağırlaşmaları emosional formada təqdim edən, faktları təhrif edən və həkimlərə qarşı təhlükəli nifrət mühiti yaradan yanaşmalar artmaqdadır. Həkimi cəmiyyət qarşısında hədəfə çevirmək, səhiyyə sisteminə inamı sarsıtmaq və tibbi xidmət göstərən şəxsləri daimi qorxu altında saxlamaq son nəticədə bütün cəmiyyət üçün ağır fəsadlar doğurur.

Həkimlə pasiyent arasında etibar zəiflədikdə itirən hər iki tərəf olur. İtirilən yalnız bir peşə sahibinin rahatlığı yox, insanların sağlamlıq imkanları, səhiyyəyə inamı və gələcək nəsillərin tibbə sevgisidir.
Aqressiya artdıqca gənc həkimlər bu peşədən uzaqlaşacaq, peşəkarların ölkədən getmək istəyi güclənəcək, ən ağır nəticəni isə yenə pasiyentlər yaşayacaq. Çünki həkimin qorxu içində çalışdığı yerdə sağlam və güvənli müalicə mühiti formalaşa bilməz.

ÖTMA olaraq qətiyyətlə bildiririk:
1. Həkimlərə və bütün tibb işçilərinə qarşı fiziki, psixoloji və mənəvi zorakılığı qəti şəkildə pisləyirik.
2. Faktları təhrif edən, cəmiyyətdə həkimlərə qarşı inamsızlıq və aqressiya yaradan qeyri-peşəkar yanaşmaları qınayırıq.
3. Aidiyyəti dövlət qurumlarını tibb müəssisələrində həkimlərin və tibb işçilərinin təhlükəsizliyini təmin edən hüquqi və praktiki tədbirləri gücləndirməyə çağırırıq.
4. Cəmiyyəti emosional ittihamlara yox, faktlara əsaslanmağa, həkimlə pasiyent arasında qarşıdurma yaratmaq əvəzinə sağlamlıq naminə əməkdaşlığa dəvət edirik.

Bu hadisə həkim əməyinin dəyəri, peşə ləyaqəti və səhiyyə mühitinin qorunması ilə bağlı ciddi düşünmək və məsuliyyətli davranmaq zərurətini bir daha xatırladır.

Unudulmamalıdır ki, həkimə yönələn hər aqressiya sonda cəmiyyətin özünə qayıdır. Etibarın qorunduğu yerdə həyat qorunur, hörmətin olduğu mühitdə isə şəfa yaranır.

Milli Majlis

Azərbaycan Respublikasının Baş Prokurorluğu

Azərbaycan Respublikası Səhiyyə Nazirliyi

Əmək və Əhalinin Sosial Müdafiəsi Nazirliyi

Azərbaycan Respublikasının Daxili İşlər Nazirliyi

İcbari Tibbi Sığorta üzrə Dövlət Agentliyi

TƏBİB

“Sahibkarlığın inkişafı güclü iqtisadiyyatdır” mövzusunda tədbir keçirilib Aprelin 29-da İqtisadiyyat Nazirliyinin dəstə...
30/04/2026

“Sahibkarlığın inkişafı güclü iqtisadiyyatdır” mövzusunda tədbir keçirilib

Aprelin 29-da İqtisadiyyat Nazirliyinin dəstəyi, Kiçik və Orta Biznesin İnkişafı Agentliyinin (KOBİA) və Azərbaycan Sahibkarlar (İşəgötürənlər) Təşkilatları Milli Konfederasiyasının təşkilatçılığı ilə “Sahibkarlar günü”nə həsr olunmuş “Sahibkarlığın inkişafı güclü iqtisadiyyatdır” mövzusunda tədbir keçirilib.
Əvvəlcə tədbir iştirakçıları Fəxri Xiyabanda ümummilli lider Heydər Əliyevin məzarını ziyarət edib, xatirəsini ehtiramla anaraq abidəsi önünə əklil qoyublar. Görkəmli oftalmoloq-alim, akademik Zərifə Əliyevanın xatirəsi də ehtiramla anılıb, məzarı üzərinə gül dəstələri düzülüb. Tədbir iştirakçıları həmçinin, Şəhidlər Xiyabanında Azərbaycanın müstəqilliyi və ərazi bütövlüyü uğrunda canlarından keçmiş qəhrəmanlarımızın xatirəsini ehtiramla yad edib, “Əbədi Məşəl” kompleksinə əklil qoyublar.
Tədbirdə aidiyyəti dövlət qurumlarının rəhbər şəxsləri, sahibkarların ictimai birliklərinin nümayəndələri, eləcə də müxtəlif sahələrdə fəaliyyət göstərən iş adamları iştirak ediblər.
Tədbirdə iqtisadiyyat naziri Mikayıl Cabbarov, əmək və əhalinin sosial müdafiəsi naziri Anar Əliyev, Milli Məclisinin deputatı, İqtisadi siyasət, sənaye və sahibkarlıq komitəsinin sədri Azər Əmiraslanov, Dövlət Şəhərsalma və Arxitektura Komitəsinin sədri Anar Quliyev, Ailə, Qadın və Uşaq Problemləri üzrə Dövlət Komitəsinin sədri Bahar Muradova, Azərbaycan Həmkarlar İttifaqları Konfederasiyasının sədri Sahib Məmmədov, KOBİA-nın İdarə Heyətinin sədri Orxan Məmmədov, Azərbaycan Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev, Azərbaycan Tikinti İstehsalçıları Assosiasiyasının İdarə Heyətinin sədri Ramiz İsayev çıxış ediblər. Çıxışlarda ölkə iqtisadiyyatının davamlı inkişafında, məşğulluğun təmin olunmasında özəl sektorun aparıcı rolu xüsusi vurğulanıb. Ölkəmizdə sahibkarlığın formalaşması və inkişafının təməlinin ulu öndər Heydər Əliyev tərəfindən qoyulması, bu siyasətin hazırda Azərbaycan Respublikasının Prezidenti İlham Əliyev tərəfindən müasir çağırışlara uyğun şəkildə uğurla davam etdirildiyi vurğulanıb.
Qeyd olunub ki, sahibkarlıq fəaliyyətinin inkişafı məqsədilə qanunvericilik bazası mütəmadi olaraq təkmilləşdirilir, inzibati prosedurlar sadələşdirilir, biznes mühitinin daha da yaxşılaşdırılması istiqamətində davamlı tədbirlər görülür, sahibkarlara göstərilən maliyyə və institusional dəstək mexanizmləri genişləndirilir, müxtəlif güzəşt və stimullaşdırıcı tədbirlər tətbiq olunur.
Həmçinin qeyd olunub ki, kiçik və orta biznesin inkişafı iqtisadi siyasətin prioritetlərindəndir, dövlət-özəl sektor əməkdaşlığının davamlı olaraq genişlənir.
Tədbirdə sahibkarlığın inkişafına dair film nümayiş olunub.
Tədbirin sonunda Prezident İlham Əliyevə tədbir iştirakçıları adından müraciət qəbul olunub.
Tədbir bədii hissə ilə başa çatıb.
Qeyd edək ki, 2002-ci ilin 25 aprel tarixində ümummilli lider Heydər Əliyevin yerli sahibkarlarla, may ayında isə xarici iş adamları ilə tarixi görüşləri olub. Azərbaycan Respublikasının Prezidenti cənab İlham Əliyevin 2016-cı il 21 aprel tarixli Sərəncamı ilə bu əlamətdar tarix ölkəmizdə “Sahibkarlar Günü” kimi qeyd olunur.
nazirliyi gov.az

Bakıda görkəmli alim, akademik Zərifə Əliyevanın 103 illiyinə həsr olunmuş beynəlxalq konfrans keçirilib. Zərifə Əliyeva...
28/04/2026

Bakıda görkəmli alim, akademik Zərifə Əliyevanın 103 illiyinə həsr olunmuş beynəlxalq konfrans keçirilib.

Zərifə Əliyeva: İşıq saçan ömrün işıqlı izləri

Bu gün, aprelin 28-də görkəmli oftalmoloq alim, akademik Zərifə Əliyevanın doğum günüdür. 1923-cü ildə Şahtaxtı kəndində dünyaya göz açan bu zərif xanım ömrünü elmə insanlara işıq verməyə həsr etdi. Bəli, düz eşitdiniz – işıq! Çünki onun ixtisası gözlər, yəni işığın duyulduğu möcüzəvi orqan idi. Lakin Zərifə xanım təkcə gözləri yox, ürəkləri də görməyi bacaran nadir insanlardan idi.

Alim qadın, pedaqoq, təbib

Zərifə Əliyeva Azərbaycan Tibb Universitetinin göz xəstəlikləri kafedrasında onillər boyu çalışmış, yüzlərlə həkim yetişdirmişdir. Onun rəhbərliyi ilə traxoma, qlaukoma, katarakta kimi ağır göz xəstəliklərinin müalicəsi sahəsində mühüm kəşflər edilmişdir. Alimin 100-dən çox elmi əsəri, o cümlədən monoqrafiyaları bu gün də aktualdır.
Ana, həyat yoldaşı, vətəndaş

Zərifə Əliyeva təkcə alim kimi deyil, həm də Heydər Əliyevin həyat yoldaşı, İlham Əliyevin anası kimi tanınsa da, o, heç zaman bu "kölgədə" qalmayıb. Əksinə, onun zəkası, müdrikliyi və təvazökarlığı ailənin mənəvi dayaq nöqtəsi olub. Heydər Əliyevin fəaliyyətinin çətin dövrlərində Zərifə xanım onun ən yaxın məsləhətçisi və dəstəkçisi olub.

Bir dəfə jurnalistlərə verdiyi nadir müsahibədə o demişdi: “Həkimlik həyat tərzidir. İnsanların gözlərinə işıq vermək üçün əvvəlcə öz qəlbinizi təmiz saxlamalısınız.”

Mirası yaşayır

1985-ci ildə, cəmi 62 yaşında dünyasını dəyişən Zərifə Əliyevanın elmi irsi bu gün də yaşayır. Onun adını daşıyan Oftalmologiya Elmi-Tədqiqat İnstitutu, küçələr, məktəblər var. Hər il onun doğum günündə tələbələr və həmkarları akademikin məzarını ziyarət edir, onun xatirəsinə həsr olunmuş elmi konfranslar keçirilir.

Ən maraqlısı isə budur ki, onun yetirmələri bu gün dünyanın müxtəlif ölkələrində çalışaraq, müəlliminin əmrlərini – “gözə işıq, qəlbə hərarət gətirməyi” davam etdirirlər.

Kiçik bir xatirə
Tanıqları deyirlər ki, Zərifə xanım işdən evə qayıdanda ilk işi övladlarının, sonra isə həyətdəki gül kollarının halını yoxlamaq olub. Güllərə qulluğu, gözəlliyə vurğunluğu onun təkcə həkim yox, həm də həssas bir qadın olduğunu göstərirdi.

Bu gün onun doğum günündə gəlin onu bir dərin ehtiramla yada salaq. İşıqda uyusun, Zərifə xanım! Sizin kimi ağıllı, zəhmətkeş və vətənpərvər qadınlar Azərbaycanın qürurudur.

20/04/2026

1 like. "Qazaxıstanda 2-ci Beynəlxalq Sağlamlıq Turizmi Sərgisi keçrilib"

20/04/2026

Almatı şəhərində 17–18 aprel tarixlərində təşkil olunan ALZ II Qazaxıstan Beynəlxalq Sağlamlıq Turizmi Sərgisində Azərbaycan geniş nümayəndə heyəti ilə iştirak edib. Sərgidə ölkəmizi Azərbaycan Sağlamlıq və Termal Turizmə Dəstək Assosiasiyası (AHTTSA), Özəl Tibb Müəssisələri Assosiasiyası (ÖTMA), AzHealth rəqəmsal sağlamlıq turizmi şirkəti, Referans Medical Group, Bioloji Təbabət Klinikası, eləcə də tədbirin media sponsoru olan Öndər TV təmsil edib.

Tədbirin rəsmi açılışı bir sıra nüfuzlu beynəlxalq qonaqların iştirakı ilə baş tutub. Açılış mərasimində Türkiyənin Almatı şəhərindəki Baş konsulu Tuğba Alan Özdenfedakar, ticarət attaşeləri Ekrem Alper Bozkurt, Mustafa Tuğberk Karaman və İlhan Polat, MÜSİAD Qazaxıstanın sədri Birkan Karakaş və sədr müavini Servet Yıldırım, Astana Turizm Ofisinin sədr müavini Olzhas Ibrayev, ASKON Sağlamlıq və Sağlamlıq Turizmi sektorunun sədri Serdar Kurt, Almatı Turizm Ofisinin sədri Galiya Erlavona, Almatı Sağlamlıq Turizmi Assosiasiyasının sədri Raissa Nurzhaubayeva, Azərbaycan Özəl Tibb Müəssisələri Assosiasiyasının sədri Günel Əliyeva və Azərbaycan Sağlamlıq Turizmi Assosiasiyasının sədri Ruslan Quliyev iştirak ediblər.

Sərgi əsasən B2B formatında təşkil olunub. İştirakçılar arasında keçirilən işgüzar görüşlər zamanı Azərbaycanın sağlamlıq turizmi potensialı, müalicəvi turizm imkanları və rəqəmsal səhiyyə həlləri geniş şəkildə təqdim olunub. Bu görüşlər yeni biznes əlaqələrinin qurulması, təcrübə mübadiləsi və regional əməkdaşlığın gücləndirilməsi baxımından mühüm platforma rolunu oynayıb.

Qeyd edək ki, sərgi “ALZ International” tərəfindən təşkil olunub və Türkiyə Respublikası Ticarət Nazirliyinin “Dəstəklənən Beynəlxalq Tədbirlər” siyahısına daxildir. Tədbir eyni zamanda Türkiyə Palatalar və Birjalar Birliyi (TOBB), Xarici İqtisadi Əlaqələr Şurası (DEİK) və İxracatçılar Birliyi kimi nüfuzlu qurumlar tərəfindən də dəstəklənir.

İki gün davam edən sərgidə MDB ölkələri ilə yanaşı Qazaxıstan, Qırğızıstan, Türkmənistan, Özbəkistan, Azərbaycan, Rusiya, BƏƏ və Almaniyadan olan aparıcı şirkət və təşkilatların nümayəndələri iştirak ediblər. Sərgi çərçivəsində geniş ekspozisiya təşkil olunaraq, səhiyyə və tibbi turizm sahəsində innovativ xidmətlər nümayiş etdirilib.

Tədbir zamanı Azərbaycanın müalicəvi turizm imkanlarına xüsusi diqqət yetirilib. Naxçıvanda yerləşən Duzdağ müalicə mərkəzi, Naftalan nefti ilə müalicə imkanları, Şabran bölgəsi, eləcə də Qarabağ və Şərqi Zəngəzur iqtisadi rayonlarının turizm potensialı iştirakçılara ətraflı şəkildə təqdim olunub.

Sərgi çərçivəsində mühüm hadisələrdən biri də ALZ Group, AHTTSA və AzHealth arasında üçtərəfli uzunmüddətli əməkdaşlıq memorandumu imzalanması olub. Bu əməkdaşlıq gələcəkdə beynəlxalq səhiyyə turizmi sahəsində birgə layihələrin həyata keçirilməsinə zəmin yaradacaq.

Bununla yanaşı, Azərbaycan milli stendində “Made in Azerbaijan” brendi altında istehsal olunan məhsullar təqdim olunub və iştirakçılara ikram edilib. Bu addım ölkənin milli brendinin təşviqi baxımından xüsusi əhəmiyyət kəsb edib.

Ümumilikdə, Azərbaycanın sərgidə fəal iştirakı ölkənin sağlamlıq turizmi sahəsində beynəlxalq mövqeyinin gücləndirilməsi, yeni tərəfdaşlıqların qurulması və milli potensialın xarici bazarlarda tanıdılması istiqamətində mühüm addım kimi qiymətləndirilir.

15 Aprel Azərbaycanın görkəmli oftalmoloq-alimi, akademik və tibb elmləri doktoru Zərifə Əliyevanın anım günüdür.Azərbay...
15/04/2026

15 Aprel Azərbaycanın görkəmli oftalmoloq-alimi, akademik və tibb elmləri doktoru Zərifə Əliyevanın anım günüdür.

Azərbaycan tibb elminin inkişafında silinməz iz qoymuş görkəmli alim, akademik Zərifə Əliyeva bu gün də səhiyyə sahəsində çalışan hər bir mütəxəssis üçün örnək olaraq qalır.

Onun oftalmologiya sahəsində apardığı fundamental elmi araşdırmalar, həkim peşəsinə gətirdiyi yüksək etik dəyərlər və insan sağlamlığına verdiyi önəm ölkəmizdə tibbin inkişafına güclü təkan verib. Zərifə xanımın fəaliyyəti yalnız elmi nailiyyətlərlə deyil, həm də həkim məsuliyyətinin və humanizmin ən ali nümunəsi kimi yadda qalıb.

Özəl Tibb Müəssisələri Assosiasiyası olaraq, onun əziz xatirəsini dərin ehtiramla yad edir, səhiyyə sistemimizin inkişafında qoyduğu irsin bu gün də yolumuzu işıqlandırdığını vurğulayırıq.

12/04/2026

Aprelin 10-da Özəl Tibb Müəssisələri Assosiasiyası (ÖTMA) ilə Azərbaycan Sağlamlıq və Termal Turizmə Dəstək Assosiasiyası (AHTTSA) arasında əməkdaşlıq haqqında memorandum imzalanıb.

Tədbirdə Milli Məclisin deputatları, özəl tibb müəssisələrinin nümayəndələri, dövlət qurumlarının təmsilçiləri, qeyri-hökumət təşkilatları, turizm sektoru iştirakçıları və media nümayəndələri iştirak ediblər. Görüş çərçivəsində çıxış edən tərəflər imzalanan sənədin ölkədə sağlamlıq turizmi sahəsində institusional əməkdaşlığın genişləndirilməsi baxımından əhəmiyyətini vurğulayıblar.

Memorandumun əsas məqsədi Azərbaycanda sağlamlıq turizminin inkişafına töhfə vermək, bu sahədə dövlət və özəl sektor arasında koordinasiyanı gücləndirmək, özəl tibb müəssisələrinin beynəlxalq platformalarda təmsilçiliyini artırmaq və ölkənin tibbi xidmət potensialını qlobal miqyasda təşviq etməkdir.

Çıxışlarda qeyd olunub ki, Azərbaycan həm tibbi xidmətlərin keyfiyyəti, həm də rəqabətqabiliyyətli qiymət siyasəti ilə xarici pasiyentlər üçün cəlbedici istiqamətlərdən biri olmaq potensialına malikdir. Bu baxımdan, vahid yanaşmanın formalaşdırılması, beynəlxalq tanıtım fəaliyyətlərinin genişləndirilməsi və sektorlararası əməkdaşlığın dərinləşdirilməsi prioritet istiqamətlər kimi müəyyən edilib.
Tərəflər arasında əldə olunan razılaşmaya əsasən, gələcək dövrdə sağlamlıq turizmi üzrə birgə layihələrin həyata keçirilməsi, beynəlxalq tədbir və təşviqat kampaniyalarının təşkili, tibb müəssisələri ilə tərəfdaş qurumlar arasında əməkdaşlıq əlaqələrinin genişləndirilməsi və bu sahədə davamlı inkişaf modelinin formalaşdırılması nəzərdə tutulur.

Memorandum Özəl Tibb Müəssisələri Assosiasiyasının İdarə heyətinin sədri Günel Əliyeva və Azərbaycan Sahibkarlar Konfederasiyasının Rəyasət Heyətinin üzvü, Azərbaycan Sağlamlıq və Termal Turizmə Dəstək Assosiasiyasının sədri Ruslan Quliyev tərəfindən imzalanıb.

Tədbir çərçivəsində eyni zamanda “AzHealth Tourism” rəqəmsal platformasının təqdimatı keçirilib. Bildirilib ki, Healthtourism.az portalı etibarlı tibbi xidmətlərə çıxış, şəffaf məlumatlandırma, beynəlxalq pasiyentlərin yönləndirilməsi və səyahət dəstəyi kimi funksiyaları vahid sistemdə birləşdirərək Azərbaycanın sağlamlıq turizmi imkanlarının beynəlxalq səviyyədə təqdimatında mühüm rol oynayacaq.
Qeyd edək ki, imzalanmış memorandum ölkədə sağlamlıq turizmi ekosisteminin gücləndirilməsi, özəl tibb sektorunun inkişafının dəstəklənməsi və Azərbaycanın bu sahədə regional və qlobal mövqeyinin möhkəmləndirilməsi istiqamətində atılmış mühüm addım kimi qiymətləndirilir.

09/04/2026

Azərbaycan və Türkiyə arasında sağlamlıq turizmi sahəsində əlaqələrin dərinləşdirilməsi istiqamətində növbəti addım olaraq Azərbaycan nümayəndə heyəti Trabzon şəhərinə işgüzar səfər həyata keçirib. Səfərin əsas məqsədi tibbi turizm üzrə əməkdaşlıq imkanlarını genişləndirmək, qarşılıqlı təcrübə mübadiləsi aparmaq və gələcək tərəfdaşlıqlar üçün praktik zəmin formalaşdırmaq olub.
Proqram çərçivəsində heyət ilk olaraq Özəl Imperial Xəstəxanasında olub və tibb müəssisəsinin baş direktoru Cihan Başoğlu ilə görüş keçirib. Görüş zamanı xəstəxananın fəaliyyəti, tibbi xidmət spektri, beynəlxalq pasiyentlərlə iş təcrübəsi və idarəetmə mexanizmləri haqqında ətraflı təqdimat edilib.
Daha sonra təşkil olunan görüşlərdə səhiyyə və turizm sektorlarının inteqrasiyası, pasiyent yönləndirmə sistemlərinin qurulması, eləcə də ortaq təşviqat və marketinq fəaliyyətləri müzakirə mövzusu olub. Qeyd olunub ki, müasir dövrdə sağlamlıq turizminin uğuru yalnız tibbi xidmətlə deyil, eyni zamanda logistika, yerləşdirmə, xidmət infrastrukturu və ümumi şəhər mühiti ilə sıx bağlıdır.
Nümayəndə heyətinin tərkibində Azərbaycan Sahibkarlar Konfederasiyasının Rəyasət Heyətinin üzvü, Azərbaycan Sağlamlıq və Termal Turizmə Dəstək Assosiasiyasının sədri Ruslan Quliyev, Özəl Tibb Müəssisələri Assosiasiyasının Baş katibi Vüqar Eyvazov, İnkişafa və İslahatlara Dəstək İctimai Birliyinin sədri Ramil Əliyev, Referans Medical Group-un strateji marketinq və tibbi turizm üzrə meneceri Anar Yusifov, Skal Baku Turizm Peşəkarları Təşkilatının sədri Ceyhun Aşurov və Health Tourism şirkətinin baş icraçı direktoru Elnarə Cabbarova yer alıb. Səfər zamanı Trabzonda fəaliyyət göstərən bir sıra rəsmi və institusional qurumlarla görüşlər keçirilib.
Bu çərçivədə Trabzon Böyükşəhər Bələdiyyəsinin sədri Ahmet Metin Genç, Trabzon Səhiyyə Müdiri Dr. Mehmet Topsakal, Trabzon Ticarət və Sənaye Palatasının sədri Erkut Çelebi, həmçinin Türkiyə Səyahət Agentlikləri Birliyinin (TÜRSAB) Şərqi Qara dəniz Regional Nümayəndə Şurasının sədri Mehmet Ali Tuna ilə keçirilən görüşlərdə sağlamlıq turizminin iqtisadi və strateji aspektləri, turizmin iqtisadi tərəfi və iki ölkə arasında ticari əməkdaşlıqlar, beynəlxalq pasiyent axınının artırılması və birgə layihələrin icrası imkanları ətrafında müzakirələr aparılıb.
Ümumilikdə, nümayəndə heyətinin bu səfəri Azərbaycan və Türkiyə arasında sağlamlıq turizmi sahəsində əməkdaşlığın genişləndirilməsi, mövcud imkanların daha səmərəli istifadəsi və strateji tərəfdaşlıq əsaslarının formalaşdırılması baxımından mühüm əhəmiyyət kəsb edir.

TƏBİB-in Müşahidə Şurasının yeni tərkibi təsdiq edilib.Azərbaycan Respublikası Prezidentinin Sərəncamı ilə TƏBİB-in Müşa...
08/04/2026

TƏBİB-in Müşahidə Şurasının yeni tərkibi təsdiq edilib.

Azərbaycan Respublikası Prezidentinin Sərəncamı ilə TƏBİB-in Müşahidə Şurasının yeni tərkibi təsdiq edilmişdir.

Sərəncama əsasən: – Müşahidə Şurasının sədri Azərbaycan Respublikası Prezidentinin sosial-iqtisadi məsələlər üzrə köməkçisi təyin edilmişdir.
– Şuranın üzvləri isə maliyyə nazirinin müavini, səhiyyə nazirinin müavini, əmək və əhalinin sosial müdafiəsi nazirinin müavini, Səhiyyə İşçiləri Həmkarlar İttifaqının sədrindən ibarətdir.

Qeyd olunan tərkib səhiyyə sahəsində qərarvermə prosesində müxtəlif dövlət qurumlarının iştirakını təmin etməklə, əlaqələndirmənin və idarəetmə mexanizmlərinin daha sistemli şəkildə həyata keçirilməsinə şərait yaradır.

Bu yanaşma səhiyyə xidmətlərinin təşkili ilə yanaşı, maliyyə və sosial siyasət komponentlərinin də nəzərə alınmasına imkan verir. Nəticə etibarilə, resurslardan istifadə səmərəliliyinin artırılması və xidmətlərin keyfiyyətinin yüksəldilməsi istiqamətində institusional əsasların gücləndirilməsi hədəflənir.

Eyni zamanda, formalaşdırılan tərkib səhiyyə sistemində dövlət siyasətinin vahid yanaşma çərçivəsində həyata keçirilməsini dəstəkləyən mühüm addım kimi qiymətləndirilə bilər.

Address

Baku
Baku

Telephone

+994554825268

Website

Alerts

Be the first to know and let us send you an email when Özəl Tibb Müəssisələri Assosiasiyası posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Özəl Tibb Müəssisələri Assosiasiyası:

Shortcuts

Share

Category