Cəbrayıl Rayon Mərkəzi Xəstəxanası

11/09/2026

10/09/2026

08/09/2026

İnarə Mirhəsənova TƏBİB-in İcraçı direktorunun müşaviri vəzifəsinə təyin edilib

Maliyyə və sığorta sektorlarında 20 illik peşəkar və idarəetmə təcrübəsinə malik İnarə Vaqif qızı Mirhəsənova TƏBİB-in İcraçı direktorunun müşaviri vəzifəsinə təyin edilib.

İ.Mirhəsənova Bakı Dövlət Universitetində bakalavr və magistratura təhsilini fərqlənmə ilə başa vurub.

Peşəkar fəaliyyəti ərzində maliyyə və sığorta sektorlarında müxtəlif rəhbər vəzifələrdə çalışıb, maliyyə və risklərin idarə olunması, sığorta, investisiyalar, strateji planlaşdırma və korporativ idarəetmə istiqamətlərində geniş təcrübə qazanıb. Karyerasının son 10 ilini PAŞA Qrupunda davam etdirərək Qrupun müxtəlif şirkətlərində rəhbər vəzifələrdə fəaliyyət göstərib.

Yeni təyinatından əvvəl İnarə Mirhəsənova “PAŞA Sığorta” ASC-nin İdarə Heyətinin üzvü və Baş maliyyə inzibatçısı vəzifəsində çalışıb.

08/09/2026

CƏBRAYIL RAYON MƏRKƏZİ XƏSTƏXANASINDA 6 YAŞLI UŞAQLARIN PEYVƏNDLƏNMƏSİ

Cəbrayıl Rayon Mərkəzi Xəstəxanasında 6 yaşlı uşaqların profilaktik müayinəsi və Milli Peyvənd Təqviminə uyğun vaksinasiyası həyata keçirilir.

Bu yaş dövründə aparılan profilaktik müayinələr zamanı uşaqların ümumi sağlamlıq vəziyyəti, fiziki inkişaf göstəriciləri və yaşına uyğun inkişafı qiymətləndirilir.

Milli Peyvənd Təqviminə uyğun olaraq 6 yaşlı uşaqlara aşağıdakı peyvəndlər tətbiq olunur:

6 yaşında

- QPM (Qızılca, epidemik parotit, məxmərək) – qızılca, epidemik parotit və məxmərək xəstəliklərinə qarşı immun müdafiənin gücləndirilməsi məqsədilə tətbiq olunur.
- DT (Difteriya, tetanus) – difteriya və tetanusa qarşı immun müdafiənin gücləndirilməsi məqsədilə tətbiq olunur.

Peyvəndlərin Milli Peyvənd Təqviminə uyğun və vaxtında aparılması uşaqların təhlükəli yoluxucu xəstəliklərdən qorunmasına və xəstəliklərin ağırlaşması riskinin azalmasına kömək edir.

Əziz valideynlər, övladınızın sağlam gələcəyi üçün profilaktik müayinələri və peyvəndləri Milli Peyvənd Təqviminə uyğun olaraq vaxtında həyata keçirin!

08/09/2026

🩺 8 Sentyabr Ümumdünya Fizioterapiya Günüdür.

Hər il 8 sentyabr tarixində qeyd olunan bu gün fizioterapiya sahəsinin insan sağlamlığındakı əvəzsiz rolunu diqqətə çatdırmaq məqsədi daşıyır.

Fizioterapiya travma və əməliyyatlardan sonra bərpa prosesini sürətləndirən, ağrı sindromlarını azaldan, hərəkət funksiyalarını bərpa edən və insanların keyfiyyətli həyata qayıdışına dəstək olan mühüm tibb sahəsidir.

Bu sahədə çalışan bütün mütəxəssisləri təbrik edir, onların peşəkarlığına və gündəlik zəhmətinə görə minnətdarlığımızı bildiririk! 🙏