Kürdəmir Rayon Mərkəzi Xəstəxanası

13/09/2026

🤝 TƏBİB-də Koreya Təbabətinin İnkişafı üzrə Milli İnstitutunun nümayəndə heyəti ilə görüş keçirilib

Görüş zamanı TƏBİB-in fəaliyyəti və tibbi xidmətlərin təşkili modeli barədə məlumat verilib, ənənəvi və tamamlayıcı tibb sahəsində Koreya təcrübəsi müzakirə olunub.

Tərəflər dərman vasitələri və dərman bitkiləri üzrə tədqiqatlar, sümük-əzələ xəstəliklərinin müalicəsi, immunlaşdırma və reproduktiv sağlamlıq sahələrində mümkün əməkdaşlıq istiqamətlərini müzakirə ediblər.

Ətraflı: https://tabib.gov.az/media/xeberler/1044

08/09/2026

İnarə Mirhəsənova TƏBİB-in İcraçı direktorunun müşaviri vəzifəsinə təyin edilib

Maliyyə və sığorta sektorlarında 20 illik peşəkar və idarəetmə təcrübəsinə malik İnarə Vaqif qızı Mirhəsənova TƏBİB-in İcraçı direktorunun müşaviri vəzifəsinə təyin edilib.

İ.Mirhəsənova Bakı Dövlət Universitetində bakalavr və magistratura təhsilini fərqlənmə ilə başa vurub.

Peşəkar fəaliyyəti ərzində maliyyə və sığorta sektorlarında müxtəlif rəhbər vəzifələrdə çalışıb, maliyyə və risklərin idarə olunması, sığorta, investisiyalar, strateji planlaşdırma və korporativ idarəetmə istiqamətlərində geniş təcrübə qazanıb. Karyerasının son 10 ilini PAŞA Qrupunda davam etdirərək Qrupun müxtəlif şirkətlərində rəhbər vəzifələrdə fəaliyyət göstərib.

Yeni təyinatından əvvəl İnarə Mirhəsənova “PAŞA Sığorta” ASC-nin İdarə Heyətinin üzvü və Baş maliyyə inzibatçısı vəzifəsində çalışıb.

08/09/2026

🩺 8 Sentyabr Ümumdünya Fizioterapiya Günüdür.

Hər il 8 sentyabr tarixində qeyd olunan bu gün fizioterapiya sahəsinin insan sağlamlığındakı əvəzsiz rolunu diqqətə çatdırmaq məqsədi daşıyır.

Fizioterapiya travma və əməliyyatlardan sonra bərpa prosesini sürətləndirən, ağrı sindromlarını azaldan, hərəkət funksiyalarını bərpa edən və insanların keyfiyyətli həyata qayıdışına dəstək olan mühüm tibb sahəsidir.

Bu sahədə çalışan bütün mütəxəssisləri təbrik edir, onların peşəkarlığına və gündəlik zəhmətinə görə minnətdarlığımızı bildiririk! 🙏

08/09/2026

Könüllülərimiz tibb müəssisələrində vətəndaşlara dəstək olur! 💙

TƏBİB-in tabeliyindəki tibb müəssisələrində fəaliyyət göstərən könüllülər pasiyentlərin qarşılanması, qeydiyyatı, həkimə yönləndirilməsi və növbələrin idarə olunması proseslərində vətəndaşlara dəstək göstərirlər.

Eyni zamanda, təcili tibbi yardım xidmətindən istifadə edən vətəndaşların məmnunluğunun qiymətləndirilməsi istiqamətində də fəaliyyət göstərirlər.

🔗Ətraflı: https://tabib.gov.az/media/press-reliz/219

07/09/2026

Kürdəmir Rayon Mərkəzi Xəstəxanasında Sülh Aylığına həsr olunmuş tədbir keçirilib

Kürdəmir Rayon Mərkəzi Xəstəxanasında Sülh Aylığı çərçivəsində sülhün, həmrəyliyin, qarşılıqlı hörmət və humanizm dəyərlərinin təbliğinə həsr olunmuş geniş tədbir keçirilib.
Tədbirdə Kürdəmir Rayon Mərkəzi Xəstəxanasının rəhbərliyi, həkimlər, tibb işçiləri və digər əməkdaşlar iştirak ediblər.
Tədbiri giriş sözü ilə Kürdəmir Rayon Mərkəzi Xəstəxanasının direktoru Elçin Bilalov açaraq Sülh Aylığının əhəmiyyəti barədə fikirlərini bölüşüb. Direktor çıxışında bildirib ki, sülh yalnız müharibə və qarşıdurmanın olmaması deyil, eyni zamanda insanların təhlükəsiz, sabit və firavan şəraitdə yaşamasını təmin edən mühüm ictimai dəyərdir. Onun sözlərinə görə, cəmiyyətin davamlı inkişafı, insanların rifahının yüksəldilməsi və gələcək nəsillərin təhlükəsiz şəraitdə formalaşması birbaşa sülh və sabitlik mühitindən asılıdır.
Elçin Bilalov Azərbaycan xalqının tarixən sülhə, əmin-amanlığa və həmrəyliyə böyük önəm verdiyini qeyd edərək, ölkəmizdə sülh və təhlükəsizliyin qorunması istiqamətində həyata keçirilən tədbirlərin xüsusi əhəmiyyət daşıdığını vurğulayıb. O, tibb müəssisələrində çalışan kollektivlərin də humanizm, insanlara qayğı və həmrəylik prinsiplərini gündəlik fəaliyyətlərində rəhbər tutduqlarını diqqətə çatdırıb.
Daha sonra Kürdəmir Rayon Mərkəzi Xəstəxanasının hüquqşünası Əliabbas Əbdülxaliqov çıxış edərək Sülh Aylığının mahiyyəti, məqsədləri və cəmiyyətdə sülh mədəniyyətinin formalaşdırılmasının əhəmiyyəti barədə ətraflı məlumat verib.
Əliabbas Əbdülxaliqov çıxışında sülhün, insan hüquq və azadlıqlarına hörmətin, qarşılıqlı anlaşma, tolerantlıq və həmrəyliyin sağlam cəmiyyətin əsas dayaqlarından olduğunu bildirib. O qeyd edib ki, insanların hüquq və azadlıqlarına hörmət edilməsi, fərqli fikirlərə tolerant münasibət göstərilməsi və cəmiyyətdə qarşılıqlı anlaşma mühitinin gücləndirilməsi sülhün davamlılığının təmin olunmasında mühüm rol oynayır.
Tədbirdə çıxış edənlər bildiriblər ki, sülh və əmin-amanlığın qorunması yalnız dövlət və ictimai institutların deyil, hər bir vətəndaşın üzərinə düşən mühüm məsuliyyətdir. Cəmiyyətdə qarşılıqlı hörmət, humanizm, mərhəmət, birlik və həmrəylik kimi dəyərlərin gücləndirilməsi insanların birgəyaşayış mədəniyyətinin inkişafına mühüm töhfə verir.
Tədbir çərçivəsində Sülh Aylığının məqsədləri, sülh ideyalarının təbliği və bu istiqamətdə həyata keçirilən maarifləndirici tədbirlərin əhəmiyyəti ilə bağlı geniş fikir mübadiləsi aparılıb. İştirakçıları maraqlandıran suallar cavablandırılıb, mövzu ətrafında müzakirələr keçirilib.
Sonda vurğulanıb ki, Sülh Aylığı çərçivəsində keçirilən bu cür maarifləndirici tədbirlər cəmiyyətdə sülh, birlik, həmrəylik, qarşılıqlı hörmət və humanizm ideyalarının daha geniş təbliğinə xidmət edir.

02/09/2026

26/08/2026

Ağdamın Xıdırlı və Kəngərli kəndlərinin sakinlərinə səyyar tibbi xidmət göstərilib

İşğaldan azad olunmuş ərazilərdə yaşayan sakinlərin tibbi xidmətlərə çıxışının yaxşılaşdırılması və zəruri xidmətlərin onların yaşayış yerində göstərilməsi TƏBİB-in əsas fəaliyyət istiqamətlərindəndir.

Tibb məntəqələrinin fəaliyyət göstərmədiyi yaşayış məntəqələrində tibbi xidmətlərin əlçatanlığını təmin etmək məqsədilə Ağdam Rayon Mərkəzi Xəstəxanasının həkim heyəti Xıdırlı və Kəngərli kəndlərinə səfər edib.

Səyyar xidmət zamanı sakinlərin ümumi sağlamlıq vəziyyəti qiymətləndirilib, terapevt, pediatr, ginekoloq və otorinolarinqoloq tərəfindən müayinələr aparılıb, müvafiq tövsiyələr verilib.

İki kənd üzrə 18-i uşaq olmaqla, ümumilikdə 30-dan çox sakin tibbi xidmətdən yararlanıb. Əlavə müayinə və ixtisaslaşmış tibbi xidmətə ehtiyacı müəyyən edilən sakinlərin aidiyyəti tibb müəssisələrinə yönləndirilməsi təmin olunub.

İşğaldan azad olunmuş ərazilərdə yaşayan əhalinin tibbi xidmətlərə əlçatanlığının artırılması məqsədilə səyyar tibbi xidmətlərin davam etdirilməsi nəzərdə tutulur.

26/08/2026

6–12 aylıq uşaqların peyvəndlənməsi

6–12 aylıq dövr uşaqların immun sisteminin formalaşmasında mühüm mərhələdir. Bu yaş qrupunda peyvəndlərin vaxtında aparılması uşaqların bir sıra təhlükəli yoluxucu xəstəliklərdən qorunmasına kömək edir.

● 6 aylıq uşaqlarda peyvənd təqviminə uyğun olaraq:

Poliomielit (OPV)
Heksavaksin (Hexa) – difteriya, göyöskürək, tetanus, Hepatit B, Hib və poliomielitə qarşı kombinə olunmuş vaksin
Pnevmokok peyvəndinin uyğun dozası tətbiq olunur.

● 12 aylıq dövrdə isə:
Qızılca, parotit və məxmərəyə (QPM/MMR) qarşı vaksin;
Pnevmokok peyvəndinin təqvim üzrə növbəti dozası tətbiq olunur.

Valideynlərə tövsiyə: Peyvəndlərin vaxtında aparılması uşağın sağlamlığının qorunması üçün çox vacibdir. Peyvənd kartını saxlayın və hər peyvənddən əvvəl uşağın fərdi peyvənd tarixçəsini həkimlə dəqiqləşdirin.

Peyvənd — xəstəlikdən qorunmağın ən etibarlı yollarından biridir!