ጥዕና ይሃበለይ

09/07/2026

09/07/2026

ዶክተር ዝናቡ ሞላ

ኣብ ናሚብያ ሜዲካል ኣሶሴሽን መፅናዕታዊ ፅሑፍ ኣቕሪቡ!

09/06/2026

09/06/2026

ምምላስ ጨጓራ ኣሲድ (GERD / Acid Reflux)
----------------------------------------
ምምላስ ጨጓራ ኣሲድ ወይ ድማ ብተለምዶ GERD/Acid Reflux ኢልና ንፅውዖ ሕማም ብስንኪ ፀገም ምሕቓቕ ምግቢ ዝፍጠር ኮይኑ ናይ ከብዲ/ጨጓራ ኣሲድ ናብ ኣፍናን ከብድንናን ዘራኽብ ክፍሊ ኣካል ጎሮሮ ሓራጅ ክምለስ ከሎ ዝፍጠር ዘቃፅል ሕማም እዩ።

ቀንዲ ምልክታት (Symptoms)
-----------------------------
◈ ምቅፃል ደረት ልቢ(Heartburn): ድሕሪ ምግቢ ምብላዕ ዘጋጥም ዘቃፅል ቃንዛ ልቢ
◈ምምላስ ምግቢ ወይ ኣሲድ (Regurgitation): መሪር ወይ ኣሲዳማ ፈሳሲ ናብ ኣፍ ወይ ጎሮሮ ናይ ምምላስ ስምዒት
◈ቃንዛ ጎሮሮን ምርጓድ ድምፅን: ብፍላይ ንጉሆ ካብ ድቃስ እንትትንስኡ ዝስማዕ ቃንዛ ጉሮሮን ናይ ድምፂ ለውጥን
◈ ዕውልውል ምባልን ፀገም ምውሓጥ ምግብን (Dysphagia): መግቢ ክትውሕጡ ከለኹም ናይ ምሕናቅ ወይ ኣብ ጎሮሮኹም ናይ ምዕጋት ስምዒት
◈ ደረቕ ሰዓልን ናይ ደረት ምቾት ምስኣንን፥ ብፍላይ ኣብ እዋን ድቃስ ዝገድድ ሰዓል

መበገሲታት/መንቀሊታት፥
--------------------------
◈ ከበድቲ፣ ቅብኣትን በርበረን (ቅመም) ዝበዝሖም ምግብታት ምብዛሕ
ምስተመገብካ ቐልጢፍካ ምድቃስ
◈ ቡን፣ ሻሂ፣ ጋዝ ዘለዎም መስተታት፣ ኮሚደረ ዝበዝሖም ምግብታትን ኣልኮልን ምብዛሕ
◈ ምውሳኽ ክብደት (ብሰንኪ ካብ ዓቐን ንላዕሊ ምርጓድ ኣብ ከብዲ ፀቕጢ ስለ ዝፈጥር)
ጭንቀትን ሽጋራ ምትካኽን
◈ ጥንሲ

⚕እዞም ምልክታት እዚኦም እንተስተውዒልኩም፡ ናብ ሆስፒታልና ብምምጻእ ግቡእ መርመራን ሕክምናን ክረኽቡ ይኽእሉ።

-------------------------------------------------------
ሆስፒታል ሃርመኒ
ንጥዕነኦም ቐዳምነት ሂብና ንሰርሕ!
--------------------------------------------------------
ይርከቡና፥
📲 +251901842222 /+251965266935
📩 [email protected]
🌐 www.harmonyhospitals.com
📍ጨንፈር 1: ካብ ሓሸንገ ናብ ሆስፒታል ዓይደር ኣብ ዝወስድ መንገዲ ጥቓ ቤተ ክርስትያን ቅዱስ ሩፋኤል ፊት ንፊት መስጊድ ጀላኒ
📍ጨንፈር 2: ካብ ጨንፈር 1 ኣስታት 150ሜ ውርድ ኢልካ
ኣሚኖም ዝመርፁዎ፣ ፈትዮም ዝመፁዎ ፍልፍል ምሕረት ኩሎም ሕማማት - ሆስፒታል ሃርመኒ

09/06/2026

ጥንቓቐ !

09/05/2026

#ሕክምና ኣብ ዘመነ ብኽለት ሓበሬታ(information pollution)

ዶክተር ተወልደ ብርሃነ

#ሎሚ ኣብ ስራሕ እናሃለኹ ሓንቲ ተገልጋሊት ናይ ሹካር ተሓካሚት እየ ኣሕልፋኒ እናበለት ምስ ቅድሚኣ ዘለዋ ክትጨቃጨቅ ይሰምዓ እሞ ኣነ ድማ ንሲስተር ፀዊዐ ናሽኳር ተሓካሚት እንተኾይናስ ብዘይታራኣ ትእቶ ድሓን ይብላ። እንተረኣኹዋ ግን ቅድሚ ወርሒ ዝረኣኹዋ ነብሰ-ፁር እያ ብቆፀርኣ መሰረት እያ ድማ መፅያ።
ኣልትራሳዉንድ እናረኣኹዋ ከለኹ መዓዝ ደኣ ሽኳር ኣለኪ ተባሂልኪ ይብላ ናይ ብሓቂ መሲሉኒ እናሓተትኹዋ።
ንሳ ድማ ዋይ ዶክተረይ ባዕልኻ ኢኻ እኮ መድሓኒት ኣዚዝካለይ ትብለኒ።
ዋይ ኣብ ክንደይ ወርሒ ድኣ ስኳር ኣለኪ ኢለኪ እሞ እነበልኩ ከስታዉስ ይሓስብ ግን ክመፅኣለይ ኣይከኣለን።
ካብኡ ሓሲበ ምስ ወዳእኩ ኣነ ዝኣዘዝኩልኪ መድሓኒት እማ ኣስፕሪንን(Aspirin) ን ቫይታሚንን(Prenatal)ን እዩ እኮ ይብላ።
ንሳ: እህእ, እወ እታ ሐዚ ዝበልካያ እኮ ናይ ሽኳር መድሓኒት እያ ትብለኒ።
ኣነ:መኒኣ??
ንሳ: እዛ ኣስፕሪን ዝበልካያ ትብለኒ
ኣነ: መን ከምኡ ኢሉኪ
ንሳ: ኣብ ቲክቶክ ሪአዮ ንስኻ እማ ከይጭነቅ ግዲ ኢልካስ ዘይነገርካኒ ትብለኒ
ኣነ: ብኣግራሞት ካብኡኸ ታይ ገይርኪ ድኣ??
ንሳ:ምስ ረኣኹዎ እማ ደንገፀ ብኽይ ኣቢለ ንሰብኣየይ ንቤተሰበይ ሽኳር እኒሄኒ እዩ ኢለዮም
ኣነ: ታይ ድኣ ኢሎም?
ንሳ: ኩሎም ደንጊፆም ብጣዕሚ ሓዚኖም ኢላትኒ
ኣነ:እህምም🤔
ኣነ:እሞ ወርሒ ሙሉእ ዳኣ ዙሽኳርኪ መን ይከታተለኪ ነይሩ
ንሳ: ኣብ ጥቃና ኣሎ ፋርማሲ ኩሉ ግዜ ንጎሆን ምሸትን ይልካዕ ነይረ ፅቡቅ እዩ እኒሆ እዩ ዝብለኒ ነይሩ ኢላትኒ።
#እሞሲ ሕክምና ብጣዕሚ ረቂቅ ሳይንስ እንድዩ እዩ ኩሉ ኣብ ማሕበራዊ ሚድያ ዝረኸብካዮ ሓበሬታ ልክዕ ማለት ኣይኮነን።
ብዝዕባ ጥዕናና ንኽተሎም ሰባትን ሚድያታትን መንነቶምን ሞያዊ ድሕረ ባይቶኦምን ምፍላጥ ናይ ግድን ይገብሮ።
ብፍላይ ተኸተልቲ ንምፍራይ ቀልቢ ሰማዕቲ ዝስሕቡ ርእስታት ምጥቃም፣ ከምኡ እዉን ብዉሱን ሓበሬታ ወይ ድማ ብዘይምንም ሞያዊ ፍልጠት ሓበሬታታት ምዉዛዕ ዓርሱ ዝኸኣለ business ኣብ ዝኾነሉ ዘመን ኣብ ትኽተሎም ኮነ ሓበሬታ ትወስደሎም ዉልቀ ሰባትን/ሚድያታትን ፍሉይ ጥንቃቀ ምግባር የድሊ ይመስለኒ።
ኣብ ሕክምና ድማ ንእሽተይ ጌጋ ዓብዩይ ሂወት ስለ ተኽፍል ዝረኸብካዮ ኩሉ ከም ካልእ ተራ ሓበሬታ ኣቅልል ኣቢልካ ኣይወሓጥን።
ዋላ እቲ ዓለም ትምከሐሉ ዘላ ኤኣይ(AI) እንተኾነ ኣብ ጉዳይ ሕክምና ክትኮን ከላ ዝተዛረበ ተዛሪቡ ንዝበለፀ ሓበሬታ ዶክተርካ ኣማኽር(Consult your Doctor) ኢሉ እዩ ዝዓፅዋ ዛጭዋታ። ምኽንያቱ ትኽክለኛ ሕክምናን ሕክምናዊ ሓበሬታን ዝርከብ ተሓካምን ዶክተርን ኣብ ሓደ ጠረጤዛ ኮፍ ክብሉ ኸለዉ እዩ።
ብዝኾነ ኣስፕሪን(low dose Aspirin) ናይ ሽኳር መድሓኒት ኣይኮነን።
ኣብ ቀፃሊ Low dose Aspirin ንኸመይ ዝበላ ኣዴታት ከም ዝወሃብን እዞም ሰብ ቲክቶክ ድማ ንምንታይ ናይ ሽኳር መድሓኒት ኢሎም ከም ዝተረድኡዎ ክምለሶ እየ።

09/05/2026

መድሓኒት ፀረ ኤች ኣይ ቪ ምቁራፅ ኣይከኣልን። ነቲ ቫይረስ ዓቕሚ ክፈጥር ይገብር።

09/04/2026

ፕረዚዳንት ማሕበር ሓኻይም ትግራይን ሜዲካል ዶክተርን ዶክተር ሳምሶን ነጋሲ "Global Service Leaders Foundation" ካብ ዝተብሃለ ዓለም ለኸ ትካል ኣፍልጦ ተዋሂብዎ።

09/04/2026

መግለጺ ሓዘን

ብምኽንያት ሕልፈተ ሂወት ዶ/ር ገ/ሃወርያት ኣርኣያ ዝተሰምዐና መሪር ሓዘን ንገልፅ።

ዶ/ር ገ/ሃወርያት ኣርኣያ፣ ኣብ ሆስፒታልና ኣብ ፅኑዕ ክፍሊ ሕክምና/ICU ክትትል ሕክምና ክገብሩ ድሕሪ ምፅናሕ ናብ ሎሚ 29 ነሓሰ 2018 ዓ/ም ዘውግሕ ብሞት ተፈልዮምና ኣለዉ። ዶ/ር ገ/ሃወርያት ኣርኣያ ኣብ እዋን ኮሮና-19፣ ከምኡ’ውን ኣብ ዝሓለፈ ኲናትን ክባን ዕፅዋን ንትካልና ሓዊሱ ዝከኣሎም ሓገዝን ደገፍን ብምብርካት ዓቢ ኣስተዋፅኦ ዝገበሩ ግዱስ ትግራዋይ ነይሮም።

በዚ ድማ ብሽም ትካልናን ሰራሕተኛታትናን፣ ንመላእ ቤተሰብ፣ ፈተውቲ፣ መሳርሕቲን ፅንዓት ንምነ።

ነፍሶም ብሰላም ትዕረፍ።

ሆስፒታል ዓይደር ኮሌጅ ጥዕና ሳይንስ
ዩኒቨርሲቲ መቐለ

ስነ-ስርዓት ቀብሪ ሎሚ ነሓሰ 29/2018 ዓ/ም ሰዓት 8:00 ድሕሪ ቀትሪ ኣብ መቐለ ክ/ከተማ ዓዲ ሓቂ ዝርከብ ቤተክርስትያን ኣቡነ ኣረጋዊ ክፍፀም እዩ።

---
Website: https://ayderhospital.org
Facebook: CHS, Ayder Specialized Hospital-MU
X/Twitter:
Telegram: t.me/ayderhospitalchs
P.O. Box: 1871
Institutional Email:
* College: [email protected]
* Hospital: [email protected]
We really care!