07/07/2026
السلام عايكم💜
تشقق القدمين من أكثر المشاكل لي يعانيو منها النساء والرجال، ويبدأ غالبًا بجفاف بسيط، ومن بعد يولي الجلد قاسي ويتشقق. مرات يكون غير منظر مزعج، ومرات يسبب ألم، نزيف وحتى التهاب إذا ما تعالجش.
علاش يصرى تشقق القدمين؟
أشهر الأسباب هي:
جفاف الجلد وقلة الترطيب.
الوقوف لساعات طويلة.
المشي حافي أو لبس صندال مفتوح من اللور.
الوزن الزائد لأنه يزيد الضغط على الكعب.
كثرة استعمال الماء السخون.
استعمال صابون قوي ينشف الجلد.
البرد أو الجو الجاف.
تراكم الجلد الميت وعدم العناية بالقدمين.
التقدم في العمر، لأن الجلد يفقد المرونة تاعو.
هل عندو علاقة بالأمراض؟
إيه، مرات التشققات تكون علامة على مرض، خاصة إذا كانت عميقة، مؤلمة، أو ما راحتش رغم الترطيب.
من بين الأمراض لي تسببها:
السكري.
نقص نشاط الغدة الدرقية.
الإكزيما.
الصدفية.
الفطريات، خاصة إذا كان معها حكة وتقشر بين الأصابع.
نقص بعض الفيتامينات والمعادن مثل:
الحديد.
الزنك.
فيتامين A.
فيتامين E.
بعض فيتامينات B.
الأحماض الدهنية الأساسية.
كيفاش نعالجوها؟
إذا ماكانش سبب مرضي، غالبًا هاذ الخطوات تكفي:
غسل القدمين بماء دافئ (ماشي سخون بزاف).
نقعهم 10 إلى 15 دقيقة ثم تنشيفهم مليح.
إزالة الجلد الميت بلطف باستعمال حجر القدم أو المبرد مرة إلى زوج مرات في الأسبوع فقط.
دهن كريم مرطب يحتوي على:
اليوريا (Urea).
الغليسرين.
حمض اللاكتيك.
أو الفازلين.
أفضل وقت للترطيب هو قبل النوم، ومن بعد لبس جوارب قطنية.
شرب كمية كافية من الماء.
لبس أحذية مريحة ومغلقة من الخلف.
هل الباديكير في الصالونات ينفع؟
ينفع، بصح لازم تعرفو بلي هو ما يعالجش السبب.
الباديكير يساعد على:
نحي الجلد الميت.
ينعم الكعب.
يخلي القدمين يبانوا خير.
لكن إذا ما واصلتش الترطيب والعناية اليومية، التشققات راح ترجع من جديد.
وزيد مهم بزاف تكون الأدوات معقمة، باش ما تنتقلش الفطريات ولا الالتهابات، خاصة لمرضى السكري.
فاش لازم تروح للطبيب؟
إذا:
التشققات ولات عميقة وتنزف.
خرج منها قيح أو ولات حمراء وسخونة.
عندك السكري وظهرتلك تشققات.
بقيت مدة طويلة وما تحسنتش رغم العلاج.
كانت مع حكة قوية أو طفح جلدي.
كيفاش نوقيو منها؟
رطب رجليك كل يوم.
ما تمشيش حافي.
البس حذاء مريح.
اشرب الماء بكفاية.
ما تستعملش الماء السخون بزاف.
نحي الجلد الميت بلطف مرة في الأسبوع.
إذا عندك السكري، راقب رجليك كل يوم.
ولا تنسونا بصالح دعائكم❤
