08/02/2026
الدوا مخضاش فيا!💊
كلمة ديما نسمعوها فالفرماصي بصح علاه ؟؟
🩺 الدواء جزء من العلاج… مهوش كل العلاج
ياسر ناس يقلك : “ناكل الدوا وراهي فرات !” 😅
حتان يتصدم بلي الدوا مجاب حتى نتيجة معاه
الحقيقة: الدوا أداة وحدها ما تكفيش. لازم تتبعها عادات ونمط عيش باش تحس بالفرق خاصة عند الاشخاص لي ياكلو فادوية الضغط والسكري
مثال صغير:
عند مرضى ضغط الدم ، الدوا مهم، لكن اغلب الاشخاص ميتبعوش ريجيم محدد (تنقص الملح. تبعد عن الشحوم) ، بالاضافة انو الاغلب عندهم حركة ناقصة تحت شعار "يخي راني ناكل فالدواء" .الى ان يتفاجأ بانو الطبيب زادلو فالجرعة لانها غير كافية . اذا :شوية حركة+ريجيم مليح +متابعة عند الطبيب=تحسن فالضغط وحياة صحية .😷
✔ الوقاية والنمط اليومي للصحة أهم من الاعتماد غير على الدوا💊
💡 المعلومة الصحيحة + التوجيه المناسب + الدوا = صحة أفضل🩺👨⚕️🥼
