House Of Nutrition - بيت التغذية

House Of Nutrition - بيت التغذية في بيت التغذية نهتم بصحتك وصحة عائلتك ، ننصحك بما يناسبك من غذاء ونمنع عنك ما يضرك

علابالك مرات تهبل من التعليقات، دك حطيت منشور على فرينة القمح الصلب من دار الحلو . ايا بعض التعليقات قالو سميد في بالهم...
10/05/2026

علابالك مرات تهبل من التعليقات، دك حطيت منشور على فرينة القمح الصلب من دار الحلو . ايا بعض التعليقات قالو سميد في بالهم الفرينة كلمة عربية يقصد بها طحين القمح اللين ، دك بلا بحث بلا مطالعة شغل يقلل منك انت ما تفرق ما بين السميد والفرينة و جاي تفتي علينا:

مالا كلمة Farine هي كلمة فرنسية تعني أي دقيق بشكل عام، سواء من القمح اللين أو الصلب أو حتى حبوب أخرى.
لكن تقنيًا وعند الإطلاق في الصناعات الغذائية الأوروبية، كلمة:
Farine de blé
تعني غالبًا دقيق القمح اللين (Blé tendre).
أما القمح الصلب فعادة يميّزونه بوضوح:
Farine de blé dur = دقيق القمح الصلب.
أو يستعملون أكثر: Semoule de blé dur = سميد القمح الصلب.
علابالي، كي نقولو "فرينة" فالناس تفهم تلقائيًا:
دقيق أبيض ناعم مصنوع غالبًا من القمح اللين.
بينما القمح الصلب ارتبط أكثر بالسميد والعجائن والكسرة والمطلوع التقليدي.
لكن تقنيًا يمكن تصنيع "فرينة" من القمح الصلب أيضًا، خاصة في بعض المطاحن الحديثة أو المنتجات الكاملة

في الأخير ماهيش مشكلتي اذا حاسب الفرينة كلمة عربية و تخص القمح اللين، على الأقل تخدم عقلك شوي ، والادهى يقولك بركا ما تغلط الناس

بزاف منكم طلب ندير مراجعة لمنتج : دار لحلو — فرينة كاملة من القمح الصلب T150 ( سميد شوف المقارنة لي في الستوري ) اولا نش...
09/05/2026

بزاف منكم طلب ندير مراجعة لمنتج : دار لحلو — فرينة كاملة من القمح الصلب T150 ( سميد شوف المقارنة لي في الستوري )
اولا نشرح معنى : تصنيف T150
هذا الرمز يمثل ما يسمى بـ “معيار الرماد” (Taux de cendres).
رقم 150 يعني أنه بعد حرق 100غ من هذا الدقيق، تبقى حوالي 1.5غ من المعادن.

دكا نديرو شرح للقيم الغذائية (لكل 100غ)
هنا تبدأ التفاصيل المهمة
▪️ الألياف (3.9غ) هذه القيمة تعتبر “متوسطة” وليست مرتفعة جداً.
فالقمح الكامل الخام غير المغربل قد تصل أليافه إلى 10–12غ لكل 100غ. و بالتالي : وجود 3.9غ فقط يدل بنسبة كبيرة أن المنتج خضع لعملية غربلة جزئية.
أي تم التخلص من جزء من النخالة الخشنة (Sons grossiers) الغنية بالألياف غير الذائبة الثقيلة، مع الإبقاء على النخالة الناعمة والمعادن.
لهذا يمكن اعتباره:
✔️ فرينة كاملة
✔️ لكن ناعمة ومهذبة
وليس دقيقاً خشناً كاملاً 100%.

▪️ البروتين (13.48غ)هذه نسبة ممتازة جداً مقارنة بالدقيق الأبيض العادي الذي يحتوي غالباً على 8غ بروتين فقط. و بالتالي ارتفاع البروتين يشير إلى الاحتفاظ بجزء مهم من: جنين القمح و طبقة الأليرون المحيطة بالحبة
وهما أكثر الأجزاء غنى بالمغذيات والإنزيمات.
▪️ الكربوهيدرات (56.27غ) القيمة أقل من الفرينة البيضاء التقليدية التي تصل عادة إلى 70–75غ.

▪️ الدهون (2.65غ)
وجود الدهون هنا يعتبر مؤشراً مهماً.
لأن الدقيق الأبيض المكرر يتم عادة نزع جنين القمح منه لزيادة مدة الصلاحية، فتكون نسبة الدهون شبه معدومة.
أما هنا، فوجود الدهون يدل على بقاء جزء من جنين القمح، الذي يحتوي على:
زيوت طبيعية
فيتامين E
مركبات غذائية حساسة يتم فقدانها غالباً في التكرير الصناعي.

▪️ الاستخدام في المطبخ
بما أنها T150 ومغربلة جزئياً، فهي تعطي:
✔️ عجين متماسك
✔️ خبز مطلوب أو كسرة بقوام ممتاز
✔️ لون مائل للبني الخفيف
✔️ طعم قمح حقيقي وتقليدي

دكا نوصلو للحكم :
المنتج حقيقي وكامل من حيث المحتوى المعدني والبروتيني، لكنه في نفس الوقت “مهذب” من ناحية الألياف.
هل هو كامل؟
تقنياً وتجاريًا — حسب معيار T150 ونسبة الرماد — نعم، يعتبر دقيقاً كاملاً.
هل تمت غربلة النخالة؟
بيولوجياً، وبالاعتماد على نسبة الألياف (3.9%)، نعم، يبدو أنه تم استبعاد جزء من النخالة الخشنة.

المنتج : يعتبر من أفضل الخيارات المتوفرة حالياً إذا كنت تريد رفع الألياف أكثر، فيمكنك إضافة القليل من النخالة الخشنة الطبيعية حسب الحاجة.

شوف معي مكانش حاجة تعلى على القمح الصلب لي تطحنو أنت (أنا نستخدمو وسبق ووريتلكم وعاودت حطيت في الستوري كيف طحنتو في مطحن...
09/05/2026

شوف معي مكانش حاجة تعلى على القمح الصلب لي تطحنو أنت (أنا نستخدمو وسبق ووريتلكم وعاودت حطيت في الستوري كيف طحنتو في مطحنة تقليدية، وكيف خدمت الدشيشة).
المهم هذا السميد لي في الصورة، حسب المعلومات المكتوبة على الكيس والقيم الغذائية لي فيه، نقدروا نعتبروه سميد قمح صلب كامل
🔍 علاش؟
نسبة الرماد: 1.5% ≥
➡️ هادي تعتبر مرتفعة مقارنة بالسميد الأبيض العادي (غالبًا أقل من 0.9%)، وتدل على بقاء جزء معتبر من النخالة والمعادن الطبيعية الموجودة في الحبة.
نسبة الرطوبة: ≤ 14.5%
➡️ نسبة عادية ومناسبة للتخزين.
نسبة الدهون: 1.91غ
➡️ أعلى من السميد الأبيض غير الكامل (لي غالبًا يدور بين 0.5غ و1غ)، وهذا يوحي ببقاء جزء من جنين القمح 🌾
نسبة الألياف: 4غ/100غ
➡️ أعلى بوضوح من السميد الأبيض التقليدي لي غالبًا يكون منخفض جدًا في الألياف.
📊 القيم الغذائية لكل 100غ:
🔹 الطاقة: 290.27 كالوري
🔹 بروتينات: 10.39غ
🔹 دهون: 1.91غ
🔹 دهون مشبعة: 0.95غ
🔹 كربوهيدرات: 57.38غ
🔹 منها سكريات: 6.3غ
🔹 منها نشاء: 51.08غ
🔹 ألياف: 4غ
🔹 ملح: 0.031غ
السميد هذا فيه عدة مؤشرات لمنتج كامل أو منتج كامل مغربل جزئيا : نسبة الرماد، الألياف، والدهون أعلى من السميد الأبيض الكلاسيكي، وهذا يدل على احتفاظه بجزء معتبر من مكونات الحبة الأصلية.
صحيح ما ذكروش صراحة: “يحتوي على جنين القمح”،
بصح القيم الغذائية توحي ببقاء جزء منه.
✳️ لو تقارنوه مع سميد أبيض عادي، تلقاو الفرق واضح:
أقل ألياف، أقل معادن، وأقل تشبع ➡️ بسبب ارتفاع درجة التكرير.
ونتمى من الشركة تكتب بشكل أوضح نسبة الاستخلاص أو وجود جنين القمح، باش تكون المعلومات أدق للمستهلك.
(هذا مش إشهار،)

بالله عليكم، إسلام وبيت التغذية ما نستاهلو تكون قناتنا على اليوتيوب فيها 100k وندو الدرع الفضي؟ نستاهلو ولا ؟ أنا والله...
09/05/2026

بالله عليكم، إسلام وبيت التغذية ما نستاهلو تكون قناتنا على اليوتيوب فيها 100k وندو الدرع الفضي؟ نستاهلو ولا ؟
أنا والله ما نحب الأرقام وبدل صفحة حذفت صفحتين و لله الحمد في أقل من عام رانا 430 الف متابع هنا ،لكن تحز في نفسي نشوف قنوات لا علاقة لها مئات الآلاف من المتابعين و حاجة تفيد لا.
كيفاش نحط منشور يشوفو 350 ألف واحد ونقولو بعد هذا الفيديو راح تفرق بين السميد الكامل والعادي والفرينة الكاملة والعادية ويشوفوه 2000 واحد .
مانيش نشتكي ، لكن عادي نقولو الوقت لي رانا فيه مش وقت المحتوى النافع لي يسيطر.
المهم رابط الفيديو في أول تعليق.

08/05/2026

حطيت رابط فيديو في التعليقات وضحت الفرق بين السميد الكامل والعادي والفرينة الكاملة والعادية فضلا ادخلو شوفوه واشتركو نستحق دعمكم

08/05/2026

درت 11 فيديو صغير في الستوري شرحت حول سميد القمح الكامل والعادي حمامة وفرينة عمور الكاملة وفرينة لابال العادية ولا شوف أول تعليق

08/05/2026

راني شاركت تجربتي مع القمح الصلب نتاع بلادنا في الستوري وكيف ديتو للمطحنة وطحنتو شوفو وانتظرو المقارنة بين المنتجات لي نشروها

اول حاجة لازم تعرفوها أنو حنا جينيا يوالمنا القمح الصلب لي نخرجو منو السميد مش القمح اللين لي نخرجو منو الفرينة ( من بعد...
08/05/2026

اول حاجة لازم تعرفوها أنو حنا جينيا يوالمنا القمح الصلب لي نخرجو منو السميد مش القمح اللين لي نخرجو منو الفرينة ( من بعد نشرحلكم وعلاش تبدلت ولينا ناكلو الفرينة )
دك نرحو نعرفو شكون قالك بلي القمح الصلب لازم يكون لونه غامق؟ حتى تقولو عليه أصلي و كامل؟؟ عارف هذا ، باينة لانهم راهم يبيعو لكم الخبز الكامل المكرمل بالسكر او الملونات باسكو فاقولكم تحبو اللون المهم:
​
الحقيقة راهي في هاد الصورة!

القمح الصلب الجزائري لي نخرجو منو السميد (كيما واد البارد اللي في الصورة) يمتاز بلون أصفر ذهبي رائع بعد الطحن. هاد اللون هو دليل على غناه بـ "الكاروتين" (مضادات أكسدة طبيعية)، وهو المطلوب عالمياً في صناعة الكسكسي والعجائن الراقية. اللون الغامق أحياناً يكون سببه كثرة النخالة أو طريقة الطحن، بصح "القلب" تاع حبة القمح الصلب الصافية لازم يكون ذهبي.

زيد كلمة قمح مهجن ،لي بعض ناس تعلق بيها ، القمح الصلب نتاع بلادنا محسن مش مهجن:

لازم نفرقوا بين كلمتين:
​القمح المهجن/المعدل جينياً: هو اللي يخلطوا فيه الجينات في المخبر بطرق غير طبيعية، وهذا "ما عندناش" في القمح الصلب الجزائري.
​القمح "المحسن" و "المنتقى" (مثل واد البارد): هو قمح طبيعي 100%. واش يدير الخبراء؟ يخيروا أحسن وأقوى السنابل في الحقل (المنتقاة) ويجمعوهم مع بعض باش يعطونا سلالة قوية تقاوم البرد والجفاف (محسنة). يعني هو "نخبة" القمح الجزائري، ماشي تلاعب جيني!

لي في الصور هذا قمح صلب ، طحنتو تحصلت على سميد كامل و شاركت تجربتي في الستوري من البداية للنهاية لي حاب يستفاد

07/05/2026

دك صورتلكم فرينة عمور الكاملة وفتحتها وحطيت الفيديو في الستوري حبيت رايكم هل هي فرينة كاملة وغدا بإذن الله نحط عدة منشورات نشرح

بزاف ناس يظنّو كي يشوفو مكتوب “خبز اللب الكامل” ولا “Pain complet” يعني راه مصنوع مباشرة من حبة القمح الكاملة بكل مكوّنا...
07/05/2026

بزاف ناس يظنّو كي يشوفو مكتوب “خبز اللب الكامل” ولا “Pain complet” يعني راه مصنوع مباشرة من حبة القمح الكاملة بكل مكوّناتها الطبيعية: الجنين + القشرة + اللب
لكن في الصناعات الكبرى، الواقع غالباً مختلف تماماً.
في بزاف المنتجات الصناعية، اللي يصرى هو:
✔️ يستعملو فرينة بيضاء عادية (دقيق مكرر).
✔️ ومن بعد يزيدولها النخالة باش يرجع اللون غامق ويطلع المنتج “كامل” في التسويق.

والدليل قدّامكم في هذا المنتج لي كان صادق في قائمة المكونات مكتوب بالترتيب:
• دقيق القمح
• ماء
• نخالة القمح
يعني النخالة مضافة بعد الفرينة، وماشي طحن كامل للحبة كما يظن البعض.

علاش هذي المعلومة مهمة؟
لأن الفرينة الكاملة الحقيقية تكون مطحونة من الحبة كاملة مع:
✔️ القشرة
✔️ الجنين
✔️ اللب
وبالتالي تحتفظ بألياف ومغذيات أكثر بشكل طبيعي.
أما إضافة النخالة فقط فوق الفرينة البيضاء:
❌ ما ترجعش المنتج نفس القيمة الغذائية تاع القمح الكامل الحقيقي.
❌ وما تعنيش بالضرورة مؤشر سكري منخفض.
❌ وهذا يعني منتج عالي المعالجة.

زيد الناس لي راهي تقول توست هو الصح ، انا والله ما ضد اي نظام تابع لي تحب في الأخير هذيك صحتك انا ضد التعصب في الافكار لحقت وين لازم الخبز الكامل لي فدار تخدمو على شكل توست ولا مش خبز صحي ( هنا بزاف، شغل تخدمو كسرة ولا مطلوعة مدورة بالقمح الكامل راك عصيت نظام طيبات لازم شكل التوست)

تعرف واش هو الأرز المحرّم؟ وعلاش محرم واش يختلف عن الأرز الابيض؟ اولا : الأرز الأسود كان يسمّوه قديماً “الأرز المحرّم”، ...
07/05/2026

تعرف واش هو الأرز المحرّم؟ وعلاش محرم واش يختلف عن الأرز الابيض؟

اولا : الأرز الأسود كان يسمّوه قديماً “الأرز المحرّم”، لأنو في بعض الحضارات الآسيوية كان مخصص فقط للأباطرة والطبقات الراقية بسبب ندرته وقيمته الغذائية العالية.
دكا كي عرفنا الأرز الأسود هيا نديرو تقييم له من علامة Moulin Vert (الطاحونة الخضراء)
المكونات:
أرز أسود فقط بدون إضافات، بدون مواد حافظة.

القيم الغذائية لكل 100غ:
▪️ 351 سعرة حرارية
▪️ 79.5غ كربوهيدرات
▪️ 0غ سكر
▪️ 4غ ألياف غذائية
▪️ 7غ بروتين
▪️ 0.5غ دهون
▪️ 0غ دهون مشبعة

📌 واش يميّزو؟
✔️ يحتوي على مضادات أكسدة طبيعية تعطيه اللون الأسود البنفسجي.
اللون الأسود/البنفسجي جا من مركبات اسمها “أنثوسيانين”، نفس الموجودة في التوت البنفسجي، وهي لي تعطيه قيمة غذائية أفضل من الرز الأبيض العادي
✔️ يشبع أكثر من كثير أنواع الأرز المكرر بسبب الألياف.
✔️ مصدر جيد للطاقة والكربوهيدرات المعقدة.
✔️ نسبة البروتين فيه ممتازة بالنسبة للأرز.

⚠️ بصح ما نغلطوش:
كونو “أرز أسود” ما يعنيش تقدر تاكل بلا حساب 😅
يبقى مصدر كربوهيدرات وسعرات، والفرق الحقيقي يكون في الجودة الغذائية.

معلومة عن المذاق، هنا مختلف لأنو عندو نكهة خفيفة تشبه للمكسرات شوية، وناس بزاف يعجبهم في السلطات أو مع الدجاج والخضر.
في الاخير ماشي لأنو أغلى يعني ضروري أفضل لكل الناس.
إذا نظامك الغذائي متوازن وتتحكم في الكميات، تقدر تكتفي الأرز الأبيض العادي أو البسمتي

سبق و صادفت الأرز الأسود؟ وعلابالك كاين أرز أحمر ؟
سعر الأرز الأسود 540 دج ( 54 ألف لقيتو)
ما تنسى تشوف الستوري

Adresse

Algiers

Site Web

Notifications

Soyez le premier à savoir et laissez-nous vous envoyer un courriel lorsque House Of Nutrition - بيت التغذية publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager