01/09/2026
👩🏼⚕️السلام وعليكم و رحمة الله يا الغاليات🌹
، إن شاء الله تكونوا كامل بخير ويهنيكم ربي بمراحل حملكم 🌸كثير منكم يجيوني للعيادة في السونار تاع 12 أسبوع (Échographie du 1er trimestre) ويقولولي: "يا دكتورة، عيشك شوفيلي اذا طفل 👶🏻ولا طفلة👧، الفضول قتلني 🥰!".
👩🏼⚕️علمياً، الأعضاء التناسلية الخارجية ما تبانش واضحة حتى للأسبوع 18 أو 20.
بصح كاين طريقة علمية ومسلية😉 نعتمدوا عليها واسمها
🌼نظرية "ناب" (Nub Theory) أو نظرية "البروز التناسلي". 🌼
ارواحوا نفهموها ببساطة:🔍 واشنو هي نظرية ناب (Nub Theory)؟🧐
👌🏻في الأسبوع 12 من الحمل، الأجنة (الذكور والإناث) يكون عندهم كامل نفس البروز الصغير في منطقة الجهاز التناسلي.
👩🏼⚕️الطبيبة هنا واش تدير؟ تشوف الزاوية تاع هذاك البروز مقارنة مع العمود الفقري تاع البيبي:
🔹 اذا كان البيبي ولد 🧑بيبي: هذاك البروز يكون مائل للفوق، ويدير زاوية أكبر من 30 درجة مع العمود الفقري.
🔹 يلا كانت البيبي بنت 👧 البيبي: هذاك البروز يكون هابط، يعني موازي للعمود الفقري (بزاوية أقل من 10 درجات).📏
👌🏻شروط باش تنجح هاد النظرية:
1️⃣لازم البيبي يكون مكسل على ظهرو وراقد بالطول (Profil).
2️⃣الصورة تكون واضحة بزاف ومنطقة الحوض باينة مليح.
⚠️ هل هي مضمونة 100%؟🤔
❌لا يا لبنات، ما نقدروش نعتمدوا عليها بشكل قطعي! نسبة النجاح تاعها في الأسبوع 12 تلحق لـ 75% أو 80%
لأنو ساعات البيبي يكون مكمش روحو، أو البروز مازال ما خذاش الوضعية النهائية تاعو.
✅ يعني يبان بنت ومن بعد في الشهر الخامس يرجع ولد!لهذا، أحنا نديروها من باب التسلية ونقصوا بيها قلق الانتظار، بصح الكلمة الأخيرة والخبر اليقين 100% نخلوه للسونار تاع الشهر الخامس 👌🏻(Échographie morphologique) إن شاء الله.✨
وأنتم يا الحوامل اللي راكم في الشهر الثالث، كاش ما قالتلكم الطبيبة على هاد النظرية؟ شاركونا تجاربكم في التعليقات! 👇
📍 عيادة مريم لطب النساء و التوليد
👩⚕️ الحكيمة تازير حرم كحلة - طبيبة مختصة في أمراض النساء والتوليد، العقم، ومتابعة الحمل.
📞 للحجز والاستفسار يرجى الاتصال على الرقم:📱 0797120823
🥰مرحباً بكنّ دائماً في عيادتكم 🤍
#الجزائر
