عيادة طه للطب العام Taha clinic

01/06/2026

01/06/2026

01/06/2026

عيد سعيد لكل أطفالنا....ربي يحفظهم ويكبرهم على طاعتو وشفاعتو ويجعلهم صالحين مصلحين يارب 🎈🎈🌹🌹

12/05/2026

سلاااااااااام....صباح الخيرات
❎مكانش طفل طبيعي يجيه التهاب رئوي 3 مرات في السنه مثلا او اكتر ،،،

❎ مكانش طفل طبيعي يجيه التهاب في الاذن الوسطي مع قيح 3ولا 5 مرات في السنه،،،

❎مكانش طفل طبيعي يجيه تقرحات او شلافط في جسمه كل شهر مره او اتنين،،،

❎مكانش طفل طبيعي يجيه التهاب وانفكسيو في مجري البول كل شهر،،،

❎مكانش طفل طبيعي يجيه التهاب في اللوزتين كل شهر،،،

❎مكانش طفل طبيعي يجيه الزكام والسعله كل شهر مره ويقعد اسبوعين باش يرتاح،

❎مكانش طفل طبيعي نيفو دائما يسيل ولا طول مصكر،،،

❎مكانش طفل طبيعي يشخر دايما ونقولو عادي اصلا فتحات انفو ضيقه مكانش طفل مناخيرو ضيقه،،،

❎مكانش طفل طبيعي دايما يرد (يتقيا)باندفاع او يشرق كل رضعه او 3 ولا 4 مرات في اليوم ،،،

❎مكانش طفل طبيعي طوول عنده تسلخات ومن اقل حاجه وتقعد بالشهر مايرتاحش وهذي مش من لي كوش ولا خاطر مش نبدلولو مليح،،

❎مكانش طفل طبيعي عندو اسهال طول او البراز تاعو سايل طول ويتبرز 5مرات في اليوم براز ونقولو راه عادي و طبيعي،،،

❎ مكانش طفل طبيعي عندو امساك طول ويعمل فضلات كل 3ولا 4 ولا 5 ايام مره،،،

30/04/2026

كنت ندور في الفايسبوك وقلت ما نحكيش على “نظام الطيبات” خاطر الموضوع راه متداول وكاين مختصين وأطباء شرحوه مليح،
وما كنتش نتوقع أصلا يعطيولو هاد الحجم.
بصح تفاجأت 😳 كي شفت ناس عندها متابعين يعلنوا بلي رايحين يتبعوه،
والمفاجأة الأكبر كانت في التعليقات: ناس تقول نحبس دواء الضغط والقلب، ووحدة حتى قالت راني نخمم نوقف الشيميو وتعتمد عليه 😱 هنا فهمت أن المشكل ماشي غير في النظام، بل في طريقة تفكير تتبع الموجة بلا وعي ولا تقدير للعواقب

النظام هذا فيه تناقضات خطيرة يمنع البيض، الدجاج، والخضر تقريباً كاملة مع الاقتصار على البطاطا، وفي نفس الوقت يسمح بعصائر معلبة، الزيوت المهدرجة ،
نوتيلا وشكلاطة بشكل يومي 🧐 ومتكرر صباح وليل وحتى في أي وقت، مع استهلاك يوصل حتى لـ 15 ملعقة سكر في اليوم، ويزيد ينقص الماء بشكل غير مبرر
، حتى التدخين يتم تبريره على أنه “ما يسببش سرطان”، وهذا يتعارض كلياً مع كل المعطيات العلمية المعروفة و الاخطر منع الأدوية بشكل مطلق. 😮
إيقاف الأدوية تحت أي شعار “غذائي” أو “طبيعي” ما هوش تبسيط، بل مخاطرة حقيقية وإنكار لطب قائم على أدلة وتجارب طويلة أنقذت حياة الملايين والتخلي عليه بلا سبب علمي يعني استبدال العلم بالوهم.
كيفاش نظام يدّعي أنه صحي وفي نفس الوقت يقصي أغذية أساسية، يشجع السكر بكثرة و الزيوت اللي تزيد خطر أمراض القلب و الشرايين ، يمنع العلاج، ويبرر عادات مدمّرة كيما التدخين؟
في الأخير سؤال فقط ل الناس اللي تخممم تتبعو : لو نخلي طفل صغير ياكل واش يحب، طبيعي يختار النوتيلا والشيبس والسكريات… واش هو الفرق بينك وبينه؟
أنا نقولك ...
الفرق أنك إنسان بالغ وواعي وتعرف أن الرغبة ماشي هي المعيار نتاع الاختيار.
شكون فينا ما يحبش النوتيلا و السكريات ؟ بصح العقل هو اللي يوازن بين الرغبة والصحة، ماشي العاطفة. ...فكر بعقلك وتدبّر، ربي خلقك وزوّدك بعقل باش تميّز بين الرغبة والمصلحة، ماشي باش تتبع برك

أكيد كل إنسان حر في اختياراته، بصح كطبيبة واجبي نوضّح ونوعّي، لأن الصحة ماشي مجال للتجارب ولا للموجات. منقول من صفحة طبيبة الأطفال كيموش وانا معها في الرأي مذهولة من مستوى اللاوعي لي وصلو مجتمعنا

27/04/2026

سلام عليكم...فيديو تعريفي بموقع العيادة...الرجاء النشر على أوسع نطاق...العنوان بن جرمة بالقرب من رونبوا حمام الحرفة مقابل دوبارة بسكرية..فوق محلات العاصمي للملابس الرجالية...من أجل تحديد موعد الإتصال بالرقم
0658551170
خدماتنا...فحوصات طب عام نساء أطفال رجال وشيوخ
خدمات علاجية استعجالية
استشارات في التغذية
متابعة الأمراض المزمنة
إيكوغرافي
حاليا توقيت العمل من 8 صباحا إلى الخامسة مساءا من السبت إلى الخميس
وعن قريب نزيدو في ساعات العمل وتكون استعجالات بحلة جديدة
راحتكم اولويتنا ..جعلنا الله سببا للشفاء

26/04/2026

سلام عليكم...يسعد مساءكم .....
كثيرا مانسمع هذا التساؤل في العيادة من طرف الأولياء عن النمو الطبيعي لأطفالهم وهو مايشغل بالهم كثيرا ويضعهم في حيرة...يجي يقللك حاس ابني ناقص في النمو وهو الشائع كثيرا في وقتنا هذا ...ولذا اليوم اخترت نحطلكم هاذ الجدول لي يبين أوزان ؤأطوال الطفل الطبيعية حسب كل مرحلة عمرية من الولادة الى 12سنة