10/09/2026
😰 تخاف تخرج؟ ولا تخاف من نظرة الناس؟ 🤔
كاين فرق كبير بين الرهاب الاجتماعي و الأغورافوبيا (رهاب الساحة)، رغم أنه الاثنين يقدرو يسببو خوف، توتر، خفقان، تعرق وحتى نوبات هلع 😰💓
🔴 الرهاب الاجتماعي
هنا المشكل الأساسي هو الخوف من تقييم الناس ونظرتهم ليك 👀
الشخص يقدر يخاف من:
🗣️ الهدرة قدام الناس
👥 التعارف مع أشخاص جدد
🎤 التحدث أمام مجموعة
🍽️ الأكل أو الكتابة قدام الآخرين
📞 إجراء مكالمة قدام الناس
💼 مقابلة عمل
😳 الخوف من الإحراج أو أن الناس يحكمو عليه
والأفكار تكون مثلاً:
❌ "راح نغلط ويضحكو عليا"
❌ "راح يلاحظو بلي راني متوتر و بدا وجهي يولي احمر"
❌ "راح نبان ضعيف أو محرج"
🟢 أما الأغورافوبيا
الخوف هنا ماشي بالضرورة من الناس 👥❌، وإنما من مواقف أو أماكن يحس فيها الشخص بلي الهروب صعيب أو المساعدة ما تكونش متوفرة إذا صراتلو نوبة هلع أو أعراض قوية 🚨
مثلاً:
🚌 ركوب الحافلة أو النقل
🚗 السفر لمسافة بعيدة
🛒 المراكز التجارية
👨👩👧👦 الأماكن المزدحمة
🎟️ الطوابير
🏟️ بعض الأماكن الواسعة أو المغلقة
🚪 الخروج من الدار وحدو
والفكرة تكون:
😰 "إذا جاني الهلع هنا، كيفاش نخرج؟"
😰 "إذا مرضت، شكون يساعدني؟"
😰 "إذا جاتني الدوخة، نقدر نرجع للدار؟"
⚠️ نقطة مهمة بزاف:
الأغورافوبيا ما تعنيش ببساطة "الخوف من الأماكن المفتوحة"، وهذا مفهوم قديم وغير دقيق.
🧠 كذلك، الشخص يقدر يكون عندو الرهاب الاجتماعي والأغورافوبيا في نفس الوقت، وممكن يترافقو مع نوبات الهلع أو اضطرابات القلق الأخرى.
💡 الخلاصة:
👥 الرهاب الاجتماعي:
➡️ "نخاف من نظرة الناس وتقييمهم ليا."
🚪 الأغورافوبيا:
➡️ "نخاف نكون في مكان يصعب عليّ الهروب منو أو نلقى فيه المساعدة إذا صرالي خوف أو هلع."
❤️ والخبر المفرح: هاذ الاضطرابات قابلة للعلاج والتحسن، وماشي لازم الإنسان يبقى أسير للخوف والتجنب.
إذا الخوف بدا يأثر على حياتك، خدمتك، قرايتك، علاقاتك أو يخليك تحبس الخروج وتتفادى بزاف مواقف، طلب المساعدة الطبية خطوة مهمة وما فيها حتى عيب. 🧠❤️
👨⚕️ د. معطى الله عبدالرحمان
طبيب أمراض نفسية وعصبية وعقلية
📍 حي خمسة جويلية، عمارة رقم 121، مستغانم
📞 0698136373 / 0541450018
📱 WhatsApp متوفر
#الأغورافوبيا #القلق #مستغانم
