الخميرة الطبيعية كما لم تعرفها من قبل

الخميرة الطبيعية كما لم تعرفها من قبل صفحة تهدف لنشر الوعي الصحي بخصوص الخبز الصحي المخمر طبيعيا و بطريقة صحيحة
(1)

السلام عليكم مهما تنوعت المخبوزات بالخميرة الطبيعية يبقى المطلوع الجزائري و الكسرة الجزائرية من أفضل المخبوزات ، الحمد ل...
17/03/2026

السلام عليكم

مهما تنوعت المخبوزات بالخميرة الطبيعية يبقى المطلوع الجزائري و الكسرة الجزائرية من أفضل المخبوزات ، الحمد لله على نعمته 🥰

#خميرةبرية #مطلوع #مطلوع

السلام عليكم و رحمة الله تعالى و بركاته صح فطوركمنتمنى كل متابعي الصفحة يكونو بخير ، يا درا أحوالكم مع الخميرة الطبيعية ...
03/03/2026

السلام عليكم و رحمة الله تعالى و بركاته

صح فطوركم

نتمنى كل متابعي الصفحة يكونو بخير ، يا درا أحوالكم مع الخميرة الطبيعية ؟؟؟ كاش مخبوزات ؟

جيت نشارك معاكم طريقتي الحالية مع الخميرة الطبيعية ، و هاذ الطريقة رايحة تعاون بزاف منكم لي عندهم مشكلة مع التغذية تاع الخميرة و الوقت ...

أنا راني ديما نخلي 200غ خميرة في وسط الدقيق و نقدر نستعملها الوقت لي يساعدني بعد يوم ، يومين ، ثلات أيام و تخمر بشكل رائع و بدون حموضة لاذعة على العكس ذوق جميل و طيب .
بالنسبة لوصفة هاذ الخبز لي جا طري و لذيذ جدا

⭐ أنا إستعملت 400 غ سميد رقيق (عادي ) مع 400غ فرينة كاملة ، هاذو المقادير تجي خبزة كبيرة
⭐ أولا جبت الخميرة من تحت الدقيق كيما راهي فالصورة ، نحيت شوي من اللب تاعها (باش نعاود نغذيها و نرجعها تحت الدقيق بما انو راح نعجن بالحليب)
الخميرة فتتها مليح في 600غ حليب دافي ، زدت مع الخليط حبة بيض و بياض بيضة (صفار نخلوه ندهنو بيه وجه الخبزة) زدت مغرف كبيرة ماء زهر مقطر و مغرف عسل طبيعي ، 20غ ملح و الدقيق تاعي و عجنت الكل ، كي تعجنت زدت حوالي 30غ زبدة طرية و زدت للعجينة شوي ماء دافي للحصول على عجينة طرية كفاية (عينكم ميزانكم حسب الدقيق تاعكم الا يشرب) .
⭐ العجينة خليتها تختمر أكثر من 4 ساعات مع 3 عمليات مد و طي في الأول كل 20د.
⭐ بعدها فردت العجينة في سنيوة مدهونة بالزبدة و خليتها تختمر تقريبا ساعتين .
⭐ بعد الاختمار سخنت الفرن مليح و دهنت الوجه بصفار البيضة و الجلجلان و دخلتها طيب على 270° في الرف الاوسط من الفرن و غطيت السنيوة بورق الطهي اول 30د باش تطلع مليح و تبقى طرية .
⭐ الخبزة جات رائعة اللهم بارك حب يقول الاختمار الطبيعي مفيد للصحة و يعطي نتائج مبهرة و ذوق لذيذ جدا المهم نستعملو الخميرة بالطريقة الصحيحة و الشروط الصحيحة .


#خبزالدار
#خميرةطبيعية

Adresse

Oran

Site Web

Notifications

Soyez le premier à savoir et laissez-nous vous envoyer un courriel lorsque الخميرة الطبيعية كما لم تعرفها من قبل publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager