16/07/2026
تبسيط باه الناس لي ما وضحت لهاش فكرة الكفير:
ناخذ مثلا قرعة لبن صومام المدعم بالبيفيديس
راكم تشوفوا كلمة مخمر / ferments lactique
هذاك واش يستعملو باه الحليب يردوه لبن
نتوما راح تستعملوا مخمر لي هو اسمه حبيبات الكفير
راكم تشوفوا البيفيديس
هذيك بكتيريا نافعة نوع واحد يضيفوه
كي تستعملوا حبيبات الكفير راكم تستعملوا عدد كبير بزاف من انواع souches تع البكتيريا النافعة من بينها البيفيديس وعشرات الانواع الاخرى
لذلك لا مقارنة بين فائدة اللبن العادي المعلب وبين لبن الكفير اللي تحضروه نتوما في المنزل
يعني شفتوا بكري جداتنا كي كانوا يمخضوا بالشكوة
نتوما راح تحطو في وعاء وتخلوا حبيبات الكفير تتغذى على اللاكتوز والكازيين وتخرجلكم لبن الكفير
من بعد تقولولهم صحيتوا كثر خيركم ( تصفوهم من اللبن) وتعاودوا تحطوهم في حليب جديد باه يتغذوا عليه مرة اخرى وهي رايحة
راه يزوجوا ولادهم ويجيبولكم احفاد (تكاثر حبيبات الكفير) ومنه تقدروا تكثرولهم الغذاء (الحليب) من نص لتر / لتر تولوا 2 واكثر وعي رايحة
تخبوا كمية اقل عادي
حطوهم كامل في كاس حبيبات الكفير راه تفهم بلي راكم مشومرين وراح تصبر حتى يفرج عليكم ربي
او تقدروا كيما ولادكم في القايلة تدخلوهم في سبات باه ما يجوعوش (تدخلوهم الثلاجة) حتى يكتب ربي
المهم عبوة حوالي 10 غ تع الحبيبات سعرها 100 الف+التوصيل
او تزيدوا معاها منتج اخر ب 150 الف
اول واخر مرة تشروها الا اذا الوالدة الكريمة تشوف الوعاء في حليب تقطع "ياه خسر الحليب!" وترميه لكم وهكا الحاجة تكون تعاون فينا باه تزيدو تشروا 😁
