Dr S.Chaib Endocrinologue Diabétologue

Dr S.Chaib Endocrinologue Diabétologue Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Dr S.Chaib Endocrinologue Diabétologue, Santé, rue des fonctionnaires bâtiment 11 ème, Relizane.

بمناسبة عيد الأضحى المبارك، نعلمكم أن العيادة ستكون مغلقة إلى غاية يوم الأحد 31 ماي 2026إستأناف العمل يوم الإثنين 1 جوان...
26/05/2026

بمناسبة عيد الأضحى المبارك، نعلمكم أن العيادة ستكون مغلقة إلى غاية يوم الأحد 31 ماي 2026
إستأناف العمل يوم الإثنين 1 جوان
🌷عيدكم مبارك وكل عام وأنتم بخير 🤍

الفطور صحي في رمضان يكون تدريجي ومتوازن باش نحافظو على السكر فالدم، بدون إرهاق المعدة، وللحفاظ على الطاقة 👇🥣 المرحلة 1: ...
21/02/2026

الفطور صحي في رمضان يكون تدريجي ومتوازن باش نحافظو على السكر فالدم، بدون إرهاق المعدة، وللحفاظ على الطاقة 👇

🥣 المرحلة 1: كسر الصيام

1–3 تمرات
كأس ماء أو حليب
ممكن شوربة خفيفة (حريرة خفيفة / شوربة خضر)

🔹 الهدف: رفع السكر تدريجياً وتهيئة المعدة بدون إرهاقها.

🍲 المرحلة 2: الوجبة الرئيسية (بعد صلاة المغرب)

لازم تكون متوازنة:

🥩 مصدر بروتين: لحم، دجاج، سمك، بيض

🍚 نشويات معقولة: خبز قمح كامل / أرز / بطاطا

🥗 خضر مطبوخة أو سلطة

🥄 دهون صحية بكمية قليلة (زيت زيتون)

🔹 تجنب: القلي، الصوصات الثقيلة، الأكل بكثرة دفعة وحدة

🍉 المرحلة 3: بعد ساعتين

فاكهة
ياغورت طبيعي
حفنة مكسرات

🔹 باش نتفادو الثقل ونحافظو على طاقة مستقرة.

🍵 المرحلة 4: قبل النوم

شاي أعشاب خفيف أو ماء

تجنب الحلويات الثقيلة ليلا

🌙نصائح مهمة

●كل ببطء ومضغ مليح

●اشرب الماء مقسّم من المغرب للسحور (1.5–2 لتر : حوالي 8كؤوس )
●قلل من المقليات والمشروبات الغازية
●الحلويات تكون مرة أو مرتين في الأسبوع فقط
صح فطوركم 🌙

📞 0699052169

📢 إعلان خاص بمواعيد العمل خلال شهر رمضان المبارك🌙نعلم مرضانا الكرام أن أوقات العمل خلال شهر رمضان ستكون كالتالي:🕘 من يوم...
18/02/2026

📢 إعلان خاص بمواعيد العمل خلال شهر رمضان المبارك🌙

نعلم مرضانا الكرام أن أوقات العمل خلال شهر رمضان ستكون كالتالي:

🕘 من يوم السبت إلى يوم الخميس
⏰ من الساعة 08:30 صباحًا إلى 13:00 ظهرًا

نسأل الله أن يتقبل منا ومنكم صالح الأعمال رمضان كريم🌙✨

📞 0699052169

بزاف مرضى السكري يهملو زيارة الطبيب قبل رمضان،🌙 يصومو هكّا وخلاص، وهذا ممكن يعرّضهم لمخاطر كبيرة.رمضان شهر عبادة ، بصح ...
27/01/2026

بزاف مرضى السكري يهملو زيارة الطبيب قبل رمضان،🌙 يصومو هكّا وخلاص، وهذا ممكن يعرّضهم لمخاطر كبيرة.
رمضان شهر عبادة ، بصح الصحة أمانة، وربي ما يحبش العبد يضرّ روحو.
مريض السكري لازم عليه يزور الطبيب قبل رمضان باش يقيّم حالتو، ويعرف اذا يقدر يصوم ولا لا، وكيفاش يبدّل الدواء أو الإنسولين، ووقت الماكلة والسحور.
الصيام بلا متابعة طبية يقدر يسبب هبوط حاد في السكر، ولا ارتفاع خطير، دوخة، تعب، فقدان الوعي وحتى مضاعفات خطيرة.

🩺 قبل رمضان: وقتاش تزور الطبيب؟

🔹 لازم تزور الطبيب قبل رمضان بـ 3 حتى 6 أسابيع
باش يقيّم حالتك مليح ويبدّل العلاج بلا خطر.

■ علاش زيارة الطبيب ضرورية؟

الطبيب راح:

يشوف واش تقدر تصوم ولا لا
يقيّم الخطر (ضعيف، متوسط، ولا عالي)
يبدّل جرعات الدواء
وقتاش تاخذ الدواء
يعطيك تعليمات واضحة:
وقتاش تقيس السكر
وقتاش لازم تفطر
وش تدير إذا هبط ولا طلع السكر

🟢 شكون يقدر يصوم (بمتابعة طبية)؟

●اللي السكر متحكّم فيه
●اللي ما عندوش هبوط متكرر
●اللي ما عندوش مضاعفات خطيرة
●حتى هادو لازم متابعة.

🔴 شكون ما لازمـوش يصوم؟

●اللي يطيحلو السكر بزاف
●اللي يطلع عندو السكر بزاف
●اللي يستعمل إنسولين بجرعات كبيرة
●المرأة الحامل المصابة بالسكري
●المريض اللي عندو مضاعفات والطبيب قالو الصيام يضرّ

🟥وقتاش لازم تفطر؟
●إذا هبط السكر أقل من 70
●إذا طلع السكر أكثر من 300
●إذا جاك دوار، تعرق شديد، رجفة، جوع قوي
●إذا حسّيت بتعب غير عادي، صداع قوي، تشوش في الرؤية
●إذا جاك غثيان، قيء، ولا ألم في البطن
●إذا فقدت التركيز ولا حسّيت روحك رايح تطيح

🟢: نصائح مهمة لمريض السكري في رمضان
زور الطبيب قبل رمضان
بدّل الدواء غير بتعليمات طبية
راقب السكر بانتظام (القياس ما يفطّرش)
ما تهملش السحور
إفطر على حاجة خفيفة ، وما تكثرش السكر
إشرب الماء بزاف بين الإفطار والسحور
تجنّب المجهود الكبير نهار رمضان
⚠️ الصيام ما هوش فرض على المريض اللي الصوم يضرّو، والدين عطانا رخصة، وربّي رحيم.

📞0699052169

علاش مرضى قصور الغدة الدرقية يحسو بـ قلّة راحة ولا ثِقل في الرقبة 🦋😩؟مرضى قصور الغدة الدرقية مرات يشكو يحسو بـ شدّة، ضغط...
12/01/2026

علاش مرضى قصور الغدة الدرقية يحسو بـ قلّة راحة ولا ثِقل في الرقبة 🦋😩؟
مرضى قصور الغدة الدرقية مرات يشكو يحسو بـ شدّة، ضغط ولا ثِقل في الرقبة، وهاد الإحساس يزيد يبان خاصة كي يكونو معصّبين، متقلقين ولا متوترين. والسبب يكون عادة مجموعة عوامل ماشي سبب واحد.

1️⃣ الغدة الدرقية تولّي حسّاسة
في قصور الغدة، الغدة تقدر تكون شوية منفوخة ولا حسّاسة، خاصة إذا كان كاين التهاب (هاشيموتو).
كي الواحد يزعف ، تزيد الشدّة في الرقبة ويحس أكثر بالضغط.

2️⃣ تشنّج عضلات الرقبة
العصبية تخلي عضلات الرقبة والكتاف يتشنّجو بلا ما نحسو.
ومرضى القصور أصلًا عندهم تيبّس وضعف في العضلات، لهذا أي شدّة صغيرة تعطيهم قلّة راحة ولا ألم.

3️⃣ القلق وتأثير الأعصاب
بزاف مرضى القصور يحسو بـ:
كيما كرة في الحلق
شدّ في العنق
صعوبة بلع خفيفة بلا سبب عضوي
هاد الإحساس يزيد مع التقلق والغضب.

4️⃣ احتباس الماء في الأنسجة

قصور الغدة يخلّي الجسم يحبس شوية ماء في الأنسجة، حتى في الرقبة.
مع العصبية، المريض يحسّ الرقبة مشدودة وثقيلة أكثر.

🩺 الخلاصة
✔️ الإحساس هذا غالبًا ماشي خطير
✔️ يزيد مع العصبية والتوتر
✔️ ينقص كي تتنظّم هرمونات الغدة
✔️ الطمأنة والاسترخاء يعاونوا بزاف

📞0699052169

💢لماذا البعض يحس بالتعب و الدوخة بعد تناول السكريات 💢 الإكثار من السكريات يمكن أن يسبب نوبات هبوط السكر عند بعض الأشخاص،...
08/12/2025

💢لماذا البعض يحس بالتعب و الدوخة بعد تناول السكريات 💢
الإكثار من السكريات يمكن أن يسبب نوبات هبوط السكر عند بعض الأشخاص، وهذا ما يسمى بـ نقص السكر التفاعلي (Hypoglycémie réactionnelle).

📌 لماذا يحدث هبوط بعد أكل السكريات؟

عند تناول كمية كبيرة من السكر أو الحلويات:

1. يرتفع السكر في الدم بسرعة.

2. يفرز البنكرياس كمية كبيرة من الأنسولين لخفض هذا الارتفاع الحاد.

3. ينخفض السكر بشكل مبالغ فيه بعد ساعتين إلى 4 ساعات.

⚠️ الأعراض المحتملة

رجفان أو رعشة🫨
جوع شديد بعد الأكل بوقت قصير😩
دوخة أو صداع😵‍💫
خفقان القلب❣️
تعرق😰
تشوش أو تعب شديد🫩
عصبية أو توتر😠

💢 من الأكثر عرضة لهذا النوع من الهبوط؟

●من لديهم مقاومة أنسولين
●من يعانون من ما قبل السكري
●من يتناولون كمية كبيرة من السكريات والخبز الأبيض
●بعض أصحاب الوزن الزائد
●بعد جراحة المعدة (حالات نادرة)

🍽️ كيف نتجنب نوبات الهبوط؟

✔️ تقسيم الوجبات
✔️ تقليل السكريات السريعة (حلويات، مشروبات سكرية، خبز أبيض)
✔️ استبدالها بالنشويات المعقدة (خبز كامل، شوفان)
✔️ إضافة البروتين مع كل وجبة (بيض، جبن، دجاج، تونة، حليب)
✔️ تناول ألياف (خضروات، فواكه كاملة لا عصائر)
✔️ تجنب الصوم الطويل ثم تناول سكريات دفعة واحدة

الأعراض الجلدية لمرض السكري كثيرة، وبعضها يكون من أوائل العلامات التي تنبّه المريض. أهمّها🔹 1. جفاف الجلد و الحكةبسبب فق...
23/11/2025

الأعراض الجلدية لمرض السكري كثيرة، وبعضها يكون من أوائل العلامات التي تنبّه المريض. أهمّها

🔹 1. جفاف الجلد و الحكة
بسبب فقدان السوائل و ضعف الدورة الدموية، الجلد يصبح جافّ و يحكّ خاصة في الساقين و القدمين.

🔹 2. بطء التئام الجروح
الجروح و الخدوش الصغيرة تأخذ وقت طويل لتشفى، و قد تلتهب بسهولة.

🔹 3. التهابات متكررة
خاصة الفطرية (مثل الكانديدا) في مناطق رطبة من الجسم: بين الأصابع، تحت الثديين، و في المناطق الحساسة.

🔹 4. بقع داكنة سمراء (الشواك الأسود – Acanthosis nigricans)
تظهر خصوصًا في الرقبة، الإبطين، و بين الفخذين، و تدل على مقاومة الأنسولين.

🔹 5. بقع صفراء أو حمراء لامعة على الساقين (Necrobiosis lipoidica)
نادرة لكنها مميزة لمرضى السكري، تكون مؤلمة أحيانًا.

🔹 6. بثور أو فقاعات جلدية (Bullosis diabeticorum)
فقاعات تشبه الحروق، تظهر فجأة على القدمين أو اليدين، بدون ألم.

🔹 7. بقع بنية صغيرة على الساقين (Dermopathie diabétique)
شائعة جدًا، ناتجة عن ضعف الأوعية الصغيرة، وغالبًا غير مؤذية.

🔹 8. التهابات بكتيرية متكررة (furonculose)
مثل الدمامل أو التهاب جريبات الشعر.

🛡️ الوقاية (أهم من العلاج):

فحص القدمين يوميًا.🔍

تجنب المشي حافي.👣

ترطيب القدمين ولكن بدون وضع كريم بين الأصابع.🧴

ارتداء أحذية واسعة و مريحة.👟

مراجعة الطبيب عند أي احمرار أو تشققات 🩺

🦋 علامات فرط نشاط الغدة الدرقية (Hyperthyroïdie)كاين بزاف علامات، ومشي لازم يجو كامل عند نفس الشخص:الخفقان و القلب يضرب ...
09/11/2025

🦋 علامات فرط نشاط الغدة الدرقية (Hyperthyroïdie)

كاين بزاف علامات، ومشي لازم يجو كامل عند نفس الشخص:

الخفقان و القلب يضرب بزاف 🫀

نقصان في الوزن رغم تاكل مليح🫩
العصبية و القلق 😡
الرجفان (اليدين يرجفو)👐
التعرّق بزاف و الحرارة🥵
النوم يضطرب و الأرق🫩
الإسهال ولا زيادة في التبرّز
تساقط الشعر🦲
العينين يتنفخو ولا يبان عليهم اللمعان😳

✅ الأسباب الشائعة لفرط نشاط الغدة الدرقية

مرض غريفز (Graves basedow): الأكثر انتشار

العُقيدات النشطة فالغدة (nodules chauds)

زيادة في تناول اليود

أدوية معينة كيما الأميودارون

التهاب الغدة (thyroïdite): يعطي نشاط في البداية وبعدها يهبط

✅ بعض النصائح

تجنّب القهوة والشاي بزاف والطاقات، لأنهم يزيدو الخفقان

ما تزيدش اليود بلا وصفة طبيب

ما تستعملش أدوية من راسك خصوصا أدوية القلب ولا الأعشاب اللي فيها يود

راقب ضربات القلب وإذا حسّيت تسرّع كبير روح للطبيب

اتّبع الدواء بانتظام خصوصا مضادات الغدة (carbimazole / methimazole)

الحمل لازم يكون تحت مراقبة طبيب

تجنّب الحرارة الشديدة لأنها تزيد الأعراض و إلتزم بالراحة

دير التحاليل كيما يقول الطبيب

📞0699052169

❕️ معلومات خاطئة حول مرض السكري ❕️🔹 1. "السكري يجي غير من الماكلة الحلوة"❌ خطأ،✅ السكري ما يجيش غير من السكر، بل من مشاك...
03/11/2025

❕️ معلومات خاطئة حول مرض السكري ❕️
🔹 1. "السكري يجي غير من الماكلة الحلوة"
❌ خطأ،
✅ السكري ما يجيش غير من السكر، بل من مشاكل في عمل الإنسولين أو مقاومة الجسم ليه، والعوامل الوراثية والسمنة تلعب دور كبير.

🔹 2. "مريض السكري ما يقدرش ياكل السكر نهائياً"
❌ خطأ،
✅ يقدر ياكل كمية صغيرة ومتحكم فيها ضمن نظام غذائي متوازن، بشرط يعرف كيف يوازنها مع الدواء أو الإنسولين.

🔹 3. "الأنسولين يسبب الإدمان أو يزيد الوزن بزاف"
❌ غير صحيح،
✅ الأنسولين علاج ضروري لبعض الحالات، وما يسببش إدمان.
الوزن يقدر يزيد فقط إذا ما كانش النظام الغذائي متوازن أو الجرعات مش مضبوطة.

🔹 4. "إذا السكر متحكم فيه، نقدر نوقف الدواء"
❌ غلط،
✅ السكر يتحكم فيه بفضل الدواء، وما يتوقفش إلا بأمر الطبيب.

🔹 5. "السكري نوع واحد فقط"
❌ خطأ،
✅ كاين النوع الأول (قلة الإنسولين) والنوع الثاني (مقاومة الإنسولين)،
وزيد سكري الحمل اللي يجي في فترة الحمل .

🔹 6. "ما نحس بوالو يعني ما عنديش السكر"
❌ لا،
✅ السكري ممكن يكون بلا أعراض واضحة، خاصة في بدايته ، لذلك لازم تحاليل دورية.

🔹 7. "الأعشاب تداوي السكر نهائياً"
❌ خطأ شائع،
✅ الأعشاب ممكن تعاون، لكن ما تعوضش الدواء ولا تشفي السكري، لازم المتابعة الطبية.

🔹 8. "السكري يعني ممنوع الرياضة"
❌ بالعكس،
✅ الرياضة المنتظمة تعاون بزاف في تنظيم السكر وتحسين الحالة العامة.

🔹 9 "السكري يسبب العقم"
❌ مش دايماً، غير كي يكون السكر طالع بزاف وما متحكمش فيه،
يقدر يأثر على الخصوبة، بصح كي يكون منظم الأمور تكون عادية.

📞 0699052169

🟤 الجوز البرازيلي و الغدة الدرقية (Noix du Brésil et la thyroïde) 🦋الجوز البرازيلي فيه معدن مهم بزاف اسمو السيلينيوم (Sé...
30/10/2025

🟤 الجوز البرازيلي و الغدة الدرقية (Noix du Brésil et la thyroïde) 🦋

الجوز البرازيلي فيه معدن مهم بزاف اسمو السيلينيوم (Sélénium)،
يساعد الغدة الدرقية (la Glande thyroïde) تخدم مليح و ينقص الالتهاب، خصوصاً عند الناس لي عندهم هاشيموتو (Thyroïdite de Hashimoto).

✅ الفوائد (les Bienfaits) :

يساعد على تحويل الهرمون T4 (Thyroxine) إلى T3 (Triiodothyronine)

ينقص الالتهاب فالغدة

يقوي المناعة (Système immunitaire)

⚠️ لكن انتبه (Attention) :
الجوز البرازيلي غني بزاف بالسيلينيوم، يعني ما لازمش الإكثار
👉 غير 1 إلى 2 حبات (noix) في اليوم تكفي، و الأفضل ما يكونش كل يوم (مثلاً 3 مرات فالأسبوع).

❌ معلومات خاطئة :

"يْداوي الغدة نهائياً" ➜ Faux, ما يداويش، غير يساعد.

"كل ما نكثر منو، أحسن" ➜ Non, الإكثار يقدر يسبب تسمم بالسيلينيوم (Sélénose).

"يعوض دواء الغدة" ➜jamais, ما يعوضش Levothyroxine.

"ما يصلحش للي عندهم هاشيموتو" ➜ Faux, بالعكس، مفيد بكميات صغيرة.

🔹 الخلاصة (Conclusion) :
الجوز البرازيلي مفيد بزاف للغدة الدرقية، بصح بكميات قليلة وتحت نصيحة الطبيب ولا يعوض الدواء 👨‍⚕️

Adresse

Rue Des Fonctionnaires Bâtiment 11 ème
Relizane
48000

Heures d'ouverture

Lundi 08:30 - 15:00
Mardi 08:30 - 15:00
Mercredi 08:30 - 15:00
Jeudi 08:30 - 13:00
Samedi 08:30 - 15:00
Dimanche 08:30 - 15:00

Site Web

Notifications

Soyez le premier à savoir et laissez-nous vous envoyer un courriel lorsque Dr S.Chaib Endocrinologue Diabétologue publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type