¿Qué es el sitio web?

Dr.Nathanael

Casa
Ecuador
Quito
Dr.Nathanael

“Paj sa se yon Espas edikatif kote mwen pataje enfòmasyon klè, serye sou lasante 🩺📘. Vizyon pa'm se kreye yon kominote ki valorize lasante.
(1)

Misyon paj la se ede ou konprann kò ou pi byen, pran bon desizyon pou sante w, epi ankouraje prevansyon 🌱.

10/04/2026

Eske sa rive w deja ?
Pati #2

07/04/2026

Bon maten sante zanmim!

Èske sa rivew deja?

Si sa rive'w yon fwa deja ebyen gade videyo sa epi abone ak paj la pouw pa rete lòt videyo kap vini yo....

29/03/2026

**Bon maten sante 🧠**

Sa pa janm rive w?

Ou soti pou al chache yon bagay… lè ou rive, ou kanpe, ou konpletman bliye sa ou t ap al chèche a 😅

kitem diw rapidman, se pa fou ou fou. ni Sa pa vle di ou komanse pèdi memwa non plis.

👉 se yon fenomen fizyolojik ki fet nan sevo a. Nan langaj medikal, sa nou dekri a rele **“twou memwa pasajè”**, men gen plizyè tèm ki plis presi ke nou ka itilize selon chak ka ki prezante a

1. **Lapsus memwa**

Se pi bon tèm syantifik an jeneral nou ka itilize

pou nou dekri fenomen sa ki se: lè ou te gen yon lide klè (ale chache yon bagay, di yon fraz), epi li disparèt touswit.

2. **Fenomen pòt la**

Sa a trè spesifik e syantifik.

Lè ou pase soti nan yon espas pou yon lòt (tankou soti nan salon pou antre nan yon chanm), sevo a reset rapidman poul ka preparel pou nouvo enfomasyon ki pral vini yo epi san zatann li elimine kèk enfòmasyon kew te genyen lew te nan espas avan se sak fè lèw rive nan nouvo espas la se tankou ou te rive ak sèvo ou vid .

3. **Inatansyon pasajè**

Sa rive lè sèvo a distrè (panse a lòt bagay), kidonk li pa byen “anrejistre” aksyon an.

Tout bagay sa yo ka nenpòt moun e yo rive plis lè:

- Ou gen anpil bagay nan tèt ou
- Ou distrè
- Ou strese

✅ Kisa pou w fè: siw souvan gen pwoblem sa ?

- Repete sa w pral fè a oubyen saw pral di a nan tèt ou avan menm ou deplase
- Fè bagay yo youn apre lòt, pa melanje yo twòp

👉 Sèvo w pa kraze… li jis ap reòganize tèt li.

19/02/2026

📌 Bon maten sante – Poukisa w sote lè w ap Kabiche epi Dòmi prèske ale avèw?

Eske sa deja rive w? Ou prèske dòmi… epi bridsoukou ou fè yon gwo sote tankou w t ap al tonbe!
😳 Sa pa mistik… se sèvo w k ap travay!

🧠 Kisa ki pase reyèlman?

Sa rele myoclonic jerk (oswa “hypnic jerk”). Lè w ap antre nan premye faz dòmi, sèvo a ap ralanti fonksyon kò a: batman kè bese, respirasyon vin pi dousman, misk yo detann.
Men pafwa, yon pati nan sèvo a konfonn relachman misk yo ak yon siy danje — li panse kò a ap tonbe! 😅

Pou pwoteje w, li voye yon siyal elektrik rapid nan misk yo pou “reveye” w yon ti moman. Se yon reyaksyon defans otomatik.

📍 Kisa ki ka lakoz sa rivew souvan?

-Estrès
-Twòp kafeyin
-Fatig
-Mank dòmi

✅ Sa pou w fè pou evite aksyon ss rivew souvan?

-Dòmi regilyèman
-Evite telefòn avan kabann
-Diminye nan konsomasyon pwodwi ki gen kafeyin yo nan aswè avanw dòmi

🚀
Tag yon moun ki toujou di li santi li ap tonbe lè l ap dòmi! E si w vle plis sekrè sou kò w, suiv paj la depi jodi a!

13/02/2026

📱🧠 Poukisa ou konn santi telefòn ou ap sonnen oubyen Vibre… men an reyalite li pa gen anyen vre?

Sa se yon fenomèn yo rele “phantom vibration” (vibrasyon fantòm).
Ou santi telefòn nan vibre nan pòch ou…
Ou gade… pa gen okenn notifikasyon 😅
Se pa maji.
Se pa estrès sèlman.
Se fason sèvo a entèprete siyal.

🧠 Kisa k ap pase nan sèvo a?
Sèvo nou fèt pou li:
Resevwa siyal (manyen, son, mouvman)
Analize yo
Reponn rapid
Men lè ou itilize telefòn anpil, sèvo a vin:
Twò abitye ak notifikasyon
Twò atantif
Nan mòd antisipasyon
Sa vle di li toujou ap tann yon mesaj oswa apèl.

⚡ Kisa ki lakòz sansasyon an?
Nan po nou gen reseptè nè ki detekte:
Ti mouvman
Ti friksyon rad sou po
Ti kontraksyon misk
Nòmalman, sèvo a filtre ti siyal sa yo.
Men lè ou nan mòd “m ap tann notifikasyon”, sèvo a ka:

👉 Mal entèprete yon ti mouvman nòmal kòm vibrasyon telefòn.
Se pa telefòn nan ki vibwe.
Se sèvo a ki “ranpli vid la” ak sa li abitye wè.

🧪 Aspè biyolojik la
Sistèm nève a fonksyone ak siyal elektrik.
Lè atansyon w fikse sou yon bagay (tankou notifikasyon),
zòn nan sèvo ki jere atansyon ak antisipasyon vin pi aktif.
Sa ogmante sansiblite w a ti sansasyon.
Se menm prensip la ki fè:
Ou tande non ou menm lè bri a pa klè
Ou panse ou wè yon bagay ki pa la vre
Sèvo a toujou ap eseye prete sans rapid a sa li santi.

📌 Konklizyon
Phantom vibration:
✔️ Pa danjere
✔️ Li rive anpil moun
✔️ Se rezilta lèw twò ekspoze ak telefòn

Si li rive twò souvan, sa ka vle di: 📵 Ou bezwen pran yon ti ralanti sou itilizasyon telefòn

💬
👉 Sa rive w souvan oswa raman?
👉 Ou konn leve telefòn nan pou w gade epi pa wè anyen? 😅

11/02/2026

🧠 Poukisa mizik ka fè w kriye san rezon? 🎶😢

Gen kèk mizik ou tande… epi san ou pa menm konnen poukisa, je w plen dlo.
Ou pa tris vre, men emosyon an monte fò.
Sa pa rive pa aza.

Lè ou tande mizik, sèvo a aktive plizyè zòn an menm tan:
Zòn emosyon (kote santiman yo trete)
Zòn memwa (kote souvenir yo estoke)
Zòn rekonpans (ki bay sansasyon plezi oswa frison)

Mizik gen kapasite pou l konekte dirèk ak souvenir ou yo.

Pafwa li raple w:
Yon moun
Yon moman espesyal
Yon peryòd nan lavi w
Yon doulè ou te viv

Se pa mizik la sèlman ki fè w kriye…
Se istwa pèsonèl ou ki mare ak li.

Gen rechèch ki montre mizik ka lage kèk sibstans nan sèvo tankou dopamin (plezi) ak aktive sistèm emosyonèl la. Lè emosyon an fò anpil, kò a reponn ak dlo nan je.

Sa vle di:
👉 Kriye pandan mizik se yon reyaksyon nòmal.
👉 Se prèv ou gen yon sistèm emosyon ki fonksyone byen.

Mizik se youn nan bagay ki pi pwisan pou touche santiman moun.

💬 Ekri nan espas komantè a:

👉 Ki mizik ki toujou fè w sonje yon moun oswa yon moman espesyal?
👉 Lè w kriye ak mizik, se plis tristès oswa nostalji ou santi?

10/02/2026

Bonjou fanmi koman ou ye?
Semèn pase a nou pat jwenn chans poun te pataje videyo sou ANEMI an avèk ou, semen sa nap lage...

05/02/2026

“Atansyon… m ap pale de baye 😅
Pa etone si ou baye pandan w ap li sa.”

Baye pa sèlman paske ou fatige.
Nan sèvo a, gen yon sistèm yo rele newòn glas (mirror neurons).
Newòn sa yo fè nou imite sa nou wè lòt moun ap fè, san nou pa rann nou kont.

Lè sèvo ou:
wè yon moun baye
tande yon moun pale de baye
oswa menm panse a baye
li voye yon mesaj otomatik ki di:
“Si li ap fè sa, petèt mwen bezwen fè l tou.”

Sa se yon siy koneksyon sosyal.
Se menm sistèm sa ki fè:
ou souri lè yon lòt moun souri
ou santi tristès lè ou wè yon moun ap kriye

👉 Plis ou konekte ak yon moun, plis chans ou genyen pou baye apre li.
Se poutèt sa:
Zanmi
Fanmi
Moun ou apresye
fè ou baye pi fasil pase etranje.

🧠 Konklizyon
Baye kontajye pa feblès,
se prèv sèvo a fèt pou viv an gwoup.

👉 Ou baye pandan w t ap li oswa gade pòs sa a?
👉 Ou remake ou baye plis ak moun ou pwòch?

(Ekri “WI” oswa “NON” nan komantè 👇)

Dirección

Quito

Página web

http://www.alodok.com/

Notificaciones

Sé el primero en enterarse y déjanos enviarle un correo electrónico cuando Dr.Nathanael publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.