Dr. Amany Yacoub د. أماني يعقوب

Dr. Amany Yacoub د. أماني يعقوب أخصائي الصحة العامة وطب الأسرة و التغذية العلاجية

👈الكبدة.. صيدلية بحالها بس لو اتعملت صح 🥩💥ناس كتير بتحبها وناس بتخاف منها، بس الحقيقة إن قطعة كبدة واحدة = كنز فيتامينات...
28/05/2026

👈الكبدة.. صيدلية بحالها بس لو اتعملت صح 🥩

💥ناس كتير بتحبها وناس بتخاف منها، بس الحقيقة إن قطعة كبدة واحدة = كنز فيتامينات

🔥فوايدها اللي تخليك تفكر فيها مرتين:
📌1. حديد هيم بيمتص 3 أضعاف حديد اللحمة العادية → علاج الأنيميا رقم 1
2. فيتامين A للنظر والمناعة والجلد
3. فيتامين B12→ طاقة وتركيز ومنع التعب
4. فولات + زنك مهمين للحوامل والمناعة
5. *بروتين صافي* وسعرات أقل من اللحمة الحمرا

⚠️ ملحوظة مهمة: هي غنية جداً بفيتامين A، فكفاية مرة كل 10-14 يوم. الحوامل واللي عندهم نقرس يرجعوا للدكتور قبل ما يكلوها.

📌📌إزاي تعملها بطريقة صحية 100% ومفيهاش كوليسترول زيادة:

💥الطريقة: كبدة مشوية بالثوم والليمون
1. النقع: قطعيها شرايح رفيعة وانقعيها 30 دقيقة في لبن + ليمون. بتشيل الزفارة وتطريها وتقلل أي سموم متخزنة.
2. التتبيلة الخفيفة: ثوم مهروس + كمون + كسبرة ناشفة + رشة فلفل أسود + ملح قليل. ممنوع الزيت الكتير.
3.السوا: طاسة جريل أو تيفال سخنة جداً، نقطة زيت زيتون واحدة بس. كل جنب دقيقتين بالظبط. الكبدة لو زودت سواها بتنشف وتقلب كاوتش.
4. اللمسة الأخيرة: بعد ما تطفي النار اعصر ليمون ورش بقدونس. الليمون بيزود امتصاص الحديد 4 مرات.

3 أخطاء بتدمر فوايد الكبدة‼️‼️‼️:
1. تحمير في زيت غزير → بقت بطاطس محمرة
2. سوا زيادة → حديد أقل + عسر هضم
3. ملح كتير في الأول → تشد وتنشف

جربها كده وهتدعيلي، طعم المطاعم بس من غير تأنيب ضمير
كل عام وانتم بخير ❤❤❤

27/05/2026

🐑🥩 حاجات عن لحمة العيد محدش بيقولها لك!

1️⃣ ليه تاني يوم بتبقى أحلى؟
أول ما الدبيحة بتتدبح العضلات بتشد وبتنشف شوية، اسمها حالة "التيبس الرمي". بعد كام ساعة جسم اللحمة نفسه بيبدأ يشتغل بإنزيمات تكسر الأنسجة وتخليها تطري. عشان كده دايماً تاني يوم الطعم يبقى أغنى واللحمة أطرى.

2️⃣ اوعي تدخلي اللحمة سخنة الفريزر
لازم تبرد كويس في التلاجة الأول. لو دخلت سخنة هترفع حرارة الفريزر وتبوظ باقي الحاجة، وكمان اللحمة نفسها هتفقد عصارتها وتبقى ماية لما تفك.

3️⃣ مش كل الدهون وحشة
الدهون اللي برا وبتشيلها بالسكينة دي تمام شيليها. لكن الخطوط الدهنية الصغيرة اللي جوا اللحمة نفسها "التعريق" دي هي سر الطراوة والطعم. هي اللي بتخلي الشوي يطلع جوسي.

4️⃣ ريحة الشوي اللي بتجنن دي جاية منين؟
دي كيميا طبيعية اسمها "تفاعل ميلارد". لما البروتين والسكر اللي في اللحمة يتعرضوا لحرارة عالية بيطلع اللون البني الجميل والريحة والطعم اللي بنحبهم.

🎀 العيد فرحته بتكمل لمة العيلة وريحة الشوي في البيت.
كل سنة وانتو طيبين وعيد أضحى مبارك ❤️❤❤❤❤❤

25/05/2026

تفتكروا اي أكثر 3 مضادات حيوية تأثيراً على السالمونيلا؟!🙂

🚨 وقفي غسيل اللحمة حالاً! 🚨🛑 عادة بنعملها كلنا من غير ما نفكر: أول ما نجيب اللحمة نجري نغسلها تحت الحنفية ✋ بس الحقيقة ...
25/05/2026

🚨 وقفي غسيل اللحمة حالاً! 🚨

🛑 عادة بنعملها كلنا من غير ما نفكر: أول ما نجيب اللحمة نجري نغسلها تحت الحنفية ✋
بس الحقيقة إنك كده بتضري أكتر ما بتنفعي!

*طب ليه؟؟؟؟؟؟ 👇

1. 💧 بتضيعي فايدتها
السائل الأحمر اللي بينزل ده مش دم خالص!
ده بروتين اسمه *Myoglobin* وشايل معاه معادن وفيتامينات وبروتين مهم.
الدم كله بينزل وقت الذبح أصلاً ✅

2. 🦠 بتنشري البكتيريا
غسيل اللحمة بيخلي المية تنشر البكتيريا على الحوض والرخامة وكل حاجة حواليكي.
يعني بتنضفي حتة وبتبوظي 10 حت تانية!

3. 🔥 الطهي هو الحل
الحرارة العالية أثناء الطبخ بتقتل أي بكتيريا موجودة 100%
الغسيل عمره ما هيعمل كده.

4. ⚠️ امتى تشطفيها؟
لو لقيتي فيها تراب أو قش أو شوائب بس.
شطفة خفيفة وسريعة جداً *قبل* ما تدخل الفريزر.
لو غسلتيها بعد ما تطلع من التجميد هتخسري العصارة والطعم كله ❌

---

💬 بصراحة كده...
انتي من فريق "لازم تتغسل" ولا من فريق "على الحلة على طول"؟ 🍖

🍓 فاكر إن المربى فاكهة بس؟ استنى شوية 🚨كتير مننا بيفتكر إن برطمان المربى = طبق فاكهة صحي 😌بس الموضوع فيه كلام تاني 👇1. 🔥...
24/05/2026

🍓 فاكر إن المربى فاكهة بس؟ استنى شوية 🚨

كتير مننا بيفتكر إن برطمان المربى = طبق فاكهة صحي 😌
بس الموضوع فيه كلام تاني 👇

1. 🔥 الحرارة + 🍯 السكر الكتير
أثناء الطبخ الفاكهة بتتعرض لنار عالية وسكر كتير جداً
وده بيخلي فيتامينات حساسة زي فيتامين C تختفي 😔

2. 🍯 سكر أكتر من الفاكهة
المربى الجاهزة غالباً السكر فيها قد الفاكهة أو أكتر
يعني بتاكل مربى بطعم الفاكهة مش العكس 🙃

3. ⏳ طب ليه مش بتبوظ بسرعة؟
مش عشان مواد حافظة زي ما كله فاكر 🙅🏻‍♀️
السر في تركيز السكر العالي اللي بيخلي البكتيريا متعرفش تعيش فيه

4. 🍏 القوام الجيلي ده منين؟
مش سحر والله 😉
دي مادة طبيعية اسمها *البكتين* موجودة في التفاح والبرتقال
مع السكر والحرارة بتديك القوام اللي كلنا بنحبه

5. 🚫 ممنوعة ولا لأ؟
لا مش ممنوعة خالص 😌
بس كلها باعتدال خصوصاً لو عندك سكر أو بتعمل دايت

6. ⚠️ ملاحظة مهمة جداً
لو فتحت البرطمان ولقيت ريحة غريبة أو عفن حتى لو نقطة صغيرة…
ارميه كله ❌ متشيلش الجزء البايظ وتكمل
لأن السموم ممكن تكون انتشرت في البرطمان كله 😱

---

💬 دلوقتي دورك…
إيه نوع المربى اللي متقدرش تستغنى عنه؟ 🍓🫐🍑

طفلك بيرفض الأكل؟ متزهقيش، المشكلة غالباً في الطريقة مش في الأكل نفسه 👶🥄تغذية الطفل وجع قلب لكل أم، بس لما تفهمي دماغه ه...
23/05/2026

طفلك بيرفض الأكل؟ متزهقيش، المشكلة غالباً في الطريقة مش في الأكل نفسه 👶🥄

تغذية الطفل وجع قلب لكل أم، بس لما تفهمي دماغه هترتاحي وتريحيه. جربي الخطوات دي:

*1. خلي الأكل لعبة مش خناقة 🎨*
الطبق اللي شكله حلو الطفل بياكله بعينه الأول. قطعي الخيار نجوم ⭐، حطي الموز وش الباندا 🐼، اعملي ساندوتش وش بيضحك 😊. الألوان بتفتح نفسه.

*2. شاركيه في الموضوع 👨‍🍳*
اديله يغسل الخيار، يرش الجبنة، يقلب الزبادي. الحاجة اللي هو عملها بإيده هياكلها وهو مبسوط. حتى لو بوّظ المطبخ شوية، معلش فداه 😅

*3. قدمي نفس الأكل 10 مرات على 10 أشكال*
رفض البروكلي مسلوق؟ جربيه في شوربة. رفضه في الشوربة؟ دخليه في عجة. الطفل محتاج يجرب الحاجة 8-10 مرات عشان يتقبلها. متستسلميش من أول مرة.

*4. ركزي على 3 حاجات أساسية يومياً*
- بروتين: بيض، جبنة، فراخ، عدس. عشان النمو والتركيز 🧠
- خضار وفاكهة: حتى لو معلقتين. فيتامينات ومناعة قوية 🥦🍎
- نشويات صحية: بطاطس، رز، شوفان. طاقة تلعب وتتحرك ⚡

5. وقفي المقارنات والمكافآت
"كل عشان تجيبلك شيكولاتة" = بتفهميه إن الأكل الصحي عقاب والحلويات مكافأة. غلط كبير.
وكمان متقوليش "شوف ابن خالتك بياكل إزاي". كل طفل وليه مزاجه.

6. خلي الوجبة 20 دقيقة وبس ⏰
لو مكالش، شيلي الطبق واستني للوجبة الجاية. السناكات الكتير بين الوجبات هي اللي بتسد نفسه.

7. كوني قدوة
لو شافك بتاكلي خضار وبتستمتعي بيه، هيقلدك. لو شافك بتاكلي شيبسي قدام التلفزيون، متلوميهوش لما يطلبه.

نصيحة أخيرة:
الطفل مش لازم يخلص طبقه كله. هو أدرى بجسمه. دورك تقدمي أكل صحي متنوع، ودوره يختار ياكل قد إيه.

طفلك عنده كام سنة وبيحب ياكل إيه؟ قوليلي واديكي أفكار وصفات على مزاجه 👇

كوباية لبن واحدة = صيدلية صغيرة في بيتك 🥛✨سيبك من اللي يقولك اللبن "مش مهم"، جسمك بيتكلم بلغة تانية خالص:1. عضمك بيقولك ...
23/05/2026

كوباية لبن واحدة = صيدلية صغيرة في بيتك 🥛✨

سيبك من اللي يقولك اللبن "مش مهم"، جسمك بيتكلم بلغة تانية خالص:

1. عضمك بيقولك شكراً 💪
الكالسيوم + فيتامين D في اللبن بيبنوا عضم قوي ويمنعوا الهشاشة بدري. يعني وانت صغير بتطول، وانت كبير بتفضل واقف على رجلك.

2. عضلاتك بتتعافى أسرع 🏋️‍♂️
بروتين اللبن "الواي والكازين" بيعتبروا بروتين كامل. بعد التمرين كوباية لبن بتعمل شغل بروتين الباودر الغالي.

3. معدتك هتهدى 🧘‍♀️
البكتيريا النافعة في الزبادي واللبن الرايب بتظبط الهضم وتمنع الانتفاخ. بطنك مرتاحة = مودك مظبوط.

*4. نومك هيتحسن 😴*
فيه مادة اسمها التربتوفان بتساعد جسمك يفرز ميلاتونين. عشان كده كوباية لبن دافية قبل النوم دي مش خرافة، دي علم.

*5. بشرتك هتنور ✨*
فيتامين A و B في اللبن بيغذوا الجلد من جوه. ناس كتير لاحظت فرق في النضارة لما رجعت تشرب لبن يومياً.

*الخلاصة:*
مش محتاج 5 مكملات عشان تاخد اللي جسمك عايزه. كوباية 200 مل لبن يومياً = كالسيوم، بروتين، فيتامينات، ومزاج أحسن.

لو بتحب اللبن، قولّي بتشربه ساقع ولا سخن ولا مع نسكافيه؟ 👇

ليه الشيدر غالية كده؟ عشان قيمتها قد اللحمة وأكتر في حاجات 👇🧀*أنا كنت زيك بستغرب: إزاي جبنة توصل لسعر كيلو لحمة؟ 😲 لحد م...
22/05/2026

ليه الشيدر غالية كده؟ عشان قيمتها قد اللحمة وأكتر في حاجات 👇🧀*

أنا كنت زيك بستغرب: إزاي جبنة توصل لسعر كيلو لحمة؟ 😲 لحد ما عرفت إنك مش بتشتري جبنة بس... إنت بتشتري تغذية مركزة 💪

🥩 شريحة شيدر = ستيك صغير
فيها حوالي 100 سعر 🔥، 6 جرام بروتين 💪، وكارب يكاد يكون صفر 0️⃣. الفرق؟ الدهون اللي فيها أغلبها دهون صحية مشبعة ✅. يعني إحساس الشبع اللي بتاخده من قطعة لحمة، هتاخده من شريحتين شيدر.

🧫 السر في كلمة "معتقة"
الشيدر بتتعمل وتتساب شهور تتخمر ⏳. الفترة دي البكتيريا النافعة بتتكاثر عليها 🦠. البكتيريا دي هي اللي بتهدي معدتك، تحسن الهضم، وتقلل الانتفاخ اللي أغلبنا عايش بيه.

😱 والصدمة: بتقلل الكوليسترول!
أيوه زي ما قريت 👏. الدراسات لقت إن الكميات المعتدلة من الشيدر مع الدهون الصحية والبكتيريا النافعة بتساعد جسمك يظبط الكوليسترول 📉. الموضوع مش سحر، ده كيمياء جسمك اللي بتشتغل صح.

❤️ قلبك وشرايينك هيدعولك
الشيدر من أغنى المصادر الطبيعية لفيتامين K2 🦴. الفيتامين ده هو اللي بيوجه الكالسيوم يروح على العضم والأسنان بدل ما يترسب في الشرايين. ولو بتاخد فيتامين D ☀️، يبقى K2 ده صاحبك الجدع اللي لازم يبقى معاه.

🦷 وفوق كل ده:
- 🦴 كالسيوم عالي يقوي عضمك وأسنانك
- 😁 بتساعد تحمي الأسنان من التسوس
- 🥑 مشبعة جداً، فتنفع مع الكيتو واللو كارب ومعظم الدايتات

⚠️ بس خلي بالك من 3 حاجاتك
1. 🔥 سعراتها عالية، فالإيد اللي بتتمدى على العلبة دي لازم تبقى واعية
2. 🐄 اتأكد إنها من لبن طبيعي 100%، مفيهاش زيوت نباتية ❌
3. 🤧 لو عندك حساسية لاكتوز أو ألبان، جرب حتة صغيرة الأول وشوف جسمك هيقولك إيه

صحتك بتبدأ من معدتك 💜، والشيدر النضيفة ممكن تبقى جزء صغير يظبطلك المعادلة.

او لو عندك حساسيه البان‼️
ومتنساش صحتك عنوان معدتك 😂💜

21/05/2026

النهاردة وأنا بسمع سورة النحل…🐝
وهي من السور القريبة جدًا لقلبي…
استوقفتني آية حسيت إنها مش بس بتتكلم عن الدين، 🤚 دي بتتكلم عن الحياة كلها.
ربنا سبحانه وتعالى يقول:

﴿وَلَوْ شَاءَ اللَّهُ لَجَعَلَكُمْ أُمَّةً وَاحِدَةً وَلَكِنْ يُضِلُّ مَن يَشَاءُ وَيَهْدِي مَن يَشَاءُ وَلَتُسْأَلُنَّ عَمَّا كُنْتُمْ تَعْمَلُونَ﴾

🛑 تأملت جدًا معنى: “ولو شاء الله لجعلكم أمة واحدة”
👈 يعني ربنا قادر بسهولة إنه يخلينا كلنا نسخة واحدة.
⭕ ناكل نفس الأكل.
⭕ نشرب نفس الشرب.
⭕ نفكر بنفس الطريقة.
⭕ نمشي كلنا على نفس النظام بدون اختلاف.
👋 لكن ربنا خلق الدنيا ابتلاء واختيار.
👈 فيه إنسان بيتبع هواه…
👈 وفيه إنسان بيحاول يتبع القرآن…
👈 وفيه إنسان بيجاهد نفسه علشان يمشي على السنة…
👈 وفيه إنسان تايه وسط ضوضاء الدنيا ومش عارف
الصح فين.

🛑 ثم تأتي النهاية العظيمة للآية:
﴿وَلَتُسْأَلُنَّ عَمَّا كُنْتُمْ تَعْمَلُونَ﴾
يعني ربنا ما أجبركش…لكنه حطلك المنهج.
👈 والمنهج ده مش بس في الصلاة والصيام…
ده حتى في أكلك وشربك وصحتك وطريقة حياتك.
أنا دايمًا بتكلم في التغذية…وكل ما أتعمق فيها أكتر…
أكتشف إن قواعد التغذية الحقيقية موجودة من زمان جدًا في القرآن والسنة.
⭕ ربنا سبحانه وتعالي بيقول:
﴿كُلُوا مِنْ طَيِّبَاتِ مَا رَزَقْنَاكُمْ﴾
⭕ يعني كل من الأكل الحقيقي الطيب…
اللي ربنا خلقه ليك.
👈 ويقول:
﴿وَلَا تَطْغَوْا فِيهِ﴾حتى الحلال…لو زاد عن حده يتحول لأذى.
ويقول:
👈 ﴿وَكُلُوا وَاشْرَبُوا وَلَا تُسْرِفُوا﴾
ودي قاعدة ذهبية لوحدها ممكن تنقذ صحة ناس كتير جدًا.
ويقول:
👈 ﴿وَأَنْ تَصُومُوا خَيْرٌ لَكُمْ إِنْ كُنْتُمْ تَعْلَمُونَ﴾
الصيام مش حرمان…الصيام راحة للروح والجسد والنفس.
⭕ ثم يكمل الرسول ﷺ المنهج كله لما يقول
⛔ : “ما ملأ آدمي وعاءً شرًا من بطنه”
يعني المشكلة مش بس “إيه اللي بناكله”…
لكن: قد إيه بناكل... وإمتى بناكل.. وازاي بناكل
المشكلة إن ناس كتير جدًا ضلت الطريق وسط الزحمة دي كلها…
⭕ كل يوم نظام جديد.
⭕ كل يوم تريند جديد.
⭕ كل يوم ناس تتخانق على مين الصح ومين الغلط.
⭕ واحد يكفر الدهون.
⭕ واحد يكفر النشويات.
⭕ واحد يحرم الفاكهة.
⭕ واحد يحرم الصيام.
⭕ واحد يخوف الناس من كل حاجة.
❌ وفي وسط كل ده…
👈 بننسى القواعد البسيطة الربانية اللي ربنا خلق جسمنا عليها.
👈 الحقيقة إن محدش فينا يقدر يقول: “أنا معايا الحقيقة المطلقة”
👈 وارد جدًا تكون فاكر نفسك صح 100% وتطلع غلط.
👈 ووارد إن شخص الناس كلها بتهاجمه… يكون أقرب للصح منك.
علشان كده…❌❌
🛑 بلاش نتكبر على بعض.
🛑 بلاش نتعامل كأننا آلهة في العلم.
🛑 وبلاش نحول الاختلاف لحروب.
🤚🤚 ارجع للفطرة.
👈 ارجع للقواعد الإلهية البسيطة.
👈 كل من الطيب.... لا تسرف.... صوم أحيانًا... تحرك.
👈 لا تملأ بطنك دائمًا.
واسمع جسمك.
⭕ الدين ما جاش يعقد الحياة…
⭕ الدين جه ينظمها.
⭕ وكل ما الإنسان يقترب من الفطرة…
⭕ غالبًا بيقترب من السلام أكتر.

واخيرا وليس آخرا لو عايز تكون Happy صلي علي النبي🪷🌼🌼🌼🌼🌼🌼🌼♥

😂❤❤❤❤❤❤❤❤
20/05/2026

😂❤❤❤❤❤❤❤❤

20/05/2026

ختارنا اكتر سؤال متكرر و وقررنا نجاوب عليه 🫣‼️‼️‼️
👈التركيز والنمو عند الأطفال مرتبطين ببعض جداً، لو جسمهم بيكبر كويس غالباً تركيزهم هيبقى أحسن.

أهم الحاجات اللي بتأثر عليهم:

💥1. النوم
الطفل من 3-6 سنين محتاج 10-12 ساعة نوم، ومن 6-12 سنة محتاج 9-11 ساعة. قلة النوم بتدمر التركيز حتى لو بياكل كويس.

💥2. الأكل
المخ بيحتاج وقود ثابت:
-💥 بروتين: بيض، لبن، فراخ، عدس → عشان بناء الخلايا العصبية.
👈- حديد و زنك: كبدة، لحمة، سبانخ، بذور اليقطين → نقصهم بيسبب تشت وقلة تركيز.
👈- أوميجا 3: سمك، عين جمل، بذر كتان → بتساعد على نمو المخ والذاكرة.
👈- سكر مظبوط: امنعي السكريات الكتير والعصاير المعلبة، بتعمل هيبرة وبعدين هبوط وتركيزه يقع.

💥3. الحركة واللعب
ساعة لعب في اليوم بتزود تدفق الدم للمخ وبتحسن الانتباه. الأطفال اللي قاعدين قدام الشاشات كتير تركيزهم بيقل.

‼️
💥4. الروتين والهدوء
المخ بيشتغل أحسن لما الجو حواليه هادي وفي مواعيد ثابتة للأكل والنوم والمذاكرة. الزعيق والفوضى بتشتت الطفل.

علامة إن في مشكلة‼️‼️: لو الطفل مش قادر يقعد 10 دقايق على نشاط واحد، بينسى كتير، شهيته ضايعة، أو نموه واقف، ساعتها يستحسن تطمني عليه وتعملي تحاليل عشان تتأكدي من صحة ابنك
ولازم حضرتك تزورينا
📍 للحجز والاستفسار:
♦️*العيادة*
📍612 برج الاطباء زيزنيا شارع ابو قير امام جامع يحي مدخل ميكس براند والنجار الدور الاول.
📍https://maps.app.goo.gl/U6w5d9q1qmnLtSTR7
للحجز:
01210032299
📌اونلاين:

01050255867 WhatsApp Only🪀📩
#فايبروميالجيا

Address

الاسكندرية
الاسكندرية

Telephone

+201033621178

Website

Alerts

Be the first to know and let us send you an email when Dr. Amany Yacoub د. أماني يعقوب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category