02/06/2026
كتير مننا بيشتكي من حموضة مبتمشيش أو إحساس بالانتفاخ بعد الأكل وبناخد أي فوار أو مسكن ونقول بكرة تروق بس الحقيقة ممكن تكون جرثومة المعدة (H.pylori) هي السبب!🦠
🔷ايه هي جرثومة المعدة؟
هي نوع من البكتيريا بتدخل الجهاز الهضمي وتستقر في الجدار المبطن للمعدة.
🔷ايه هي اسباب الاصابة بيها؟
🍔الأكل المكشوف أو المشكوك في نضافته من الشارع.
🥩 الاكل مش مستوي كويس.
🥦الخضار والفاكهة مش مغسولين كويس.
💧مية الشرب نفسها ممكن تكون ملوثة.
🧼عدم غسيل الإيدين كويس قبل الأكل.
🥄استخدام أدوات شخصية لشخص مصاب (معالق، كبايات).
🔷 إزاي تعرف إنها عندك؟
♦️ألم وحرقان في فم المعدة
♦️انتفاخ وتجشؤ مستمر
♦️حموضة وارتجاع مريء
♦️غثيان وسد نفس
🔷ايه اللي بيزود الاعراض؟
♦️الاكل الحار و الشطة.
♦️التوتر والقلق.
♦️القهوة والشاي.
🔷ازاي اتجنب الاصابة بيها؟
🧼اغسل ايديك بالماء والصابون لمدة لا تقل عن 20 ثانية قبل الأكل وبعد التعامل مع اللحوم النية.
🥩اتأكد من تسوية اللحوم كويس اوي.
🔪استخدم سكاكين وألواح تقطيع منفصلة للخضروات و واحدة للحوم النية لمنع التلوث.
🍽️ متخليش وجبتك عبارة عن لحوم ودهون بس ضيف كمان الخضروات الورقية و متشربش مشروبات غازية و شاي لأنها بتضعف كفاءة الهضم.
💡عشان صحتك تهمنا لو حاسس بأعراض ومحتار نورنا في الصيدلية او كلمنا و هنقولك على خطوات الفحص الصح.
