06/08/2026
ليه يا دكتور كل مرة ابعد عنه بعد اذي و وجع كبير منه ارجعله تانى و ببقي عارفه ان هتوجع بس بردو برجع !!😓
ده عشان انت مش متعلق بالشخص انت متعلق بالأمل انه يتغير و خايف من الوحده و المجهول اللي هتقابله بعد الشخص ده ما يمشي خايف من الفضي اللي جواك
كل مرة تمشي عشان ترتاح و اول ما تحس انك هتخسره فعلًا، الخوف يسبق وجعك فترجع ، مش لان الاذي اختفى لكن لان الخوف من الفقد بيبقى صوته اعلي من الخوف من الوجع.
وده اللي بيخلي العلاقة تدخل في دايرة:
وجع → بُعد → اشتياق → رجوع → وجع من جديد.
📌 الحقيقة ان التعلق المؤذي مش بيتعالج بالرجوع ولا بالقوة ، بيتعالج لما تفهم:
ايه اللي مخليك مستحمل كل ده؟
هل هو خوف من الوحدة؟
ولا احتياج للحب؟
ولا جرح قديم بيخليك تتمسك باي حد حتى لو بيكسرك عشان بس ميمشيش ؟
لما تعالج السبب هتعرف تسيب الشخص من غير ما تحس انك بتسيب نفسك 👌🏻
