psychologist Maryam Hany

psychologist Maryam Hany Contact information, map and directions, contact form, opening hours, services, ratings, photos, videos and announcements from psychologist Maryam Hany, Medical and health, alexandria, Agami.

Dr/Maryam hany🤍
أخصائي نفسي إكلينكي
ليسانس اداب علم نفس
باحثة ماچستير في علم النفس
حاصلة علي دورة العلاج المعرفي السلوكي
عضو في جمعية حقوق العاملين بالصحة النفسية
online🛑 sessions available
offline🛑sessions availabel Alexandria only
012 70341638

01/07/2026

صباح الخير…

الدنيا مش متأمره عليك ولا حطاك في دماغها
إحنا بس متعلمناش كفايا إزاي نعيش مع الألم

لو شوفناه عقاب منتحركش ونخاصم الحياه
ولو شوفناه واقع مؤلم من شروط الحياة نسلم ونفكر تاني .

29/06/2026

"من لم يتلقَّ ما يحتاجه في طفولته، عليه أن يتعلم كيف يمنحه لنفسه كبالغ .”

" إرفين يالوم "

أحيانًا الطريق للشفاء يبدأ من إننا نصير الأب والأم لأنفسنا

وهذا يمكنه الحدوث !

ذلك يحدث عندما نسمح لراشدنا الداخلي إنه يسمع ألم الطفل المحروم بداخلنا، ويعطيه اليوم ما افتقده بالأمس : حب، أمان، وحدود صحية، فيتكوّن إحساس جديد بالاحتواء والجدارة .

24/06/2026

العلاج النفسي لا يعيد الإنسان إلى ما كان عليه، بل يساعده على إعادة تنظيم تجربته.
فليس الهدف أن نعود كما كنا، بل أن نفهم ما مررنا به، ونتعلم منه، ونبني طريقة جديدة للتعامل مع أنفسنا وحياتنا

عارف أصعب نوع تعب؟لما تبقى نايم كويس…وبرضه روحك مرهقة.لما تفتح عينيك كل يوموأنت مش حاسس برغبة تجاه أي حاجة.لا كلام،لا شغ...
10/05/2026

عارف أصعب نوع تعب؟
لما تبقى نايم كويس…
وبرضه روحك مرهقة.

لما تفتح عينيك كل يوم
وأنت مش حاسس برغبة تجاه أي حاجة.
لا كلام،
لا شغل،
لا ناس،
ولا حتى الحاجات اللي كانت زمان بتفرحك.

الانطفاء بيحصل كده…
بهدوء جدًا.
مش مرة واحدة.
لكن بعد فترات طويلة من التحمّل،
والسكوت،
وإنك تفضل تقول:
“أنا كويس”
وأنت من جواك بتقع حتة حتة.

وأقسى حاجة ممكن تعملها في نفسك
إنك تعامل تعبك كأنه دلع.

صدقني…
مش كل اللي ساكت مرتاح،
ومش كل اللي اختفى بقى بارد،
بعض الناس بس exhausted بطريقة محدش شايفها.

فـ لو روحك تعبت…
ما تجبرهاش تكمل بنفس السرعة.
اهدى شوية.
نام من غير تأنيب ضمير.
اقفل الدنيا ساعة.
سيب الرسائل للصبح.
اقعد مع نفسك من غير ما تحاول تبقى شخص أفضل كل دقيقة.

فيه وقت الراحة فيه
مش رفاهية…
الراحة فيه إنقاذ.

وحافظ على توازنك النفسي على قد ما تقدر:
• ما تبدأش يومك بموبايل مليان ضغط ومقارنات.
• خد بريك حتى لو وراك مليون حاجة.
• ابعد عن أي شخص بيستهلك طاقتك كلها.
• كُل واشرب ونام كأنك مسئول عن روح لازم تعيش.
• واتكلم مع نفسك بلطف… علشان محدش عارف حجم الحرب اللي جواك.

وفي الآخر…
مش لازم تبقى قوي طول الوقت.
فيه ناس نجت…
فقط لأنها سمحت لنفسها ترتاح.

عن أهمية الاستمرار نتحدث...،🫶🏻
07/05/2026

عن أهمية الاستمرار نتحدث...،🫶🏻

مش كل حب بيكون أمان…أحيانًا الشخص النرجسي يخليك تحس إنك أهم شخص في الدنيا، ثم يبدأ يسحب منك ثقتك بنفسك بهدوء.مرة يرفعك ل...
01/05/2026

مش كل حب بيكون أمان…
أحيانًا الشخص النرجسي يخليك تحس إنك أهم شخص في الدنيا، ثم يبدأ يسحب منك ثقتك بنفسك بهدوء.
مرة يرفعك للسما… ومرة يخليك تشك في نفسك ومشاعرك وكلامك.

التلاعب النرجسي مش دايمًا بيكون بصوت عالي، أحيانًا بيكون في:
• تجاهل متعمد
• لوم مستمر
• قلب للحقائق
• اهتمام وقت ما يريد فقط

ومع الوقت تلاقي نفسك بتعتذر عن أشياء معملتهاش، وبتحاول ترجع النسخة الأولى منه اللي اختفت فجأة.

العلاقة الصحية ما تخليك خائف، متوتر، أو فاقد نفسك.
الحب الحقيقي فيه احترام وراحة وأمان… مش سيطرة واستنزاف.

أوعى تخسر نفسك وأنت بتحاول تكسب شخص معرفش قيمتك في يوم 🖤

في معارك…محدش بيشوفها غيرك.معركة إنك تصحى كل يوموتواجه نفسك قبل ما تواجه الدنيا.تحارب رغبتك في الانسحاب،وتقاوم التعب الل...
30/04/2026

في معارك…
محدش بيشوفها غيرك.

معركة إنك تصحى كل يوم
وتواجه نفسك قبل ما تواجه الدنيا.
تحارب رغبتك في الانسحاب،
وتقاوم التعب اللي متراكم جواك
وكأنك بخير… بينما أنت بالكاد واقف.

مقاومة النفس مش بطولة لحظة،
دي استنزاف يومي صامت.
إنك تمنع نفسك من الرجوع لشيء كان بيكسرك،
إنك تسكت وقت الغضب،
وتكمل رغم فقدان الشغف…
دي معارك حقيقية.

وفي كل مرة كنت فيها على حافة الاستسلام
واخترت تكمل…
أنت ما كنتش ضعيف،
أنت كنت بتحاول تنقذ نفسك بنفسك.

محدش يعرف
قد إيه محتاج قوة
علشان الإنسان يقوم من وجعه
ويعيش يوم عادي.

بس الحقيقة اللي لازم تفتكرها:
كل مرة قاومت فيها نفسك،
أنت ما كنتش بتتعب على الفاضي…
أنت كنت بتعيد بناء روحك من جديد.

ويمكن النهارده مش شايف الفرق،
لكن في يوم هتبص لنفسك وتدرك
إن النسخة اللي نجت من كل ده…
اتخلقت من المعافرة دي 🤍

في زحمة النجاح…محدش بيشوف الطريق غيرك.الناس بتشوف النتيجة،لكن قليل اللي بيحس بالتعب اللي قبله…بالليالي اللي عدّت تقيلة،و...
23/04/2026

في زحمة النجاح…
محدش بيشوف الطريق غيرك.

الناس بتشوف النتيجة،
لكن قليل اللي بيحس بالتعب اللي قبله…
بالليالي اللي عدّت تقيلة،
وبالمحاولات اللي فشلت قبل ما تزبط.

ورغم كل القوة اللي ممكن تبان عليك،
جواك جزء بسيط… محتاج يتشاف.
مش يتشكر بس،
لكن يتفهم… ويتحضن.

محتاج حد يقولك:
أنا شايفك.
شايف تعبك… وشايف وصولك.
إنت مش لوحدك، أنا معاك… وهنا علشانك.

لأن الحقيقة البسيطة اللي بننساها:
النجاح ممكن يبهرك…
لكن الحب هو اللي بيدفيك.

ومافيش إنجاز،
مهما كبر…
يعوّض غياب الشعور ده 🤍

22/04/2026

بيقول لك :
you deserve a life you aren’t constantly recovering from
انت تستحق حياة مش كل شوية تتعافي منها

للاسف مفيش حياة ممكن حد يعيشها من غير ما كل شوية يتعافي منها ، ده الكارثة انه ساعات مش بيلحق اصلا للتعافي ! .. ففي وجهة نظري واحدة من اعظم صفات الانسان المقاتل انه يستوعب انه يستحق قلب و روح يساعدوه دايما علي التعافي ،، مش حياة بلا صدمات ... اصل محدش بيعرف يوقف الخلاط !

في جملة تانية انا باعشقها بتقول لك :
(( .. في الحرب، قدرتك على تحمل الألم أهم من قدرتك على إلحاق الألم ))

اللي بيكسب في الحياة مش اللي بيفرهض نفسه علي الفاضي في طاقة الإنتقام و الكراهية .. جلد الذات و تسديد الضربات .. ده بيحرق نفسه بدري بدري ، إنما اللي بيكسب اللي مهما استقبل مكمل .. كل مرة يتعافي بنسخة مرعبة اكتر من اللي قبلها .. اللي خلاص استوعب الحقيقة و تقبل حتميتها .. فزي ما مفيش بحر هادي إنما قبطان محترف .. مفيش حياة مش كل شوية نتعافي منها ، إنما انسان مهما قابل في الحياة عمره ما هيبطل انه يتعافي ..♥️

⚠️ أخطر نوع من التعب… هو اللي محدش بياخد باله منهالشخص اللي دايمًا بيضحك،بينزل صور،ويهزر طول الوقت…مش دايمًا مبسوط.💭 في ...
31/03/2026

⚠️ أخطر نوع من التعب… هو اللي محدش بياخد باله منه
الشخص اللي دايمًا بيضحك،
بينزل صور،
ويهزر طول الوقت…
مش دايمًا مبسوط.
💭 في نوع من الناس
بيخبي وجعه ورا الضحك،
ويتعلم يبان قوي…
لأنه مش لاقي مساحة يضعف فيها.
هو اللي بيهون عليك،
وبيقولك “هتعدي”…
بس محدش سأله:
إنت عامل إيه بجد؟
🌑 الضغط النفسي مش بيظهر فجأة…
هو بيتراكم بهدوء:
كلمة مكبوتة،
موقف متسكت عليه،
حزن متأجل…
لحد ما في يوم—
الشخص ده “ينطفي”.
مش بيصرخ،
مش بيشتكي…
بس بيختفي.
⚠️ أخطر مرحلة؟
لما يبقى تعبان…
ومحدش واخد باله.
🌱 الحقيقة:
مش كل حد قوي… مرتاح
ومش كل ضحكة… معناها سلام
📩 لو حسيت إن الكلام ده شبهك…
ماتكملش لوحدك
✨ لا تنتظر الانفجار…
تعلم أن تواجه نفسك، وتطلب الدعم في الوقت المناسب.
Psy Maryam Hany | Clinical Psychology 🤍

Address

Alexandria
Agami

Website

Alerts

Be the first to know and let us send you an email when psychologist Maryam Hany posts news and promotions. Your email address will not be used for any other purpose, and you can unsubscribe at any time.

Shortcuts

Share

Category