23/11/2022
- دكتور .. انا ابني/ بنتي عندها دور برد بقاله شهر عمال يروح ويجي
= بتديله دوا ؟
- ايوه .. بياخد مضاد حيوي
= وايه كمان ؟
- لا هو مضاد حيوي بس
= ما هو المضاد الحيوي مش كفايه .. لازم ياخد دوا للبرد لان المضاد الحيوي مبيخففش اعراض البرد لوحده
- طيب انا كنت بديله ومبيخفش برضه
= بياكل كويس ؟
- لا اكلته ضعيفه
= بينزل يلعب في الشارع ؟
- مبيطلعش البيت اصلا
= بتديله حاجه ترفعله المناعه زي فيتامين سي او زنك ؟
- لا
= طيب مبدأيا كده الطفل طول ما هو تعبان نحاول نحافظ عليه من نزول الشارع ونأكله كويس و ومنقعدش نخففله ونتقله في الهدوم يعني لو لبس شتوي ميخففش حتى لو الجو حر شويه
و محتاجين نديله فيتامينات ترفعله المناعه دي بتبقى مهمه اوي في الشتا لان معظم الاطفال دلوقت بتاخد جلسات وعندها ضيق في التنفس فاحنا المفروض نحافظ على اطفالنا عشان دور البرد ميفضلش معاهم طول الشتا
- طب والكحه ؟
= بندي دوا كحه مناسب ( سواء الكحه ناشفه او ببلغم ) ومن فضلك بلااااااش كورتيزون الا باستشارة طبيب ( بلاش ابيدون او فينادون او زيلون او بريدسول ) ولو الحاله محتاجه لازم نوقفه بعد 5 ايام ميكملش شهر يعني
بلاااااااش مضاد حيوي الا بعد الرجوع لطبيب او صيدلي
- ولقاح الانفلونزا ؟
= هو كويس وفعال بالذات للاطفال بس ده بناخده قبل ما الشتا يبدأ بفتره ( الايام دي مناسبه ) ومينفعش اي حد ياخده وهو تعبان لازم يكون سليم ومعافى عشان ميزودش عليه التعب
........................... نصيحه ع الماشي ..............................
بالنسبه للكبار .. عندك برد ؟ بلاااااااش حقنة هتلر ( مضاد حيوي + ديكسا + مسكن ) لانها بتضر اكتر ما بتفيد زائد ان فيه حالات وفيات اتسجلت منها مؤخرا
وبلاااااااااش نكرر حقنة ال 2 فى 1 ( ديكسا + مسكن ) هي مره واحده بس لما الوضع يبقى صعب لان الديكسا هتضعف مناعتك .. ممكن تكتفي بالمسكن
عندك برد ؟ خد كورس للبرد ( اقراص لعلاج البرد + مضاد حيوي لو الدكتور شاف انك محتاجه + دوا كحه مناسب لو عند كحه )
ودمتم بصحه 💓
للتواصل :-
موبايل و Whatssap رقم : 01033856090
او على رسائل الصفحه
او شرفونا بالصيدليه : زناره - الشارع المقابل لنقطة الشرطه بجوار حضانة الامل والزهور
