أخصائي التغذية حسام رمضان /Dietitian Hossam Ramadan

26/07/2026

⁨ شكل بطنك مش دائماً سببه زيادة الوزن!!!

في أسباب كتير ممكن تخلي شكل البطن يتغير، وعلشان كده الحل بيختلف من شخص للتاني.

🔸 بطن التوتر
بتظهر مع الضغط النفسي المستمر، قلة النوم، والتوتر، وعلشان كده الاهتمام بالنوم وتقليل التوتر بيفرق معاها.

🔸 البطن الهرموني
ممكن تظهر مع اضطراب الهرمونات أو مقاومة الإنسولين أو تكيس المبايض، وعلشان كده التركيز على البروتين وتنظيم الأكل بيساعد.

🔸 بطن الولادة
بعد الحمل، عضلات البطن ممكن تضعف أو يحصل انفصال بسيط بينها، وده يخلي البطن تفضل بارزة حتى بعد نزول الوزن.

🔸 بطن الانتفاخ
بتكون نتيجة مشاكل في الهضم أو أكلات بتسبب غازات وانتفاخ، وغالبًا حجمها بيزيد ويقل على مدار اليوم⁩

24/07/2026

01/05/2026

اعملوه فالبيت عشان اختفي وسعره بقي عالي 😂😍نعمله 100% قمح كامل بس ويطلع طري برضه:
🥖 المكونات:
3 كوب دقيق قمح كامل
1 ملعقة كبيرة خميرة فورية
1 ملعقة كبيرة عسل أو سكر
1 ملعقة صغيرة ملح
2 ملعقة كبيرة زيت (يفضل زيت زيتون)
1 وربع إلى 1 ونص كوب ماء دافئ (القمح بيشرب ماء أكتر)
👩‍🍳 الطريقة:
اخلطي الخميرة + العسل + الماء الدافئ وسيبيهم 5–10 دقايق لحد ما يرغوا.
ضيفي دقيق القمح والملح والزيت.
اعجني كويس 10–15 دقيقة (مهم جدًا عشان القمح الكامل تقيل شوية).
لو العجينة ناشفة، زودي شوية ماء بالتدريج لحد ما تبقى طرية شوية ولازقة خفيف.
غطيها وسيبيها تخمر ساعة إلى ساعة ونص لحد ما تكبر.
شكّليها رول وحطيها في قالب التوست.
سيبيها تخمر تاني 30–45 دقيقة.
ادخليها فرن سخن على 180 درجة لمدة 30–40 دقيقة
#توست حبةكاملة

16/01/2026

الهرم الغذائي اتقلب بعد ٣٤ سنة من الامراض

والحقيقة إن “الهرم الغذائي الجديد” قلب الطاولة على مفاهيم قديمة كانت عايشة معانا سنين 👀
هو مش مجرد شكل مختلف، ده تغيير فلسفة

الفكرة الأساسية إننا بطلنا نبدأ من النشويات ونبني عليها، وبقينا نبدأ من اللي الجسم فعلًا محتاجه علشان يشتغل صح:
👏🏻•البروتين بقى في القاعدة: لأنه أساس الشبع، العضلات، الهرمونات، والمناعة.
👏🏻•الدهون الصحية طلعت من خانة “العدو” وبقت عنصر أساسي للتوازن الهرموني والمخ.
👏🏻•الخضار والفاكهة قيمتهم في صورتهم الطبيعية، يعني مش عصائر وحاجات مجففة .
👏🏻•السكر المضاف والنشويات المكررة بقوا في اصغر جزء في الهرم… يعني وجودهم محدود جدًا، مش أساس يومك.

الهرم الجديد بيعكس حاجة مهمة:
الجسم مش آلة سعرات، الجسم منظومة ذكية بتستجيب لنوعية الأكل أكتر من كميته.

الجميل كمان إن الهرم ده متماشي مع اللي بنشوفه عمليًا:
ناس بتاكل أكتر بروتين ودهون صحية → تشبع أكتر → نوبات جوع أقل →⁩

04/10/2025

الزبيب الأسود من أكتر الفواكه المجففة المفيدة، وبيحتوي على نسبة عالية من الفيتامينات والمعادن ومضادات الأكسدة.
من أبرز فوائده:
🩸 يقوي الدم: غني بالحديد والنحاس، وبيساعد في علاج ومنع الأنيميا.

💪 يعزز الطاقة: فيه جلوكوز وفركتوز طبيعيين، بيرفعوا النشاط وبيفيدوا الرياضيين.

🧠 يحافظ على صحة المخ: مضادات الأكسدة فيه بتحمي خلايا المخ وبتحسن الذاكرة والتركيز.

❤️ صحة القلب: بيساعد على تقليل الكولسترول الضار وضبط ضغط الدم.

🦷 الأسنان واللثة: فيه مواد طبيعية بتحارب البكتيريا اللي بتسبب التسوس.

🦴 صحة العظام: يحتوي على كالسيوم وبوتاسيوم ومغنيسيوم، مهمين للعظام والمفاصل.

🌿 يحسن الهضم: غني بالألياف، بيساعد في علاج الإمساك وتنظيم حركة الأمعاء.

✨ نضارة البشرة والشعر: مضادات الأكسدة بتقلل التجاعيد وبتقوي الشعر.

⚠️ لكن لازم الاعتدال فيه لأنه عالي السعرات (حوالى 300 سعر حراري في كل 100 جم).
Hossam Ramadan

20/12/2024