Dr:Mostafa mohamed

14/12/2025

لو الدايت نافع، ما كنّاش رجعنا نزيد كل مرة 😌
نصيحة من القلب ❤️
لو بتعمل دايت علشان تخس، خلّيني أقولك حاجة مهمة بجد:

المشكلة مش فيك…
المشكلة في فكرة الدايت نفسها.

الدايت القاسي بيخلّي جسمك يدخل في وضع توفير طاقة،
معدل الحرق يقل،
والحرمان يزوّد نوبات الشراهة…
علشان كده ناس كتير بتخس شوية وترجع تزيد أكتر.

علشان كده الخسسان الصح مش دايت مؤقت،
الخسسان الصح هو إنك تتعود على عادات 👌
عادات لو ظبطت، حياتك كلها هتتغير… مش وزنك بس.

أهم 4 عادات فرقوا مع ناس كتير 👇
🥗 أكل متوازن من غير حرمان
💧 شرب مية كفاية
😴 نوم مظبوط
🏃‍♂️ حركة يومية حتى لو بسيطة

جسمك مش محتاج حرمان…
جسمك محتاج توازن ⚖️

ابدأ واحدة واحدة،
وصدقني جسمك هيشكرك قبل الميزان ❤️ #تخسيس #دايت #الصيدليات

02/05/2025

سلسلة جديدة نبدا فيها مع بعض!
عن أشهر أعراض الحمل والمشاكل اللي بتقابل الحوامل 🤰‍
وهنشرح فيها الأسباب وطرق العلاج سواء دوائي أو غير دوائي، بمعلومات بسيطة وسهلة للصيادلة والمجتمع ككل!

نبدأ أول حلقة بـ واحدة من أكتر الأعراض شيوعًا:
Nausea & Vomiting during Pregnancy
أو اللي بنسميه بالعربي "الترجيع والغثيان أثناء الحمل"

تقريبًا من 50% لـ 90% من الحوامل بيعانوا من الأعراض دي، وده بيبدأ غالبًا من أول الحمل وبيستمر لحد الشهر التالت، وأوقات ممكن يكمل للشهر الرابع أو حتى الخامس!

طيب إزاي نقدر نساعد؟
أول حاجة نبدأ بـ العلاج غير الدوائي:
✅ أكلات خفيفة غنية بالبروتين وقليلة الدهون
✅ الوجبات تبقى صغيرة وعلى فترات متقاربة
✅ تجنّب الروائح النفاذة زي العطور والقهوة
✅ النوم الكافي وممارسة رياضة بسيطة
✅ الزنجبيل (Ginger): آمن نسبيًا بجرعة ٤ أقراص يوميًا

لكن لو الأعراض بقت شديدة جدًا – بنسميها "Hyperemesis Gravidarum" – بنبدأ نلجأ للأدوية:

أدوية ممكن نستخدمها (بحسب الحالة):
💊 Ondansetron (Zofran, Danset): Category B – آمن لكن غالي
💊 Metoclopramide (Primperan): Category D – ممكن يسبب arrhythmia
💊 Dexamethasone: ممكن يفيد في الحالات الشديدة مع IV Fluids
💊 Vitamin B6 (زي Milga): Category C – غير آمن للرضاعة لكنه آمن نسبيًا للحمل
💊 Meclizine & Cyclizine: Category D – زي Dizirest وNavoproxin

معلومة مهمة:
هرمون Progesterone اللي بيزيد أثناء الحمل علشان يمنع الولادة المبكرة، بيأثر كمان على المعدة ويخلي عملية الهضم أبطأ، وده أحد أسباب الغثيان!

تابعونا في الحلقات الجاية علشان نكمل باقي أعراض الحمل ومضاعفاته، ونتكلم عن كل حاجة بالتفصيل!
لو عندكم أي سؤال أو حالة معينة حابين نغطيها، اكتبوها في الكومنتات!
لو استفدت من المقال ده اتمنى ما تبخلش علينا في المتابعه
تقدر كمان تتابعني على باقي المنصات
https://www.linkedin.com/in/mostafa-mohamed-bab04221b?utm_source=share&utm_campaign=share_via&utm_content=profile&utm_medium=android_app
https://t.me/drMostafa1999
https://youtube.com/?si=L6KP1ze6DcztySmc
https://instagram.com/drm.ostafamohamed?igshid=NGVhN2U2NjQ0Yg==

28/04/2025

عايز تخس وتبقى فتنس وانت بتاكل سمنة بلدي وجبنة قد كده؟ 🧈🧀 تعالى أقولك تعملها إزاي بكيتو مصري أصلي! 🇪🇬

لو جسمك زي الفل ومفيش عندك مشاكل في الكبد أو الكلى (يعني شغال فول أوبشن ✅)، تعالى جرّب النظام ده لمدة 14 يوم وشوف بنفسك الفرق!

قبل ما تبدأ، خد بالك:
✅ اشرب 2.5 - 3 لتر مية في اليوم (يعني امشي بقزازة المية في إيدك كأنك سبايدر مان 🕷️🍼)
✅ زوّد الملح شوية 🧂 (الكيتو بيحب الملح، مش انت بس)
✅ إوعى تدخل سكر أو عيش أو رز أو بطاطس بيتك ❌🍞🍚🥔
✅ خليك مع الدهون الصحية والبروتين، أصحاب الجدعنة 🥑🍖

---

يوم من أيام الكيتو المصري (وممكن تبدل زي ما تحب):

فطار:
🍳 بيض مقلي بالسمنة البلدي اللي بتشم ريحتها من آخر الشارع + 🥒 خيار بيتزحلق + 🫒 زيتون ناشف بدماغه
أو
🥚 ٢ بيضة مسلوقة + قطعة جبنة دسمة (🧀 رومي/تركي/قريش كاملة الدسم) + حبات 🥥 جوز هند أو 🥜 لوز

سناك:
🥜 حفنة مكسرات (خدهم بإيدك مش بكوباية، عشان متقلبهاش عزومة)
أو
🧀 حتة جبنة تفتح النفس

غداء:
🍗 ربع فرخة مشوية أو 🥩 قطعة لحمة أو 🐟 سمكة أو تونة مصفّاة
🥗 ومعاهم سلطة خضرا بزيت زيتون + خضار سوتيه (🥒 كوسة/🫘 فاصوليا/🍆 باذنجان/🥬 كابوتشي)
ممكن تضيف 🥚 بيضة مسلوقة ع السريع

سناك تاني (لو نفسك داعياك):
🥒 خيار + 🧀 جبنة
أو
☕ قهوة بدون سكر + 🍫 ٢ مكعب شوكولاتة دارك 85%

عشاء:
🍳 بيض + 🧀 جبنة + 🥬 خس أو كابوتشي
أو
🐟 تونة + 🥗 سلطة
أو
🥣 علبة زبادي يوناني كاملة الدسم

---

مسموحات النظام (يعني الحاجات اللي متخافش منها):
✅ سمنة بلدي 🧈
✅ زيت زيتون 🫒
✅ زيت جوز الهند 🥥
✅ جبنة كاملة الدسم 🧀
✅ قشطة بلدي 🥛
✅ شاي أو قهوة بدون سكر (ولو نفسك تحليهم، ستيفيا المنقذ موجود) ☕🍃

---

ممنوعات (الخط الأحمر اللي متقربش منه):
❌ سكر (أبيض، بني، أخضر.. كله ممنوع)
❌ خبز، مكرونة، رز، بطاطس (مع السلامة يا نشويات)
❌ فاكهة (مسموح بس شوية توت أو فراولة 🍓🫐)
❌ بقوليات (لا عدس ولا فول ولا حمص ✋)

---

كمل عليه 14 يوم وشوف الفرق بنفسك ✌️
لو بدأت ومستعد تبقى جامد 🔥، اكتبلي في الكومنت "بدأت" وأنا أتابع معاك خطوة بخطوة لحد ما تبقى ماكينة حرق دهون شغالة!

#تخسيس

22/04/2025

نظام الكيتو دايت: ليه ناس بتخس عليه بسرعة… وناس تانيه بتتعب وتسيبه؟

الكيتو دايت مش موضة ✋… هو نظام غذائي بيعتمد على تقليل الكربوهيدرات جدًا 🥖❌، وزيادة الدهون الصحية 🥑🥥 علشان الجسم يدخل في حالة اسمها "كيتوسيس"، ويبدأ يحرق دهون كمصدر أساسي للطاقة بدل السكر 🔥

طيب إيه مميزاته؟
✅ نزول وزن سريع خاصة في البداية
✅ تقليل الشهية بشكل طبيعي
✅ مناسب لناس عندهم مقاومة أنسولين أو تكيس مبايض
✅ بعض الناس بتحس بطاقة ذهنية أعلى

بس مش كله وردي… الكيتو ليه عيوب زي:
⚠️ صعب الالتزام بيه لفترات طويلة
⚠️ الحرمان من الفاكهة 🍌، العيش، والمكرونة 🍝 بيخلي ناس كتير تزهق
⚠️ ممكن يسبب إمساك، تعب، صداع خاصة في أول أسبوع 🤕 (حاجة اسمها Keto Flu)
⚠️ محتاج متابعة علشان تحافظ على التوازن الغذائي وما يحصلش نقص في عناصر مهمة

هل الكيتو مناسب ليك؟
لو نمط أكلك معتمد على النشويات ووقتك ضيق ⏰، غالبًا مش هتقدر تكمل عليه
ولو عندك مشاكل صحية معينة (زي أمراض الكبد أو الكلى) 🧬 لازم تستشير طبيب أو أخصائي تغذية الأول

السؤال ليك:
جربت الكيتو قبل كده؟ قولّي في الكومنتات عملت بيه إيه؟ ✍️

#كيتو #تخسيس

20/04/2025

هو أنا ليه دايمًا ببدأ دايت… وما بكملش؟

أول أسبوع: حماس نار 🔥، أكل متظبط ✅، رياضة ‍♂️، ووزن بينزل ⚖️
تاني أسبوع: زهق 😑، شوية لخبطات ‍♀️، وزن ثبت
تالت أسبوع: "طب أبدأ من السبت الجاي" 🫣
والنتيجة؟ نرجع لنقطة الصفر ❌

المشكلة مش فيك، ولا في إرادتك ✋
والمفاجأة؟ مش كل مرة بتفشل لأنك ضعيف…

فيه ٥ أسباب رئيسية بتخلي ٨٠٪ من الناس ما تكملش الدايت، منها:
❌ اختيار نظام مش مناسب لروتين حياتك
⏳ توقع نتائج سريعة بطريقة غير منطقية
🥲 الحرمان الزايد عن اللزوم
📉 مفيش خطة طويلة المدى
🧠 و… إنك مش فاهم جسمك صح

في السلسلة الجاية هنتكلم سوا عن أشهر الأنظمة الغذائية، ونفكك كل واحد بمميزاته وعيوبه
وهساعدك تختار الأنسب ليك… بأسلوب بسيط ومرن بعيد عن التعقيد

لو حصل معاك ده قبل كده، اكتبلي في الكومنت "أنا" علشان أعرف أبدأ السلسلة بأكتر نظام الناس جربته وفشل فيه

#دايت #كيتو #تخسيس

20/04/2025

ليه دايمًا بتطلعلك الحباية اللي حوالين الفم؟!
تعالوا نفهم السبب ببساطة...

المتهم هنا هو: HSV1 🦠
(Herpes Simplex Virus نوع 1)

فيه نوعين من الفيروس ده:

HSV1: بيظهر حوالين الفم 👄

HSV2: بيظهر في المناطق التناسلية ⚠️

النهاردة هنتكلم عن HSV1
وده فيروس بيظهر على شكل حبوب شفافة كأنها مليانة مايه حوالين الفم 💧

بييجي إزاي؟ 🤔
أول عدوى بتحصل غالبًا وإحنا صغيرين 👶
وجسمنا بيقاومه، لكن الفيروس بيروح يستخبى في النهايات العصبية حوالين الفم، ويفضل نايم 💤

إمتى يصحى؟ ⏰
لما المناعة تضعف، زي:

بعد دور برد قوي 🤒

إرهاق شديد 😩

توتر أو ضغط نفسي 😓
بيرجع ينشط ويبدأ يظهر تاني

شكله المميز؟ 🔍

إحساس بالحكة أو الوخز حوالين الفم 🫦

بعدها تظهر حبوب شفافة صغيرة 💦

ممكن تتفتح وتسيب جرح بسيط 🩹

بعدها يحصل التعافي تدريجيًا

نعمل إيه؟ ✅

نحافظ على نظافة المنطقة حوالين الفم 🧼

نستخدم كمادات تلج 🧊 لو في ألم

العلاج؟ 💊

لو بسيط: نستخدم كريم موضعي (Topical) زي:

Acyclovir

Acyclostad

Virostat

Zovirax
(يُستخدم لحد 5 مرات يوميًا ⏱️)

لو الحالة شديدة: نستخدم علاج عن طريق الفم (Oral) زي:

Zovirax شراب أو أقراص 🥄💊

وخلاص كده... خليك دايمًا فاهم جسمك، وعارف السبب قبل ما تقلق!
لو استفدت من المقال ده اتمنى ما تبخلش علينا في المتابعه
تقدر كمان تتابعني على باقي المنصات
https://www.linkedin.com/in/mostafa-mohamed-bab04221b?utm_source=share&utm_campaign=share_via&utm_content=profile&utm_medium=android_app
https://t.me/drMostafa1999
https://youtube.com/?si=L6KP1ze6DcztySmc
https://instagram.com/drm.ostafamohamed?igshid=NGVhN2U2NjQ0Yg==

19/04/2025

ام محمد و"رينو"... والاختيار الصح!

دخلت أم محمد الصيدلية ومعاها محمد
قالتلي:
السلام عليكم يا دكتور، كان فيه دواء شرب الدكتور كاتبه لمحمد اسمه رينو كده بتاع البرد والرشح

طلعت على الرف بسرعة، لقيت نوعين:

Rhinopro

Rhinotus

سألتها:
فيه كحة؟
قالتلي: آه يا دكتور، كحة بسيطة وناشفة

وقتها عرفت على طول الدوا المناسب وقلت لها:
اتفضلي يا أم محمد، ده الأنسب لمحمد

ليه اخترت Rhinotus؟
تعالوا نشوف الفرق:

الاثنين (Rhinotus وRhinopro) فيهم:

Carbinoxamine: مضاد هيستامين بيقلل أعراض الحساسية زي الحكة، سيلان الأنف، ودموع العين.

Pseudoephedrine: بيشتغل على انقباض الأوعية الدموية في الغشاء المخاطي للأنف، وبيساعد في علاج الزكام واحتقان الجيوب الأنفية.

لكن Rhinotus فيه كمان:

Dextromethorphan: مادة بتشتغل على مركز الكحة في المخ وبتقلل الكحة الجافة (dry cough suppressant)

عشان كده كان هو الأفضل لمحمد، لأنه بيشتكي من كحة بسيطة وناشفة.

ملحوظة مهمة جداً:
النوعين دول ماينفعوش للأطفال أقل من سنتين!

---

لو عجبك البوست، شير المعلومة وخلي غيرك يستفيد

17/02/2025

رمضان ٢٠٢٥

24/01/2025

الأنسولين.. المفتاح السحري للجلوكوز 🔑

الأنسولين هو هرمون بيخرج من البنكرياس 🩺، وبيشتغل زي المفتاح اللي بيفتح بوابات دخول السكر (الجلوكوز) للخلايا 🔓، عشان الخلايا تستفيد منه كوقود للطاقة ⚡.

طيب، الأنسولين بيعمل إيه تاني؟ 🤔

1️⃣ بيسمح للخلايا تحصل على الطاقة اللي محتاجاها من السكر اللي في الدم.
2️⃣ بيقلل نسبة السكر في الدم بعد الأكل 🍔🍟.
3️⃣ بيخزن السكر الزيادة في الكبد والعضلات على شكل جليكوجين 💪.
4️⃣ بيحول السكر الزايد لدهون، خصوصًا لو كانت الطاقة اللي محتاجينها أقل 🔄.
5️⃣ بيساعد المعادن زي البوتاسيوم تدخل الخلايا 🥦.
6️⃣ بيتأكد إن جسمك في حالة توازن مستمرة 🔄.

---

الأنسولين.. بطل حياتنا اللي بيحافظ على مستوى السكر مضبوط في الدم 🍭❤️!

17/01/2025

لكل زميل صيدلي:
خد بالك من نفسك، لأن في النهاية، ما حدش هيقف جنبك لو حصلت مشكلة. حتى لو المريض أو أهله قالوا لك:
"على ضمانتنا، إدينا الحقنة"

أو حاولوا يقنعوك بأي طريقة.

افتكر، إعطاء الحقن مش ضمن اختصاصنا كصيادلة، وأي مشكلة - لا قدر الله - ممكن تعرضك للمساءلة القانونية والسجن، رغم إنك مش السبب الأساسي.

أما بالنسبة لاختبار الحساسية، فهو مش إجراء مضمون إلا مع حقن البنسلين، فبلاش تتهاون أو تعتمد عليه بشكل خاطئ.

أنا شخصياً كان المريض يقولي: "إديني الحقنة وأنا أتحمل المسؤولية"، وكنت برد عليه: "لو حصل حاجة، مش هتكون موجود أصلاً تقول الكلام دا!"،

ودي الحقيقة.

احمِ نفسك واحرص على الالتزام بحدود مسؤوليتك المهنية. سلامتكم أهم حاجة ♥️

15/01/2025

علاج التهاب الجيوب الأنفية: تعرف على المدة وأقوى الأدوية! 🤒

💬 طيب، التهاب الجيوب الأنفية ده بياخد وقت قد إيه عشان يخف بالمضادات الحيوية؟

للكبار: الموضوع بيحتاج تقريبًا من 5 لـ 7 أيام علشان تبدأ تحس بالتحسن.

للأطفال: الحالة بتاخد وقت أطول شوية، حوالي 10 لـ 14 يوم عشان العلاج يكون فعال تمامًا.

🩺 طب إيه هي أقوى المضادات الحيوية اللي ممكن تُستخدم؟
1️⃣ Levofloxacin
2️⃣ Moxifloxacin
3️⃣ Amoxicillin

🤰 ملحوظة مهمة جدًا:
لو الحالة تخص الستات الحوامل أو الأطفال، الأفضل والأكتر أمان هو Amoxicillin.

⚠️ نصيحة مني
"متاخدش أي مضاد حيوي من نفسك، لازم تستشير الدكتور بتاعك علشان يحدد العلاج والجرعة اللي تناسب حالتك."

📣 صحتك أمانة، اهتم بيها! 💙

08/01/2025