صيدليات د.معاذ فندقلي

صيدليات د.معاذ فندقلي صحة عيلتك أولويتنا.

بعد ثقتكم الكبيرة فينا، قريبًا جدًا هنكون أقرب ليكم بافتتاح فرعنا الثاني من صيدليات د. معاذ حمدى 💊💉✨ خدمة أفضل.✨ سرعة أك...
24/05/2026

بعد ثقتكم الكبيرة فينا، قريبًا جدًا هنكون أقرب ليكم بافتتاح فرعنا الثاني من صيدليات د. معاذ حمدى 💊💉

✨ خدمة أفضل.
✨ سرعة أكتر.
✨ وكل اللي تحتاجه لصحة عيلتك في مكان واحد.

⏳ انتظروا موعد الافتتاح الرسمي… قريب جدًا 👌🏻

علشان صحة عيلتك أولويتنا 🤲🏻

عناوينا:
فرع ١: اسوان - العقاد - شارع بنزينة التعاون - خلف مدرسة السلام اكاديمي وبجوار السجل المدني.
تليفون: 01090990889 - 01101020878
الفرع الجديد: اسوان - العقاد - شارع بنزينة التعاون - امام مسجد الفاروق وبجوار محل سفرة.
تليفون: 01070720771 - 01130364660

🔥 الحموضة وحرقة المعدةالحموضة بتحصل لما يرجع حمض المعدة للمريء، وده بيعمل إحساس بالحرقان خاصة بعد الأكل.📌 أسبابها : • ال...
10/08/2025

🔥 الحموضة وحرقة المعدة
الحموضة بتحصل لما يرجع حمض المعدة للمريء، وده بيعمل إحساس بالحرقان خاصة بعد الأكل.

📌 أسبابها :
• الأكلات الدسمة أو الحارة.
• المشروبات الغازية والقهوة.
• الأكل قبل النوم مباشرة.

💊 العلاج السريع مع مالوكس شراب:
• بيخفف الحموضة فورياً.
• بيحمي جدار المعدة والمريء.
• مناسب للاستعمال عند الحاجة.

📏 الجرعة المعتادة:
ملعقة كبيرة (5 – 10 مل) بعد الأكل أو عند الشعور بالحموضة.

✅ نصيحة:
لتجنب الحموضة، قلل الأكلات الدسمة، وتجنب الأكل قبل النوم، واشرب مياه كفاية.


🟢 إستخدم الاكتومثرين بأمان للتخلص من الحشرات 🦟🐜لو بتواجه مشاكل مع الناموس، الذباب، أو الحشرات الزاحفة في البيت،جرب محلول...
26/07/2025

🟢 إستخدم الاكتومثرين بأمان للتخلص من الحشرات 🦟🐜

لو بتواجه مشاكل مع الناموس، الذباب، أو الحشرات الزاحفة في البيت،
جرب محلول الاكتومثرين، لكن مهم جدًا تستخدمه بطريقة صح 👇

✅ طريقة التخفيف:
🧴 1 سم من محلول الاكتومثرين + 1 لتر ماء
(يرج جيدًا ويوضع في بخاخ)

✅ طريقة الاستخدام:
🔹 رش الزوايا، الأرضيات، تحت الأثاث
🔹 اقفل المكان لمدة ساعتين
🔹 بعدين افتح الشبابيك للتهوية

⚠️ تنبيهات مهمة:
🚫 بلاش ترش على أماكن الأكل أو أدوات الأطفال
🧼 اغسل إيدك بعد الاستخدام
🧒 أبعد الأطفال والحيوانات الأليفة أثناء الرش

🩺💊 ليه في أنواع من البرشام بتكون في كيس قصدير (ألومنيوم) مش شريط بلاستيك؟كتير من الناس بتستغرب لما تلاقي الدوا جاي في كي...
23/07/2025

🩺💊 ليه في أنواع من البرشام بتكون في كيس قصدير (ألومنيوم) مش شريط بلاستيك؟

كتير من الناس بتستغرب لما تلاقي الدوا جاي في كيس قصدير بدل الشريط العادي… وده مش صدفة!

✅ الكيس القصدير (Aluminum Foil Packaging) بيستخدم علشان:

🔸 يحمي الدواء من الرطوبة والحرارة والضوء
🔸 يمنع الأكسدة ويطوّل من صلاحية الدواء
🔸 مناسب جدًا للأدوية الحساسة اللي بتتأثر بسرعة بعوامل الجو زي بعض أنواع المضادات الحيوية أو المكملات

📌 علشان كده مهم جدًا متفتحش الكيس إلا وقت الاستخدام علشان الدواء يفضل محافظ على فعاليته 💯

لو لاحظت إن الدوا في كيس قصدير؛ اعرف إن ده لحمايتك أولًا ✋


💊 هنتكلم إنهاردا عن الدوفلاك (Duphalac) – الحل الطبيعي واللطيف لمشكلة الإمساك! 💚‎الإمساك من أكتر المشاكل اللي بتضايق ناس...
21/07/2025

💊 هنتكلم إنهاردا عن الدوفلاك (Duphalac) – الحل الطبيعي واللطيف لمشكلة الإمساك! 💚

‎الإمساك من أكتر المشاكل اللي بتضايق ناس كتير، وخصوصًا لما يستمر ويأثر على الراحة والمزاج.
‎وهنا بييجي دور دوفلاك 👇

‎🌿 إيه هو دوفلاك؟
‎دوفلاك هو شراب يحتوي على مادة اسمها لاكتولوز (Lactulose)، وهي مادة طبيعية بتشتغل بلُطف على الأمعاء، وبتساعد في:

‎✔️ تليين البراز وتنشيط حركة القولون
‎✔️ علاج الإمساك المزمن بدون تعوّد
‎✔️ تقليل نسبة الأمونيا في الدم، وده مهم جدًا لمرضى الكبد (زي حالات الاعتلال الدماغي الكبدي)

‎ مناسب لمين؟
‎ • للأطفال
‎ • الحوامل والمرضعات
‎ • كبار السن
‎ • مرضى الكبد
‎(لكن دايمًا تحت إشراف الطبيب)

‎ إزاي يُستخدم؟
‎الجرعة بتتحدد حسب السن والحالة، ويفضل استخدامه في نفس الوقت كل يوم، مع شُرب كمية كافية من الميّه.

‎🛑 ملحوظة مهمة:
‎دوفلاك بيحتاج من 24 لـ 48 ساعة عشان يشتغل، يعني مفعوله مش فوري… لكن آمن وفعّال جداً.

هنتكلم إنهاردا عن المُسكنات ⛔️❗️بص يا عزيزي المسكنات بتؤثر تدريجياً ع المعدة والكلي إلا أن الكيتولاك تحديدًا من أخطر الم...
20/07/2025

هنتكلم إنهاردا عن المُسكنات ⛔️❗️
بص يا عزيزي المسكنات بتؤثر تدريجياً ع المعدة والكلي إلا أن الكيتولاك تحديدًا من أخطر المسكنات اللي ممكن تأثر ع الكليتين لو إستُخدمت لفترات طويلة .... علشان كدا بالله عليك متستخدمش مسكنات عمال ع بطال.

أنا حددت الكيتولاك تحديداً عشان المريض أوقات بيشتري علبتين أو علبة ويفضل ياخد منها مده تزيد عن 5 أيام..

وللأسف في بعض الأبحاث إتعملت وقالت إنه مينفعش تستخدم كيتولاك أقراص أكتر من 5 أيام لأن ده يؤدي للتعرض لمشاكل ف الكلي ويقلل شغلها تدريجياً وممكن يؤدي لفشل كلوي لقدر الله ، وفي حالة الحقن يتم إستخدام حقنة يومياً فقط لمده 3 أيام فقط.

فياريت نخلي بالنا علي قد ما نقدر من المسكنات لأنها فعلاً قاتلة 👌🏻

هي أي حقـن فيتامين د دي يا دكتور وهل ممكن تتشرب بدل ماتتاخد عضـل؟-بص يا عزيزي حقن فيتامين د أو ديفارول هي واحده من أشهر ...
19/07/2025

هي أي حقـن فيتامين د دي يا دكتور وهل ممكن تتشرب بدل ماتتاخد عضـل؟
-بص يا عزيزي حقن فيتامين د أو ديفارول هي واحده من أشهر الحقن اللي بتتاخد في حالات نقص فيتامين د بتركيز عالي جدا بيوصل لـ 300 ألف وحده دولية؛ طبعاً ده رقم كبير وخطورته بتبقي عالية عشان كدا بيتاخد بناء علي تحليل فيتامين د أو الأعراض الناتجة.

ف أنا هقولك علي معلومتين لازم تبقي تبقي عارفهم كويس:
بالرغم أن فيتامين د مهم جداً إلا أن خطورة حقنة زي دي قد تؤدي إلي الوفاة قولي إزاي؟؟
دي واحدة من الحقن اللي لازم تعمل ليها إختبار حساسية .... أيه دا بجد يا دكتور؟؟
أيوة زي ماسمعت وقليل جداً من الدكاترة اللي بيكتب كدا بس صدقني دي بتساوي حياة أو موت .
الحقنة دي لو حصل منها رياكشن هيبهدلك حرفياً يمكن هو نسبته قليلة ولكن خطير إلي حد كبير.
المعلومة التانية هي إن حقن فيتامين د دي ممكن تتشرب عادي
إهدا بس يا عزيزي اه والله بتتشرب وأنا لسه شاربها حالا فـ متستغربش أن فيه حد بيكسر الأمبولة ويشربها هي طعمها
مش أحسن حاجه لكن ممكن تتاخد ف كوب عصير عادي .

-البنت تدخل الصيدلية تقولك عايزه شريط ترياكتين وديكسازون يا دكتور..-عايزاهم لمين..؟ليا يا دكتور-هتستخدميهم لأيه ؟أصل صحب...
18/07/2025

-البنت تدخل الصيدلية تقولك عايزه شريط ترياكتين وديكسازون يا دكتور..
-عايزاهم لمين..؟
ليا يا دكتور
-هتستخدميهم لأيه ؟
أصل صحبتي قالتلي دول بيتخنوا وأنا مخطوبه وفرحي قرب وعايزه أتخن🤦‍♂️
..تعااالي هقولك حاجه..
🔸أولاً:
الترياكتين دا أساساً دواء للحساسيه وبيفتح الشهيه كعرض جانبي..غير إنه كمان هيخليكي عايزه تنامي ومفرهده لما تاخديه..
🔸ثانياً:
الديكسازون دا فيه ماده فعاله اسمها "ديكساميثازون" ودي عباره عن كورتيزون وملهاش اي علاقه بزيادة الوزن الا انه بيخزن المايه والاملاح داخل الجسم ف الشخص بيتهيأله انها دهون..
الديكسا ليه مخاطر وأعراض جانبيه كتير منها
-هشاشة العظام
-إرتفاع ضغط الدم والسكر
-قرحة المعدة...
لذلك لو عايزه تزيدي في الوزن إهتمي بالمكسرات والدهون غير المشبعة وظبطي أكلك...الأكل السليم الصحي وممارسة الرياضه مرتين أسبوعياً على الاقل هو مفتاح زيادة الوزن الصحيح ✌🏻👌🏻

Address

فرع ١: أسوان/طريق السادات/خلف مدرسة السلام اكاديمي وبجوار السجل المدني. فرع ٢: أسوان/طريق السادات/أمام مسجد الفاروق وبجوار محل سفرة
Aswan
1240801

Website

Alerts

Be the first to know and let us send you an email when صيدليات د.معاذ فندقلي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category