دكتور أحمد شويحي استشاري الجهاز الهضمي

19/12/2025

19/12/2025

هاكلمكم النهارده باختصار عن الامساك ؛ عرض شائع و ناس كتير بتعاني منه .

الامساك بإختصار حاجة من اتنين .
** عدد مرات اخراج قليلة و بتكون اقل من ٣ مرات في الأسبوع . او
**ان المريض بيعاني من صعوبة في عملية الاخراج زي انه بيضطر يحزق او انه بياخد وقت طويل في الحمام .

الامساك بشكل عام مش عرض خطير لكن لو كان مصاحب بحاجة او اكتر من الأمور دي يبقى لازم تشوف طبيبك علشان تتطمن اكتر .
لو الامساك كان مصاحب معاه 💥💥
١) تغير مفاجيء في طبيعة الاخراج خصوصا لو بعد سن الخمسين .
٢) لو كان مصاحب معاه أنيميا .
٣) لو مصاحب معاه فقدان في الوزن .
٤ ) لو مصاحب معاه نزيف شرجي .
٥) لو كان في تاريخ مرضي في الأسرة للإصابة بسرطان القولون .
لو في حاجه من النقاط الي قلناها يبقى لازم تراجع طبيبك وتتطمن .
دمتم بخير
دكتور أحمد شويحى استشاري امراض الجهاز الهضمي والكبد
العنوان : أسيوط الجديدة مول هابي مول الدور الثالث
تلفون ٠١٥٠١٠٣٧٩٢٥

02/12/2025

25/11/2025

كان عندك اصابة بفيروس الكبد سي و اخدت العلاج و بعدها ربنا اكرم عليك بالشفاء ؛ يبقى البوست دا ليك 💥

بعد ما المريض يخلّص علاجه ويثبت في تحليل الـ PCR بعد 12 أسبوع إن الفيروس اختفى، بيبقى محتاج متابعة منتظمة علشان نطمن إن الكبد في أمان، خصوصًا لو كان فيه تليّف قبل العلاج.

1) التحاليل والمتابعة

تحليل وظايف الكبد :
بتتعمل كل 3–6 شهور في أول سنة، وبعد كده حسب تقييم الدكتور.

تحليل PCR:
مش بيتعمل بشكل روتيني بعد الشفاء، إلا لو في في رجوع العدوى.

2) الأشعة والفحوصات

لو المريض كان عنده تليّف كبدي قبل العلاج، لازم:

سونار على البطن كل ٤ الى ٦ شهور.

تحليل AFP للكشف المبكر عن أي بؤر قد تظهر في الكبد.

3) المحافظة على صحة الكبد

ممنوع تناول المصنعات و المواد الحافظة و المياه الغازية .

الالتزام بأكل صحي وتقليل الدهون علشان نتجنب الكبد الدهني.

وزن مناسب ومشي أو رياضة خفيفة بانتظام.

مفيش أدوية من غير استشارة الدكتور.

التطعيم ضد فيروس A وB لو المريض مش واخدهم قبل كده.

4) علامات لازم تروح بسببها للدكتور فورًا

اصفرار في العينين أو الجلد

ورم في القدمين أو البطن

إرهاق شديد مستمر

براز لونه أسود أو قيء دموي

فقدان وزن ملحوظ من غير سبب.

دمتم بخير.

دكتور أحمد شويحي استشاري الجهاز الهضمي و الكبد.
العيادة أسيوط الجديدة مول هابي مول .
تلفون ٠١٥٠١٠٣٧٩٢٥

14/11/2025

🧈⚠️ خطورة السمن والجبن نباتي الدهن…

في السنين اللي فاتت انتشرت في السوق منتجات كتير عليها كلمة "نباتي"، زي السمن النباتي والجبنة نباتي الدهن. كتير من الناس افتكروا إن كلمة نباتي يعني صحي… وده للأسف مش دايمًا حقيقة.

🌿 يعني إيه "نباتي الدهن"؟

المقصود إن الدهون اللي فيها جاية من زيوت نباتية بدل الدهون الحيوانية.
لحد هنا كله تمام… بس المشكلة مش في "نباتي" على قد ما هي في نوع الزيت وطريقة تصنيعه.

🔬 المشكلة الأساسية: الدهون المتحولة

بعض أنواع السمن والجبن النباتي بتتصنع من زيوت نباتية بتتعرّض لعمليات اسمها الهدرجة.
الهدرجة دي بتخلي القوام يبقى جامد ويمسك نفسه… لكن بتخلق حاجة اسمها:

❌ الدهون المتحولة (Trans Fats)

ودي من أكتر أنواع الدهون اللي الطب بيحذر منها لأنها:

🫀 ترفع الكوليسترول الضار (LDL)

❤️ تقلل الكوليسترول المفيد (HDL)

🧠 تزود خطر الجلطات وأمراض القلب

⚖️ تزوّد الالتهابات وزيادة الوزن مع الوقت

عشان كده منظمات صحية عالمية بتنصح إن نسبتها في الاكل تكون قريبة من الصفر.

🧀 طب والجبنة النباتي الدهن؟

كتير من جبن النباتي الدهن مش معمولة من لبن أصلاً، لكنها مزيج من:

زيوت مهدرجة أو زيوت رخيصة زي زيت النخيل. مضاف عليها مواد حافظة و نكهات غذائية .

وبالتالي قيمتها الغذائية قليلة، ودسمها العالي بيخليها اختيار سيء لصحتنا و لشرايين القلب.

📌 إزاي تختار صح؟

علشان تحمي نفسك:

✔️ 1. لو علبة الجبنة مكتوب عليها نباتي الدهن .....ابعد.

لو اي منتج مكتوب عليه كلمة "زيوت مهدرجة" أو "دهون متحولة"......... ابعد

✔️ 2. اقرأ جدول القيم الغذائية

لو نسبة الدهون المتحولة "Trans Fat" مش صفر ..... ابعد.

✔️ 3. استخدم السمن النباتي في أضيق الحدود

خصوصًا للناس اللي عندهم مشاكل ضغط أو قلب أو كوليسترول.

✔️ 4. بدائل صحية

السمنة البلدي مفيش احسن منها لكن بكمّيات معتدلة .

الزبدة البلدي .

زيت الزيتون .

أجبان طبيعية دسمها معقول زي (الرومي، القريش، الفيتا المصنعة بلبن حقيقي )

🩺 الخلاصة الطبية

السمن والجبن نباتي الدهن مش "خفيف" ولا "صحي". بالعكس دول سبب اساسي في ارتفاع الكوليسترول الضار و سبب رئيسي في تصلب الشرايين و امراض القلب.
دمتم بخير

دكتور أحمد شويحي استشاري الجهاز الهضمي
اسيوط الجديدة مول هابي مول الدور الثالث
ت ٠١٥٠١٠٣٧٩٢٥

13/11/2025

📢 الموضوع مش دايمًا معدتك! خد بالك! ⚠️

كتير مننا بيحسوا بآلام في المعدة و يفتكروا إنها عَرض لحموضة أو مشاكل هضمية عادية، لكن في الحقيقة ممكن الالام دي تكون بداية لذبحة قلبية لا قدر الله💔.

الذبحات القلبية ،❤️‍🩹مش دايمًا بتيجي مع آلام في الصدر ، ساعات بتظهر على شكل وجع في البطن مع شعور بالغثيان ، او القيء !!

امتى افكر ان الم المعدة ممكن يكون عرض لذبحة قلبية ،🚨🚨

لو الالم عند شخص فوق الاربعين و معاه عوامل خطورة زي التدخين و السمنة و امراض الضغط و السكر .

لو الالم بيسمع في اماكن تانية زي الرقبة و الكتف او الدراع .
لو الألم كان مصاحب معاه خفقان او دوار و تعرق او صعوبة في التنفس.

كل دي اعراض بتقولك انك لازم تراجع المستشفى او الطبيب .

رسم القلب فحص بسيط و سريع و هيكشف المشكلة .

لو طبيبك نسي و ما عملش رسم قلب مش عيب انك تفكره و تطلب عمله .
حياتك و صحتك أهم من أي حاجة! 🚑

دمتم بخير ،دكتور أحمد شويحى استشاري الجهاز الهضمي والكبد
أسيوط الجديدة مول هابي مول الدور الثالث.
تلفون رقم : ٠١٥٠١٠٣٧٩٢٥

20/10/2025

تعرف أن قياس محيط خصرك اهم من قياس وزنك .
عايز تبعد عن مقاومة الأنسولين و ارتفاع الضغط و الكوليسترول و كمان الكبد الدهني تابع قياس خصرك .

دكتور أحمد شويحي استشاري الجهاز الهضمي
العيادة أسيوط الجديدة مول هابي مول الدور الثالث
تلفون 01501037925

20/10/2025

🩺 الكبد الدهني — مرض بسيط لو اتلحق بدري و خطير لو تم اهماله.

الكبد من أهم الأعضاء في جسم الإنسان، ووظيفته إنه ينضّف الجسم من السموم، ويساعد في الهضم، وينظّم كتير من العمليات الحيوية. الكبد عبارة عن مصنع متكامل لكن المصنع دا ممكن يتعب مع الوقت و يحصل معاه كسل أو فشل لا قدر الله بسبب بعض العوامل زي الفيروسات و كمان تراكم الدهون .

لما الدهون تتراكم على الكبد بنسبة أعلى من الطبيعي (أكتر من 5 – 10٪ من وزنه)، بنسمي الحالة دي “كبد دهني” أو دهون على الكبد .
طب ايه الي يخلي الدهون تتراكم على الكبد 🤔🤔

١) السمنة الزائدة و زيادة الوزن ، دا اهم سبب في حدوث الكبد الدهني
٢) قلة الحركة و البعد عن ممارسة الرياضة
٣)الاكل غير الصحي زي الوجبات السريعة و النشويات الكتير من مكرونة و رز و عيش .
٤) مرض السكر بالذات من النوع الثاني.
٥) شرب الكحول
٦) ارتفاع نسبة الكوليسترول في الدم
٧) مقاومة الأنسولين .

⚠️ الأعراض:
أغلب الناس مش بتعاني من أعراض واضحة، وبيكتشفوا الحالة بالصدفة عن طريق التحاليل أو الأشعة.

بس أحيانًا ممكن الواحد يحس بحاجه او اكتر من الأعراض دي:

* التعب و الإرهاق .
* تقل أو الم بسيط في الجنب اليمين فوق البطن.

* اصفرار العين و استسقاء البطن في المراحل المتأخرة لو الحالة اتسابت من غير علاج و من غير متابعة .

---

🧪 التشخيص

تحاليل دم علشان نعرف إنزيمات الكبد.

أشعة تليفزيونية (سونار) علشان نشوف الدهون على الكبد.

في حالات معينة، الدكتور ممكن يطلب تحاليل إضافية أو فيبروسكان

🩻 العلاج

مفيش دواء معين للكبد الدهني، لكن أهم نقطة في العلاج هي تغيير نمط الحياة:

نزول الوزن بالتدريج بيفرق كتير.

رياضة على الأقل 30 دقيقة يوميًا.

أكل صحي وتقليل الدهون والسكريات.

ضبط السكر والدهون في الدم لو في مشكلة.

الامتناع عن الكحول.

متابعة منتظمة مع الطبيب.

🛡️ الوقاية

حافظ على وزنك في المعدل الطبيعي.

كُل أكل متوازن وصحي.

اتحرك واعمِل رياضة باستمرار.

لو عندك عوامل خطورة (زي السكر أو السمنة)، اعمل تحاليل دورية .
دمتم بخير.
دكتور أحمد شويحي استشاري الجهاز الهضمي .
عيادة أسيوط الجديدة ، مول هابي مول الدور الثاني
تلفون 01501037925

14/10/2025

🦠 جرثومة المعدة (H. pylori)

جرثومة المعدة هي واحده من أكتر أنواع العدوى البكتيرية المنتشرة في العالم.

البكتيريا دي بتعيش في جدار المعدة ، وبتسبب تهيج والتهابات شديدة ممكن توصل لقرح و ممكن كمان تكون سبب للإصابة بسرطان المعدة لا قدر الله .

📍 أهم الأعراض:

الحموضة المستمرة و الإحساس بحرقان في المعدة.

ألم أو تقلصات في الجزء العلوي من البطن

انتفاخ بعد الأكل

غثيان أو رغبة في الترجيع

فقدان شهية أو نزول في الوزن

🚨 لو ما اتعالجتش:
زي ما قلنا انها ممكن تسبب قرح في المعدة أو الاثنى عشر، وفي حالات قليلة ممكن تؤدي لمضاعفات أخطر مثل القيء الدموي .

💊 العلاج:
بيتكون من كورس مضاد حيوي + دواء يقلل الحموضة، وبيتأكد الطبيب من القضاء على الجرثومة بعد الكورس.

مهم جدًا تاخد العلاج كامل وما توقفوش من نفسك حتى لو حسيت بتحسن.

🧼 الوقاية:

غسل الإيدين كويس قبل الأكل

غسل الأكل والخضار كويس جدًا

تجنب الأكل أو الشرب من أماكن مش مضمونة.

ما تشاركش أدوات الأكل أو الشرب مع حد.

لو حسيت بالأعراض الي قولناها ، متتأخرش… روح للطبيب علشان تعمل التحاليل وتتطمن .
دمتم بخير .
العيادة : أسيوط الجديدة . مول هابي مول الدور الثالث.
تلفون ٠١٥٠١٠٣٧٩٢٥

09/10/2025

في العيادة هنتابع معاكم و نعالج بإذن الله امراض الكبد و الجهاز الهضمي
💥 وعلى سبيل المثال لا الحصر 💥
العيادة تتابع :

أمراض المريء و ارتجاع المريء
التهابات المعدة وقرح المعدة
علاج جرثومة المعدة
امراض الكبد الفيروسية و المناعية
التليف الكبدي و مضاعفاته
متابعة دوالي الكبد بالمنظار
الكبد الدهني
التهابات الامعاء
حساسية القمح
داء كرونز و القولون التقرحيو غيرها من امراض الجهاز الهضمي.
العنوان : أسيوط الجديدة مول هابي مول الدور الثالث
مواعيد العمل الاحد و الاثنبن و الثلاثاء و الاربعاء من كل اسبوع من الساعه ٧ مساء و حتى ال ١٠ مساء
للحجز و الاستفسار يرجى الاتصال على الرقم التالي

01501037925