02/05/2026
أم مرعوبة لأن حرارة ابنها (اللي وزنه 12 كيلو) وصلت 39.5. ادتله معلقتين #سيتال، الحرارة نزلت شوية ورجعت رفعت بعد 3 ساعات, فراحت مدياله معلقتين #بروفين.. وفضلت تبدل بينهم طول الليل وهي مش حاسبة الجرعات صح.
الصبح، الطفل دخل الطوارئ بترجيع مستمر، جفاف شديد، وإنزيمات الكبد والكلى في السما!
إيه اللي حصل؟ إزاي أدوية #أطفال آمنة جداً تتحول لسموم في ليلة واحدة؟!
عشان نفهم الكارثة، لازم نعرف كل دواء بيروح فين وبيشتغل إزاي:
الباراسيتامولِ (فخ الكبد):
دواء أطفلا. لو تأخد بالجرعة المظبوطة أوالمساف عن الكلكيل من
عن 4-6 ساعات, الكبد ما بيلحقش يكسر الدواء، وبتتراكم مادة سامة اسمها (NAPQI) بتدمر خلايا الكبد في صمت!
الإيبوبروفين (فخ الكلية والجفاف):
ده بيعتمد على الكلى عشان يخرج من الجسم. الطفل اللي حرارته عالية بيكون غالباً فاقد سوائل (عرق ومابيرضعش أو مابياكلش). لما بندي إيبوبروفين لطفل عنده "جفاف"، الدم اللي واصل للكلية بيقل جداً، . (Acute Kidney Injury) وبندخله في فشل كلوي حاد
لخبطة التبادل: لما الأم بتبدل بين الدوايين كل 3 ساعات, بتفقد السيطرة على حساب الجرعات القصوى في ال 24 ساعة، وبتضاعف الضغط على أعضاء الطفل الصغير.
كصيادلة، دورنا إننا نوقف المهزلة دي ونعلم الأم إزاي تتعامل مع السخونية بآمان تام.
قواعد خافض الحرارة للأطفال:
كبر غلطة هي الجرعة بالعمر ("معلقة صغيرة عشان هو 3 سنين").
الجرعة دايماً بالوزن.
الباراسيتامول هو البطل الأول:
دايماً بنبدأ بالباراسيتامول لأنه أمِن على المعدة والكلى. مابندخلش الإيبوبروفين إلا لو الحرارة عنيدة جداً ومابتنزلش.
قاعدة التبادل (الخط الأحمر) :
التبادل بين الدوايين مش ممنوع، بس ال Guidelines بتنصح بعدم اللجوء ليه إلا في أضيق الحدود، وبتوجيه طبي, عشان لخبطة الجرعات. ولو اضطرينا، بنخلي الفرق 4 ساعات على الأقل بين الدواء والتاني.
شرط الإيبوبروفين: قبل ما تطلع علبة البروفين من الصيدلية، اسأل الأم:
"الطفل بيشرب ماية أو بيرضع كويس؟". لو الطفل بيرجع أو عنده إسهال شديد وجفاف، الإيبوبروفين ممنوع تماماً عشان نحمي كليته.
السرنجة مش المعلقة: انصحي الأم دايماً تسحب الدواء بسرنجة مدرجة (وتشيل السن طبعاً). معلقة الشاي في البيت ممكن تكون 2 مللي وممكن . Toxicity أو Underdosing مللي، وده بيعمل 7 تكون
إحنا مش بنطفي حريقة السخونية بأي تمن.. إحنا بننزل الحرارة واحنا محافظين على أجهزة الطفل من جوه. الدواء اللي بيتاخد بالبركة، نتيجته بتيجي بالصدفة، وأحياناَ الصدفة بتكون قاسية.
