12/06/2026
لسه فيه أم متعرفش !!؟؟
☝️ان الطفل لما بيتولد بياخد
حقنة فيتامين ك عضل والجرعة الصفرية للإلتهاب الكبدي ب عضل
في المستشفي
☝️ان (السرسوب) كافي جداً للطفل في أول ٧٢ ساعة ،، وفكرة اللبن الصناعي غلط ، لأن الطفل بيلاقي مصدر اسهل وبمجهود قليل يبدأ يتعود عليها،،
☝️رفقاء الدرب:
محلول الملح لتسليك الأنف
سيمثيكون للإنتفاخ
أي كريم فيه زنك وقايه للتسخلات
فيتامين د ٤ نقط يومياً أول سنة
☝️ابعدي عن المسبك والموالح والشيكولاته والمياة الغازية عشان بتساعد في زيادة المغص والانتفاخ مع الطفل من خلال الرضاعة،،
كلي بلح وعجوه وحلاوة طحينية وجرجير واشربي لبن وحلبة ومياة كتير هيزود ادرار اللبن 👌
☝️ان الصفرا الفسيولوجية علاجها الرضاعه و متابعه مع الدكتور
☝️ان وقت الرضاعة من ١٠-٢٠ دقيقة من الثدي الواحد علشان نضمن وصوله للبن نهاية الرضعه اللي كله بروتينات مفيدة لزيادة الوزن وراحة بطن الطفل
☝️ان التطور الحركي:
٣شهور يصلب راسه
٦شهور يقعد مسنود
٧شهور يقعد لوحده
سنه يقف مسنود
سنه و٣شهور لحد سنه و٨ شهور يمشي
و مش لازم يزحف
☝️ان التطعيمات الإختيارية :
📍تطعيم روتا ،،ضد فيروس روتا اللي بيسبب نزله معوية
📍مكورات رئوية،، ودي بكتيريا بتسبب ٤ امراض التهاب رئوي-التهاب سحائي-التهاب اذن وسطي-تسمم دم
☝️موضوع السيتال قبل التطعيم بطلناه وطلع بيأثر على فاعلية التطعيم،، فنخلي السيتال بعد التطعيم وعند اللزوم لو فيه حراره عاليه او صراخ غير طبيعي من الالم
👌ان مش كل بكاء للطفل معناه انه جعان وهوووب لبن صناعي ،،، ادخال اللبن الصناعي للطفل محتاج اثبات ان الطفل مش بيزيد مع لبن الأم بالمعدل الطبيعي
☝️ان مش كل شوية مغص او انتفاخ او ترجيع وتسلخات نجري نقول حساسية ألبان ،، الموضوع بقا أوڤر شويتين 🤦♂️
☝️🔹الوزن الطبيعي للولاده من ٢.٥-٣.٥ كجم
وبيزيد في اول ٤ شهور ٣ كجم بمعدل ٧٥٠ جم في الشهر
وتاني ٤ شهور ٢ كجم بمعدل ٥٠٠ جم في الشهر
وتالت ٤ شهور ١ كجم بمعدل ٢٥٠ جم في الشهر
🔹الطول
الولاده حوالي ٥٠ سم
وفي اول ٦ شهور بيزيد من ١٢-١٥ سم بمعدل ٢ -٢.٥ سم كل شهر
وتاني ٦ شهور حوالي ٩ سم بمعدل ١.٥ سم كل شهر
🔹محيط الراس
عند الولادة ٣٤-٣٥ سم
٦شهور ٤٤سم
سنه ٤٧ سم
