DrHyper

DrHyper دكتور هايبر (DrHyper) 🩺

نكمل بقى صيام العمر كله علشان نحافظ على الأرقام الجميلة دي ❤
11/07/2026

نكمل بقى صيام العمر كله علشان نحافظ على الأرقام الجميلة دي ❤

09/07/2026

👨‍⚕️ إدارة عيادتك طبيًا وإداريًا... في مكان واحد.

مع Dr Hyper Med هتدير الروشتات، وملفات المرضى، والحجوزات، والتقارير المالية بكل سهولة.

✅ مساعد طبي ذكي مدعوم بأحدث الـ Guidelines العالمية.
✅ أكثر من 5,500 دواء مصري بأحدث الأسعار والاستخدامات مع التداخلات الدوائية وحساب الجرعات وفحص الحمل والرضاعة وجرعات الكلى.
✅ يعمل من الموبايل أو التابلت أو اللابتوب.
✅ طباعة أو إرسال الروشتة PDF أو عبر واتساب بضغطة واحدة.

وغيرهم كتير ...

ارفع من كفاءة عيادتك ووفر وقتك وركز مع مرضاك. 🚀
ابعتلنا دلوقتي واستفيد بالخصومات والهدايا الحالية ❤

04/07/2026

السكر الأبيض هو سبب إبقائك على الحياة!

مع بداية موسم المانجة .. تذكير لوجه الله الدكتور ضياء العوضي الله يرحمه كان مانع المانجةفمحدش من متبعي نظام الطيبات يقرب...
02/07/2026

مع بداية موسم المانجة .. تذكير لوجه الله
الدكتور ضياء العوضي الله يرحمه كان مانع المانجة
فمحدش من متبعي نظام الطيبات يقرب منها بعد إذنكم لأنه ممكن يسخن أو يجيله دور برد أو شعره يقع 🤕
ومتنساش كمان يا أخي الكريم إن اللي برا النظام دا ٥ سم مش سليم فمحدش يضعف قدام المانجا مش ناقصة تعب الله يرضيكم ❤😎

01/07/2026

الخضار مرشوش بس البطاطس محدش بيرشها ❤

هم يبكي 😭 باشاااع سلملي ع الدكتور ضياء ❤
01/07/2026

هم يبكي 😭
باشاااع سلملي ع الدكتور ضياء ❤

في حاجات تخص صحة الانسان مفيهاش هزار، ومن أهمها "الوقت" في حالات السكتة الدماغية. الفكرة مش مجرد تعب وهيروح لحاله، الفكر...
01/07/2026

في حاجات تخص صحة الانسان مفيهاش هزار، ومن أهمها "الوقت" في حالات السكتة الدماغية.

الفكرة مش مجرد تعب وهيروح لحاله، الفكرة إن كل دقيقة بتعدي ليها تمن غالي جداً.
​🧠 ليه كل دقيقة بتفرق مع المريض؟
​ببساطة، السكتة الدماغية بتحصل لما الدم اللي رايح للمخ يقف (سواء بسبب جلطة سدت الشريان أو نزيف).
​المخ بيخسر حوالي 2 مليون خلية عصبية في الدقيقة الواحدة اللي بيتقطع فيها الدم!
​يعني التأخير مش بس بيطول فترة العلاج، ده بيعمل تلف دائم في أجزاء من المخ مسؤوليتها الحركة أو الكلام أو غيره.
عشان كده القاعدة الطبية الذهبية بتقول: "الوقت هو المخ" (Time is Brain).
العلاج السريع (في أول 3 لـ 4 ساعات) بيقلل نسبة العجز بشكل كبير جداً وبيزود فرص النجاة.

​🚨 إزاي تلقطها بسرعة؟ (اختبار الـ FAST)
​عشان تنقذ حياة أي حد قدامك، سواء من أهلك أو حتى حد في الشارع، افتكر الاختبار البسيط ده وطبقه في ثواني:
​الوش (Face): شوف هل في جزء من وشه معووج أو ساقط لتحت؟
​الدراع (Arms): خليه يرفع دراعاته الاتنين قدامه.. هل في دراع مش قادر يرفعه أو بيقع منه لوحده؟
​الكلام (Speech): خليه يقول جملة بسيطة.. هل كلامه تقيل، متلخبط، أو مش قادر يتكلم أصلاً؟
​الوقت (Time): لو لقيت عَرض واحد بس من دول، مفيش وقت تستنى وتشوف "يمكن يروق كمان شوية".. اطلب الإسعاف أو اجري بيه على أقرب طوارئ مستشفى مجهزة فوراً! 🚑

​💡 نصيحة في السريع:
​لو شكيت إن اللي قدامك عنده سكتة دماغية، ماتديلوش أي أدوية سيولة من دماغك (زي الأسبرين)، لأنك ماتعرفش دي جلطة ولا نزيف، الأسبرين في حالة النزيف بيزود النزيف اكتر وممكن يموت المريض.
التدخل الطبي السريع هو الحل الوحيد.

​شير البوست ده ووعّي غيرك.. المعلومة البسيطة دي ممكن تكون السبب في إنقاذ حياة إنسان أو حمايته من شلل يعيش بيه طول عمره. الدقيقة بجد بتفرق! 🙏👇

أقل واحد في نظام الطيبات وهو بيشرح نظرياته العلمية اليومين دول ❤
29/06/2026

أقل واحد في نظام الطيبات وهو بيشرح نظرياته العلمية اليومين دول ❤

☀️ احذر الشمس… الإجهاد الحراري غير ضربة الشمس!مع الحر الشديد، في ناس كتير بتتعب في الشارع أو الشغل أو المواصلات، وبيبقى ...
28/06/2026

☀️ احذر الشمس… الإجهاد الحراري غير ضربة الشمس!

مع الحر الشديد، في ناس كتير بتتعب في الشارع أو الشغل أو المواصلات، وبيبقى مهم نعرف نفرّق بين حالتين:
الإجهاد الحراري وضربة الشمس.

الإجهاد الحراري غالبًا بيحصل لما الجسم يفقد مياه وأملاح كتير بسبب العرق، وده ممكن يسبب:
دوخة، صداع، إرهاق شديد، عرق غزير، تقلصات في العضلات، غثيان أو قيء، عطش شديد، ونبض سريع.

هنا لازم الشخص يدخل مكان ظل أو مكان مكيف، يخفف هدومه، يشرب مياه لو واعي وقادر يبلع، ونحاول نبرّد جسمه بكمادات أو مياه باردة.

لكن ضربة الشمس أخطر بكتير.

ضربة الشمس معناها إن الجسم فقد قدرته على تبريد نفسه، ودي حالة طوارئ ممكن تأثر على المخ والكلى والكبد والقلب.

علامات الخطر اللي تقلقك:
لخبطة أو هذيان، كلام مش واضح، إغماء، تشنجات، حرارة عالية جدًا، تنفس سريع، نبض سريع، أو إن الشخص يبقى سخن جدًا ومش في وعيه الطبيعي.

ومعلومة مهمة:
مش شرط مريض ضربة الشمس يبقى جلده ناشف، ممكن يكون بيعرق عادي، خصوصًا لو كان عامل مجهود في الحر.

تعمل إيه فورًا؟
انقل الشخص لمكان بارد، خفف هدومه، ابدأ تبريد الجسم بمياه باردة أو كمادات أو مروحة، واتصل بالإسعاف فورًا لو في لخبطة، إغماء، تشنجات، أو حرارة شديدة.

وخلي بالك:
خافض الحرارة مش هو الحل الأساسي في ضربة الشمس، الحل الحقيقي هو التبريد السريع وطلب المساعدة الطبية.

نصايح بسيطة تحميك:
اشرب مياه باستمرار حتى لو مش عطشان، بلاش التعرض للشمس وقت الذروة، البس هدوم فاتحة وواسعة، استخدم كاب أو شمسية، وماتسيبش طفل أو كبير سن في عربية مقفولة أبدًا.

الشمس مش هزار… خليك واعي واحمي نفسك وأهلك. ☀️







الأيام اللي فاتت كان بيقابلني منشورات في جروبات نظام الطيبات عن ناس بتكتب إن سكرها مرتفع، وكنت بشوف نصائح غريبة ممكن تود...
24/06/2026

الأيام اللي فاتت كان بيقابلني منشورات في جروبات نظام الطيبات عن ناس بتكتب إن سكرها مرتفع، وكنت بشوف نصائح غريبة ممكن تودي مريض السكر في داهية.

ومن ضمن الكلام إن حد بيقول إن ارتفاع السكر كويس جدًا، وإن الدكتور ضياء العوضي كان بيقول:
“سيب السكر يعلى… عشان لما السكر يعلى الكبد بينضف.”

والحقيقة إن الجملة دي مش بس غلط علميًا… دي خطيرة جدًا على أي مريض سكر يسمعها ويصدقها.

ببساطة شديدة:
الكبد مش “فلتر” بينضف لما السكر يعلى.

الكبد عضو مهم جدًا في تنظيم السكر في الدم.
لما السكر يزيد بعد الأكل، الجسم المفروض يطلع إنسولين يساعد الخلايا تستخدم السكر، ويساعد الكبد يخزن جزء منه.

لكن لما السكر يفضل عالي، ده مش معناه إن الكبد بيتنضف.
ده معناه إن الجسم مش قادر يتعامل مع السكر كويس.

يعني السكر العالي مش علامة تنظيف…
السكر العالي علامة خلل.

طيب السكر العالي لفترة طويلة ممكن يعمل إيه؟

ممكن يخلي المريض عطشان وداخل الحمام كتير؛ لأن السكر العالي ينزل في البول ويسحب معاه ميه.
ممكن يزود خطر مشاكل الكلى.
يأثر على العين.
يبوظ الأعصاب.
يزود خطر مشاكل القلب والشرايين.
يضعف التئام الجروح.
وفي حالات معينة، خصوصًا مع نقص الإنسولين أو السكر العالي جدًا، ممكن يدخل المريض في حموضة كيتونية أو جفاف شديد وغيبوبة.

وده مش كلام كتب وخلاص.
ده شيء بنشوفه يوميا في المستشفيات مع مرضى سكر أهملوا في العلاج وفي نظامهم الغذائي لمدة طويلة.

يعني اللي بيقول لمريض السكر:
“سيبه يعلى عشان الكبد ينضف”

ده كأنه بيقول لواحد العربية بتسخن:
“سيبها تولع عشان الموتور ينضف.”

الجسم مش بيتنضف بالسكر العالي.
الجسم بيتضرر بالسكر العالي.

آه، انخفاض السكر خطر.
وآه، كل مريض له هدف مناسب حسب سنه وحالته وأدويته.
لكن مفيش إرشاد طبي محترم بيقول لمريض السكر:
سيب السكر يعلى عشان الكبد ينضف.

دي مش شجاعة طبية.
دي معلومة مضللة ممكن تودي مريض في كارثة.

مريض السكر محتاج متابعة، تحليل، علاج مضبوط، أكل مناسب، حركة، وفهم صح.
مش جملة عشوائية تخليه يسيب السكر يضرب في جسمه بحجة “تنضيف الكبد”.

ولو السكر عالي جدًا، أو معاه قيء، ألم بطن، نهجان، دوخة، زغللة شديدة، نعاس، لخبطة، أو جفاف واضح… ده مش وقت تجارب. ده وقت تواصل مع طبيب أو طوارئ.

السكر العالي مش تنظيف.
السكر العالي إنذار.



#السكري
#صحة

Address

بنها
Benha

Website

Alerts

Be the first to know and let us send you an email when DrHyper posts news and promotions. Your email address will not be used for any other purpose, and you can unsubscribe at any time.

Shortcuts

Share

Category