نبض التمريض

13/05/2026

23/04/2026

🛑 يا عشاق التمريض.. خلي بالك وأنت بتعلق "المانيتول" (Mannitol)! 🛑
​المانيتول مش مجرد محلول ملح ولا جلوكوز، ده "المدفع الثقيل" اللي بنطلعه في حالات الطوارئ. وعشان تكون برنس في شغلك، لازم تعرف الكلمتين دول:
​🔍 ليه بنعطيه للمريض؟ (الهدف من المهمة)
​شفاط للمخ: لما الضغط جوه الجمجمة يعلى (High ICP)، المانيتول بيسحب المية من خلايا المخ للدم عشان "يفش" الورم.
​شغّال للكلى: في حالات معينة بنستخدمه كـ (Osmotic Diuretic) عشان يحفز الكلى تخرج بول وتحمي نفسها من الفشل الكلوي.
​⚠️ تكات التمريض (اللي بتفرق الشاطر من اللي بيقضي واجب):

​❄️ فخ الكريستالات: المانيتول "حساس" جداً للبرد، لو لقيته معكر أو فيه فتافيت سكر (Crystals)، أوعى تعلقه! لازم تدفيه (مثلاً في حمام مية دافية) لحد ما يرجع شفاف تماماً، وتسيبه يبرد لدرجة حرارة الجسم قبل ما تبدأ.

​💉 الكانيولا وسرعة الحقن: المانيتول تقيل، بيحتاج كانيولا واسعة ومكانها مظبوط لأن خروجه بره الوريد (Extravasation) بيعمل مشاكل جامدة في الأنسجة. وغالباً بيتاخد "Fast Infusion" حسب أمر الدكتور.
​🚽 القسطرة هي ميزانك: أول ما المانيتول يدخل، لازم "كيس جمع البول" يكون تحت عينك. بنحسب الـ (Input & Output) بالمللي، لأننا بنراقب الكلى والضغط.
​🫁 اسمع صدر المريض: خايفين من (Fluid Overload)، لو المريض بدأ ينهج أو حسيت بـ "كركرة" في صدره، بلغ فوراً!
​💡 ملخص سريع:
​المانيتول = ضغط مخ قليل + بول كتير + تركيز عالي من التمريض! 😉

الصورة بتوضح قبل وبعد التدفئه
​منشن لزميلك اللي دايمًا بيسأل "ليه بنسخن قزازة المانيتول؟" وعرفه السر!

23/04/2026

اللي قدامك دا هو البروبوفول propofol.. ومشهور بـ Diprivan.. اكتر امبول لونه مثير للجدل
تعالي نتكلم عن 4 نقاط مهمة
1. البروبوفول هو rapid onset.. short duration
يشتغل بسرعـــــة خلال 30 ثانية.. وتأثيره المنوم يختفي ف خلال ثواني برضو
وذلك وهناا بقى الحتة الـ practice.. ان لو عيانـك متوصل بـ propofol infusion.. وكانت ع ڤينت مثلاا و الـ infusion وقف او خلص وانت مش واخد بالك.. ممكن العيان يصحى ويشد التيوبة accidental extubation
او اي catheter او tube تانية

2. تتـــابع ضغط الدم قبل واثناء الـ infusion.. لأنه بيعمل hypotension و بشكل شائع جداا علفكرة
ب كذا mechanism .. زي اي ي عمرو !؟ direct vasodilation توسيع ف الاوعية الدموية
لماا الأوعية تتوسع.. الـ SVR تقل فيحصل drop ف ضغط الدم negative inotropic effect
انقباضية القلب تقل، فالـ stroke volume تقل وبالتالي الـ cardiac output يقل فيحصل انخفاض ف ضغط الدم

3. بيعمل respiratory depression او apnea مع الجرعات العاليــــة او كتأثير synergistic لو اتاخد مع أدوية تخدير تانية زي الميدازولام
يعني ببساطة ريسك الـ apnea بيزيد
ولذلك لازم كـاحتياط مهم جدا.. نكون مجهزين الـ airway support... اكسجين و تيوبة و ڤينت

4. بيعمل حااجة اسمهاا propofol infusion syndrome. مع الاستخدام الطويل لاكتر من 48 ساعة بجرعات عالية ، واللي بيكونوا ع steroids، ومرضى الـ sepsis ومرضى الـ TBI
وبتكون عبارة عن cardiac depression مع lactic acidosis.. وتعتبر حالة خطيرة جدا جدا ولكن حدوثها نادر
rare adverse effect

#تمريض

22/04/2026

❌ مينفعش تكون Professional Nurse ومتعرفش يعني إيه VAP Bundle!
​لو شغال في عناية مركزة (ICU) الكلمة دي هي "خطة الدفاع الأولى" عن مريضك
تعالوا نفهمها ببساطة.. ابسطهاااالگ:

​🔍 يعني إيه VAP؟
​Ventilator-Associated Pneumonia
يعني التهاب رئوي حاد بيصيب المريض "بسبب" وجوده على جهاز التنفس الصناعي ودي من أخطر عدوى المستشفيات اللي ممكن تطول مدة إقامة المريض أو تهدد حياته.

​🛡️ يعني إيه Bundle؟
​هي "حزمة" إجراءات (5 خطوات أساسية عالمياً) لو عملتهم مع بعض بتقلل فرصة حدوث العدوى دي لدرجة تقترب من الصفر
⚠️ حاجه مهمة الـ Bundle لازم يتطبق كله.. لو وقعت خطوة كأنك معملتش حاجة

​✅ الـ 5 خطوات للـ VAP Bundle:
​1️⃣ Bed Elevation (زاوية 30° - 45°):
​لازم رأس السرير تكون مرفوعة عشان نمنع الـ Aspiration (دخول إفرازات المعدة أو الفم للرئة)
​⚠️ استثناء: حالات إصابات العمود الفقري أو الرقبة (Cervical injury) يناموا Flat

​2️⃣ Sedation Vacation (تقليل المهدئات):
​يومياً بنقلل أو نوقف أدوية التخدير (Doctor order) عشان نشوف المريض يقدر يتنفس لوحده ولا لأ؟
​الهدف: كل ما فاق المريض بدري، اتفصل من الجهاز أسرع = مفيش VAP

​3️⃣ Peptic Ulcer Prophylaxis (حماية المعدة):
​بنستخدم أدوية زي الـ PPI (كنترولوك أو بانتازول) عشان نمنع قرحة المعدة
​ليه؟ لأن بكتيريا المعدة لو زادت ممكن تطلع (Reflux) وتوصل للرئة وتعمل التهاب

​4️⃣ DVT Prophylaxis (منع الجلطات):
​المريض "Bedridden" يعني عرضة لجلطات الساق، والجلطة ممكن توصل للرئة وتعمل pulmonary embolism وتخليه يقعد وقت اكتر علي الVent

​الوقاية: (كليكسان/هيبارين) أو ميكانيكياً بـ (الشراب الضاغط أو جهاز الـ Foot pump)

​5️⃣ Oral Care with Chlorhexidine:
​غسيل الفم بمطهر (كلوروهيكسيدين 0.12%) كل ساعتين لـ 4 ساعات
​الفم هو "مخزن" البكتيريا، فإحنا بنقتلها في مكانها قبل ما تنزل مع التيوبة للصدر

​✨ تريكات الـ Professional Nurse :
​Subglottic Suction: لو التيوبة فيها فتحة شفط فوق الـ Cuff، لازم نشفط منها بانتظام لأن دي أكتر منطقة بيتجمع فيها "secretion" بتنزل للرئة
​Hand Hygiene: غسيل الإيد قبل ما تلمس دائرة التنفس هو أهم خطوة فعلية لمنع انتقال العدوى

​عايزين نتكلم في ايه المره الجايه؟

22/04/2026

ناس كتير فاكرة إن كيس الدم بيطلع من دراع المتبرع يروح لدراع المريض فوراً، لكن الحقيقة إن الكيس ده بيمر بـ رحلة طويلة ومعقدة عشان نضمن إنه يبقى آمن وفعّال.

و ​تعالى مع أبو الصلح نعرف الكيس بيروح فين وبيحصل فيه إيه من ساعة ما المتبرع بيمشي 👇
​🎟️🎟️🎟️🎟️🎟️🎟️🎟️

​1️⃣ مرحلة التجميع (The Collection):
المتبرع بيتبرع بحوالي 450 مل دم في كيس فيه مادة مانعة للتجلط (غالباً CPDA-1). الكيس ده بنسميه "دم كامل" (Whole Blood).

​2️⃣ الفحوصات (Testing & Screening): 🔬
قبل ما نلمس الكيس، لازم يتفحص فحص شامل ودقيق جداً لـ 5 حاجات أساسية (عشان مانيذيش المريض):
​الفصيلة وفصيلة الـ (Rh).
​فيروس سي (HCV).
​فيروس بي (HBV).
​فيروس نقص المناعة (HIV).
​مرض الزهري (Syphilis).
​(وأحياناً الملاريا وغيرها حسب بروتوكول كل بلد).

​3️⃣ مرحلة الفصل (Processing & Separation):
هنا بقى السحر كله! الدم "الكامل" نادراً ما بنستخدمه زي ما هو.
الكيس بيدخل جهاز "طرد مركزي" (Centrifuge) بيلف بسرعة رهيبة عشان يفصل مكونات الدم لـ 3 حاجات:
▪️​كرات دم حمراء مركزة (Packed RBCs): لمرضى الأنيميا والنزيف.
▪️​بلازما (FFP): لمرضى السيولة والكبد.
▪️​صفائح دموية (Platelets): للي عندهم نقص صفائح أو نزيف حاد.
(وبكده المتبرع الواحد ممكن ينقذ حياة 3 مرضى مختلفين!)

​4️⃣ تخزين الدم (Storage):
كل مكون من دول له "سكن" خاص بيه:
▪️​الكرات الحمراء: بتعيش في التلاجة (2-6 درجات) لمدة تصل لـ 42 يوم.
▪️​البلازما: بتتجمد وتعيش في الفريزر (تحت -18 درجة) لمدة سنة!
▪️​الصفائح: بتعيش في درجة حرارة الغرفة مع "هز مستمر" لمدة 5 أيام بس.
​🎟️🎟️🎟️🎟️🎟️🎟️🎟️
🛑 هتقولي فين تريكاتك وحركاتك يا عم صالح؟ 😍
بص يا سيدي 👇

​1️⃣ كود الكيس: 🏷️
كل كيس له رقم كودي (Barcode) موحد. الرقم ده هو "البطاقة الشخصية" للكيس، بيعرفنا مين المتبرع، ومين المريض اللي استلمه، وفين ومبدأ (Traceability) ده أساسي عشان لو حصلت أي مشكلة نرجع لأصلها.

​2️⃣ دم مفلتر" (The Leukoreduction):
زي ما اتكلمنا قبل كده، في المرحلة دي ممكن الكيس يعدي على فلتر يشيل كرات الدم البيضاء ويبقي تم فلترته من بدري

​3️⃣ الجرد المستمر:
بنك الدم بيعمل جرد يومي عشان الفصائل النادرة (زي O- و AB-)، وأول ما الكيس يقرب تاريخ صلاحيته يخلص، بيبقى فيه تنبيه عشان نلحق نستخدمه قبل ما يترمي (Waste).
​🎟️🎟️🎟️🎟️🎟️🎟️🎟️
​💡 سؤال للمحترفين اللي متابعين أبو الصلح 😍👇

"يا صديقي .. لو كيس الدم خرج من التلاجة وقعد في القسم أكتر من 30 دقيقة من غير ما يتركب للمريض، هل ينفع نرجعه التلاجة تاني؟"

​✅ الإجابة: طبعاً لأ! ❌
قاعدة الـ 30 دقيقة (30-minute rule) بتقول إن لو الكيس درجة حرارته عليت عن 10 درجات مئوية، البكتيريا بتبدأ تنشط فيه، ولو مرجعتهوش خلال نص ساعة، الكيس ده بيعتبر "تالف" ولازم يترمي حفاظاً على حياة المريض.

اقصد ان كيس الدم لو طلع من الثلاجة وقعد أكتر من. نص ساعة والمريض مش هياخده يبقي الكيس كده ما ينفعش يتخزن تاني

بسبب فقدان التحكم في درجة الحرارة (temperature control) واحتمال وصوله لأكثر من 10°C وده بيأثر على جودة وسلامة الدم
​🎟️🎟️🎟️🎟️🎟️🎟️🎟️
💐 لو حابب المرة الجاية نتكلم عن أي موضوع تاني.. اكتب لي في الكومنتات.
وما تنساش تصلي علي النبي وتتابعنا عشان اللي جاي خير بإذن الله #التمريض

🎯المحتوي متعوب عليه فلا تنسانا من الشير 💚

14/04/2026

مقياس جلاسكو لتقييم درجه الوعي

13/04/2026

النسبة الطبيعيه :

1. ضغط الدم : 120 / 80
2. النبض : 60 - 100
3. درجة الحرارة : 36.8 - 37
4. التنفس : 12 - 16
5. الهيموجلوبين : ذكور ( 13.50 - 18 )
إناث ( 11.50 - 16 )
6. الكوليسترول : 130 - 200
7. البوتاسيوم : 3.50 - 5
8. الصوديوم : 135 - 145
9. الدهون الثلاثية : 220
10. كمية الدم بالجسم : 5 - 6 لتر
11. السكر : للأطفال ( 70 - 130 )
للبالغين : 70 - 115
12. الحديد : 8 - 15 ملغم
13. كريات الدم البيضاء : 4000 - 11000
14. الصفائح الدموية : 150000 - 400000
15. كريات الدم الحمراء : 4.50 - 6 مليون ..
16. الكالسيوم : 8.6 - 10.3 mg / dL
17. فيتامين د٣ D3 : ٢٠ - ٥٠ ng / ml ( نانو جرام لكل ملي لتر )
18. فيتامين B12 :
200 - 900 بيكو غرام / مل

09/03/2026

هدفنا إننا نسهل لكم المعلومات الطبية والتمريضية بطريقة بسيطة وواضحة❤️