Life Nursing

Life Nursing الصح دايمًا أبسط مما تتخيل، بس محتاج وعي وفي تمريض الحياة،
دي مسئوليتنا...خليك واعي ليك ولغيرك 🫀❤️

🚨 عضة كلب؟ خربشة قطة؟ متستناش ظهور أي أعراض!📍جمعنالك أماكن ومراكز تطعيم السعار التابعة لوزارة الصحة في المحافظات المختلف...
30/05/2026

🚨 عضة كلب؟ خربشة قطة؟ متستناش ظهور أي أعراض!

📍جمعنالك أماكن ومراكز تطعيم السعار التابعة لوزارة الصحة في المحافظات المختلفة، عشان تقدر توصل لأقرب مركز ليك بسهولة وفي أسرع وقت.

⚠️ احتفظ بالبوست، وابعتّه لأي حد ممكن يحتاجه في أي وقت. معلومة بسيطة بس مهمة

📞 الخط الساخن لوزارة الصحة: 105

🔄 شارك البوست في الجروبات ومع أصحابك وأهلك عشان يوصل لأكبر عدد ممكن.

#السعار









29/05/2026

لو عضدك كلب تعمل ايه وتتصرف ازاي 🐕😨❓⁉️
#توعيةصحية #اسعافات
#طوارئ #السعار #عضة #التطعيم

28/05/2026

دي التدريبات الموجوده الخاصة ب مستشفيات السعودي الألماني القاهرة _ اسكندرية
- تدريب الصيدلة
- برنامج التدريب الطبي الحيوي
- برنامج التدريب الداخلي في المختبر
- برنامج تدريب العلاج الطبيعي
- برنامج تدريب مكافحة العدوى
- برنامج التدريب الداخلي لطب الأسنان
- برنامج تدريب العلاج الإشعاعي
مقاعد محدودة متاحة وقدم الآن: https://forms.office.com/r/qtBmDxRWXi?origin=lprLink
لينك التقديم

27/05/2026

Happy Eid 🎈
كل سنة وأنتم طيبين وبخير 🐑🤍
يارب العيد يدخل عليكم بالفرحة والراحة والرزق
ويفضل الضحك واللمة الحلوة ماليين أيامكم ✨

بقلوب مؤمنة بقضاء الله وقدرهننعي زميلتنا سلمي عمرربنا يرحمها ويغفر لها ويسكنها فسيح جناتهواجعل قبرها روضة من رياض الجنة...
23/05/2026

بقلوب مؤمنة بقضاء الله وقدره
ننعي زميلتنا سلمي عمر
ربنا يرحمها ويغفر لها ويسكنها فسيح جناته

واجعل قبرها روضة من رياض الجنة
وألهم أهلها وأحبابها الصبر والسلوان
إنا لله وإنا إليه راجعون

✨✨❤️
12/05/2026

✨✨❤️

في اليوم العالمي للتمريض ❤️هو مش مجرد يوم بنحتفل بيه و بيعدي قد ما هو ذكرى جميلة بنفتكر فيها المشوار من أول خطوة دخلنا ف...
11/05/2026

في اليوم العالمي للتمريض ❤️

هو مش مجرد يوم بنحتفل بيه و بيعدي
قد ما هو ذكرى جميلة بنفتكر فيها المشوار من أول خطوة دخلنا فيها المجال…

سواء كنت مدرسة
أو معهد
أو كلية

بنفتكر كل تعب
كل شفت
كل إمتحان
وكل واحد وقف جنمبنا وساعدنا وعلمنا حاجة فرقت معانا

وبنفتكر دايما إن محدش هيعيش حياة شبه حياة التمريض
مهنة بتعلمك تبقى قوي وانت تعبان
ورحيم وانت مضغوط
وسند لغيرك حتى لو محدش حاسس بيك

وعشان كده
اليوم ده مش عشان نقول إننا الأقوى أو الأحسن
لأن الحقيقة إن ده بنعيشه كل يوم…..

في كل شفت
في كل موقف
وفي كل لحظة بنختار فيها نكمل ❤️

شارك معانا صورتك في الكومنت 🩺
شارك صورة التيم بتاعك و اشكره 👨‍⚕️👩‍⚕️
أو صورة شخص كان سبب في نجاحك ❤️
وقوله:

شكرا من كل قلبي وخليها ذكري جميلة ❤️
Happy Intrantional nurses day

في وسط الزحمة والضغط والشغل…ومن برايفت لحكومة…أوقات بننسى إن دور التمريض مش بس أدوية، ومتابعة حالات، وقياسات، و مستشفيات...
09/05/2026

في وسط الزحمة والضغط والشغل…
ومن برايفت لحكومة…

أوقات بننسى إن دور التمريض مش بس أدوية، ومتابعة حالات، وقياسات، و مستشفيات وبس

التمريض الحقيقي… برضوا أصحاب رسالة وعي ❤️

وعي صحي…
وعي نفسي…
وعي مجتمعي…

خصوصا بقي في الأماكن اللي المعلومة الصح صعب توصلها بسهولة او المعلومة بتبقي شبه معدومة و أحيانا مغلوطة…

كتير مننا جايين من محافظات واقاليم وقرى وأرياف، وعارفين قد إيه ناس كتير ممكن تكون محتاجة حد بسيط يشرح ويوصل المعلومة بشكل لطيف وسهل....

ومش لازم نكون بنقدم استشارات طبية عشان نأثر …
لأن ده مش دورنا.

دورنا إننا نوجه للصح،
وننشر معلومات ليها مصدر موثوق،
ونساعد الناس تاخد خطوة أفضل لصحتها وحياتها....

وفي المواقف الصعبة والطوارئ…
معلومتك ممكن تساعد في إنقاذ حياة شخص، أو حياة حد من حبايبه،
وتكون إنت السبب في ده… بالعلم اللي ربنا أنعم عليك بيه ❤️

أوقات كلمة صح… أو توعية بسيطة…
ممكن فعلا تنقذ حياة كاملة...

إننا نعلم الناس..
• يتعاملوا إزاي مع السكر
• يعملوا إيه عند أعراض الجلطة
• يفهموا أهمية الأكل الصحي
• يعرفوا أساسيات تربية الأطفال بشكل سليم
• يهتموا بصحتهم النفسية قبل ما ينهاروا

كل ده جزء من دورنا… إحنا كتمريض،
وجزء من مسؤوليتنا الإنسانية قبل المهنية.

وده يمكن يكون واحد من أهم أهداف “Life Nursing” ❤️

إننا ننشر الوعي لكل اللي حوالينا…
لقرايبنا، لجيراننا، ولأي حد محتاج معلومة صح...
عشان كدة دورك

تتعلم وتقرا وتنشر الوعي من المصادر الموثوقة

ودايما عندنا إيمان إن:
“الصح دايما سهل… بس محتاج وعي.”

لأن الوعي فعلا… بينقذ حياة ♥️

لو مهتم أعمل شير لكل زمايلك وشجعهم 🫡🤝




‎تؤكد الوزارة أن الوضع الحالي لا يدعو لأي قلق، وأنها تتعامل مع هذا الملف بكل شفافية ومهنية عالية، مع الحرص الكامل على صح...
08/05/2026

‎تؤكد الوزارة أن الوضع الحالي لا يدعو لأي قلق، وأنها تتعامل مع هذا الملف بكل شفافية ومهنية عالية، مع الحرص الكامل على صحة وسلامة المواطنين، وستستمر في متابعة الموقف الوبائي العالمي بدقة، واتخاذ كافة الإجراءات الاحترازية والوقائية اللازمة حفاظًا على الصحة العامة
نقلا عن الصفحة الرسمية لوزارة الصحة

فيروووووس هانتا لا داعي للقلق



في الإدارة… خصوصا في التمريضفي حاجة معقدة جدا:إزاي تتعامل مع الناس اللي تحت مسؤوليتك؟تشد؟ولا ترخي؟ولا تخاف على صورتك قدا...
08/05/2026

في الإدارة… خصوصا في التمريض
في حاجة معقدة جدا:

إزاي تتعامل مع الناس اللي تحت مسؤوليتك؟
تشد؟
ولا ترخي؟
ولا تخاف على صورتك قدامهم؟
خايف حب الناس ليك يقل؟
ولا ماشي بمبدأ:
“مش مهم حد يزعل”؟

عشان كده…
في مبدأ لازم نمشي بيه بعيد عن أي انحيازات.
مش كل مشكلة في التمريض تتحل بصوت عالي،
ومش كل هدوء يعتبر ضعف.

في ناس فاكرة إن الشدة طول الوقت هي الحل…
وفي ناس شايفة إن الهدوء معناه ضعف أو عدم وعي.

لكن الحقيقة إن تعاملك مع اللي تحت مسؤوليتك
لازم يكون فيه توازن.
الخوف ممكن يخلي الممرض ينفذ أو ينهار قدامك،
بس عمره ما هيخليه يتعلم أو يتحسن بجد.

ولو كل شيفت عبارة عن توتر وزعيق،
فالنتيجة غالبا بتكون:
• أخطاء أكتر
• إخفاء للمشاكل
• فقدان ثقة
• وتمريض بيشتغل “عشان يعدي اليوم”
مش عشان يطور نفسه

وده مش معناه إن المدير يبقى “طيب زيادة”
لأ… فيه فرق كبير بين الاحتواء والتسيب.

الإدارة الصح مبنية على 3 حاجات:
1️⃣ تعليم مستمر
مش كل حد مقصر يبقى مستهتر…
أوقات بيكون مش فاهم، أو متعلمش صح.

2️⃣ محاسبة واضحة
الخطأ يتقال عليه خطأ،
والإهمال لازم يتحاسب عليه،
خصوصًا في شغل فيه أرواح.

3️⃣ احترام نفسية و شخصية الاستاف
الممرض لما يعيش طول الوقت بين الإهانة والخوف،
أداؤه بينهار… حتى لو ساكت.
وأحيانا الاستاف مابيبقاش شايف الصورة كاملة،
فيفتكر إنك بتعدي أخطاء لناس،
أو بتفضل حد على حد،
أو بترقي شخص دون غيره
رغم إن الأسباب عندك واضحة.

فوسط كل الدوشة دي…
دورك كـ Leader
مش إن الناس تمشي مبسوطة وخلاص
ويتقال عليك “الشخص المحبوب”
ولا إنهم يخافوا منك وبس…
دورك الحقيقي
إنك تعمل بيئة
يتعلموا فيها،
يغلطوا مرة ويتصلحوا،
ويعرفوا إن فيه عدل… مش عصبية.
أقوى مدير
مش الأعلى صوتًا…
ولا اللي يعدي الغلط عشان صورته.
أقوى مدير
هو اللي يعرف إمتى يحتوي،
وإمتى يحاسب،
وإمتى يوقف بحزم.

في النهاية حابب اسمع رأيكم في الكومنتات
نتعلم من بعض ❤️


Address

Cairo

Telephone

+201027862614

Website

Alerts

Be the first to know and let us send you an email when Life Nursing posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Life Nursing:

Shortcuts

Share

Category