01/09/2026
يمكن في ناس كتير هنا تعرف اسمي…
وتعرف شوية من اللي بقدمه،
لكن يمكن لسه ما تعرفش مين أميره؟
أنا أميره سالم زين…
ويمكن رحلتي من أولها لحد النهارده، كانت رحلة واحدة:
رحلة رجوع .
رجوع لنفسي…
رجوع لفطرتي…
ورجوع لله "فمن عرف نفسه ...عرف ربه".✨️🙏
سنين طويلة وأنا بتعلم، بمارس ،بجرب، وبشتغل على نفسي، وبقابل ناس كتير في رحلاتهم المختلفة…
وشوفت حاجه اتكررت امامي بشكل كبير:
إن الإنسان أحيانًا بيدور على الحل في كل مكان…
في الشخص اللي في حياته،
في العلاقة،
في الظروف،
في أهله
في الفلوس،
في الماضي…،...
وهو مش واخد باله إن فيه جزء كبير من الإجابة موجود جواه "المفتاح جوانا"
وده اللي خلاني أؤمن إن دوري مش إني أقول لك:
أنا عندي الحل لحياتك.
لكني أساعدك تسأل الأسئلة اللي يمكن ما سألتهاش قبل كده… وتغوص جوا نفسك ...
تشوف نفسك بصدق، وتسمعها...
تفهم مشاعرك،
تستعيد قوتك، تلمس أماكن جواك متعرفش عنها حاجه.
وتبدأ رحله مختلفه تتحمل فيها مسؤولية حياتك…
من غير جلد للذات ، ولكن بقبول وتفهم وإحتواء.
أنا مؤمنة إن الإنسان لما يرجع لاتزانه الداخلي،
حياته من برّه تبدأ تتغير.
وعشان كده،
أنا مش بقدم لك طريق تمشي فيه ورايا…
أنا بدعوك تمشي مع نفسك…
وأنا أكون معاك في الرحلة✨️
رحلة نرجع فيها لأنفسنا،
ونكتشف الكنوز اللي جوانا،
ونتعلم إزاي نعيش بوعي، وإتزان، وحضور.✨️
ودي أول خطوة في إننا نتعرف على بعض أكتر. 🤍
أنا أميره سالم زين…
ودي رحلتي، ودي رسالتي.
فخليني أسألك…
لو قابلت نفسك النهارده بصدق…
إيه أكتر حاجة نفسك تفهميها /تفهمها عن نفسك؟
