14/06/2026
الزملاء الأطباء..
هيجيلك الأيام دى حالات كتيرة من الستات و البنات من سن ١٧ سنة وطالع بيشتكوا انهم حاسين بهبوط و بينهجوا ومش قادرين يقوموا من مكانهم.. هتقيس الضغط تلاقيه من 90/60 لحد 110/70 ..طبيعى جدا ..
تشوف النبض تلاقيه من 90 إلى 100 او 105 بالكتير..
طبعا هييجى فى دماغك التشخيص الشهير السهل .. psychic.. ..زعلانة مع زوجك ..طالعة من امتحانات الثانوية و قلقانة..و كل المبررات اللطيفة دى ..
بس الحقيقة مش كده خالص ..خد بس منها هيستورى كويس هتلاقيها بتقولك انها مشيت فى الشمس شوية-حتى لو ٥ دقايق بس- او مش قادرة تتحمل الحر الشديد الأيام دى-و دى شكوى محترمة على فكرة- او وقفت فى المطبخ تحضر الغدا فحست بهبوط جامد ..
معلش ..اوعى تظلمها وتقولها بتدلعى..هى فعليا و علميا مش بتدلع..
فيه نوع من hypotention بيحصل فى الستات نتيجة autonomic neuropathy ومش معروف سبب يخليهم يحصلهم كده ..
الستات دول بيكون عندهم ال blood vesseles tone ضعيف قوى .. هى الضغط الطبيعى بتاعها فى احسن أحواله يوم ما تكون آخر انتعاش مش بيزيد عن 110/70 و ممكن يكون 100/70 و اغلبهم عايشين حياتهم بضغط 90/60 .. الفئة دى لما تتعرض للشمس الحاميةالمباشرة او درجة حرارة مرتفعة لفترة حتى لو قليلة جدا بيحصلهم vasodilatation محترم و يبدأوا يحسوا بأعراض hypoperfusion فتحس انها مهبطة و عندها تعرق جامد و نهجان ..لما حضرتك تقيس الضغط و تاخد النبض تلاقيهم نورمال ده لأنها جسمها بيحاول يعمل compensation لشويةVD اللى حصلوا فبيوجه كل الاكسجين للمخ علشان كده مش بيغمى عليها و كمان بيعمل VC of large arteries علشان يحافظ شوية على BP فلما تقيس ضغطها هتلاقيه normal بس هى جسمها فعلا hypoperfused و الدليل انك هتلاقى وشها اصفر شاحب pale ..
لو ركزنا شوية هنلاقى الأعراض دى هى نفسها أعراض mild blood loss او mild hypovolaemia ..
Low normal BP,upper normal HR or mild tachycardia ,dyspnoea & pallor.
دى علاجها 500or1000-ml saline IV و نفهمها حالتها و ننصحها نصيحة مهمة جدا انها ماتمشيش فى الشمس المباشرة و لو مضطرة يبقى تنزل بدرى او تركب حاجة .. و لازم تفطر حاجة مالحة قبل ما تنزل ..
و لو حصلت المشكلة دى و هى فى الشارع تاكل حاجة مالحة بسرعة وتقعد فى مكان ظل لحد ما تفوق و ممكن النصيحة اللى انا مش بحبها بس للأسف هى المتاحة انها تشرب مشروب غازى زجاجة كبيرة و تكون ساقعة جامد..دى هتديها كمية كبيرة من السوايل و الصوديوم تساعدها لحد ما توصل البيت .
الست دى لو قولنالها انتى بتدلعى و مشيناها بعد ربع ساعة ممكن يغمى عليها بجد و ممكن تروح البيت تفضل يوم كامل hypoperfused و مش قادرة تفتح عنيها..
الأمر فعلا متعب و مش ناس كتير تعرف عنه .
اللى عاوز يقرأ عنه فى كتاب Topol manual cardiology مكتوب فى hypotention ..
