28/08/2026
📌من اكتر الخدمات الي بنقدمها في العياده يوميا هي ازاله الشعر بالليزر في البوست ده فيه اشهر الاسئله الي بتتسالي بخصوص الموضوع ده
❎الليزر بيتسبب في سرطان علي المدي البعيد
✅مفيش اي علاقه بين ازاله الشعر بالليزر و السرطان لانه موجه للبصيله فقط مش بيتخطي الجلد .
❎ازاله الشعر بالليزر بيغمق الجلد ؟
✅لا خالص الليزر مش بيغمق الجلد لكن اي وسيله ازاله شعر بيعقبها التهاب لو المريضه مهتمتش بوضع الكريم المخصص للالتهابات بعد الجلسه وارد جدا علي نهايه جلساتها تغمق .
❎احسن جهاز ليزر هوه بتاع الشركه X؟
✅انواع اشعه الليزر المخصصه لازاله الشعر هيه ال alexandrite laser و nd yag laser و diode laser علي اختلافات الشركات و انواعهم الطبيب بيختار النوع المناسب علي حسب كذا عامل اهمهم لون جلد المريض و لون الشعرايه نفسها و سمكها و الاهم من نوع الجهاز الطبيب الي حيشغل الجهاز و يختار ال parameters المناسبه الي مش بتفرق بس بين كل مريض و التاني لا بتفرق بين منطقه ل منطقه اخري في نفس المريض
وعشان كده اختارنا جهاز كانديلا جنتل ليز الاكثر امانا واعلي كفاءه وكمان صناعه امريكي
❎اوعي تعملي ليزر في شعر الوجه حيزيد و حتتحرقي ؟!.
✅معلومه غلط تماما الفيصل في اني اعمل ليزر في الوجه او لا هوه سمك الشعرايه و الوقت الي المريضه بتعمل في ازاله بالطرق العاديه بمعني لو مريضه متعوده تزيل الشعر ده كل شهر المعدل ده اكيد مش مرشح لليزر انما لو بتضطر تزيله كل كام يوم او كل اسبوع بيطلع هنا ارشحلها الليزر و طبعا الطبيب بيختار لها parameters معينه و بتمشي علي تعليمات بعد الجلسه و تلتزم بواقي الشمس و احيانا كريم تفتيح و بنطلب منها تحاليل معينه عشان نتاكد ان مفيش اي مشكله بالهرمونات عندها.
❎صاحبتي بتشتغل علي باور كذا و انا نفس درجه لونها و نفس الجهاز ليه الباور مختلف ؟
✅لان الطبيب بيختار الparameters المخصوصه لكل عيان حسب حاله الجلد و لون المريض و كثافه الشعر و كمان حسب احنا في الجلسه الكام ف طبيعي كل عيان له الparameters الخاصه بيه .
❎لو عندي مرض مناعي زي البهاق او الذءبه الحمراء ممكن اعمل ليزر ؟
لا يفضل اننا نعمل جلسات ليزر في الحالات دي خصوصا لو المرض active
❎ينفع اعمل ليزر لما ارجع من المصيف ؟
✅ممنوع تماما اني اعمل ليزر و انا وخده tan يحصل حروق في الجلد لان الخلايا الصبغيه بتكون نشطه جدا .
❎الشعر حيروح تماما بعد ٦ جلسات
✅الصح ان البصيله بتضعف بعد كل جلسه لحد ما نخلص جلساتنا الي هيه بتبقي٨ جلسات بالتقريب بعدين بنبتدي نروح علي فترات متباعده لجلسات ال retouch لان هيه تقليل لنمو الشعر و ليس ازاله نهاءيا
📌دي اغلب الاساله الي بتسالها بخصوص ازاله الشعر بالليزر لو عندك اي سوءال تاني ابعتولي علي رساءل الاكونت د عايده جمال
