03/06/2026
جــريــ.ـمــة جــديــدة يـجـب أن يـراهـا الـعـالـم كـلـه 👇
🔴 اللــي قـدامـك فـي الـصـورة ده راجـل فـلـسـطـيـنـي وزوجـتـه الـحـامـل هـربـوا من أهـوال الـحـرب.. لـكـن اللي استناهم كان صدمة من نوع تاني.
وسام المقداد، فلسطـ.ـيني من غـ.ـزة، لقى نفسه فجأة في مواجهة مع الشرطة الهولندية داخل مركز لجوء قرب أمستردام.
الفيديو اللي انتشر (هسيبهلكم تحت في الكومنتات) وثّق لحظات صادمة، لما ضباط الشرطة كانوا بيحتجزوا وسام، وزوجته الحامل في شهرها التاسع. ولما حاولت تقرب منه وتسأله أو تطمن عليه.
📌 في ثواني، المشهد اتقلب بالكامل..
واحد من الظباط مسك مـراته بعنف وزقها على الأرض رغم إن حملها كان واضح للجميع.
ولحظة ما شاف زوجته واقعه قدامه بالشكل ده، وسام اندفع يدافع عنها، فحصل اشتباك سريع انتهى باعتقاله وسط عدد كبير من الضباط.
الفيديو عمل موجة غضب كبيرة على مواقع التواصل، خصوصاً مع ظهور السيدة الحامل وهي على الأرض، في مشهد صادم ويتناقض مع كل الشعارات اللي أوروبا دايماً بتتكلم عنها بخصوص حقوق الإنسان وحماية الفئات الأكثر ضعفاً!
الشرطة الهولندية قالت إنهم اتحركوا بعد بلاغات بتتهم وسام إنه عمل تلفيات جوه مركز اللجوء وهدد بسكين، وده كان السبب اللي استندوا عليه في عملية القبض عليه.
🛑 لكن لحد دلوقتي مفيش أي فيديو أو لقطات اتنشرت بتوضح إيه اللي حصل قبل المشهد اللي شافه الناس، عشان كده لسه فيه أسئلة كتير من غير إجابات، والواقعة كلها عاملة جدل في العالم كله.
الموضوع مبقاش مجرد خناقة أو واقعة حصلت جوه مركز لجوء..
المشهد بقى بيفتح باب أسئلة كبيرة عن طريقة التعامل مع اللاجئين والمهاجرين في أوروبا، خصوصاً لما العالم كله يشوف ست حامل بتترمي على الأرض قدام الكاميرات، في لقطة خلت ناس كتير تتساءل: فين حقوق الإنسان اللي دايماً بيتكلموا عنها؟ وهل اللي حصل كان فعلاً مبرر ولا تجاوز صعب يتبرر؟
🔘 وفي وسط كل ده، الحمدلله كان فيه خبر كويس.. وهو إن عيلة وسام أعلنت إن زوجته ولدت طفلتها بسلام، وإن الأم والمولودة حالتهم كويسة، بعد ساعات صعبة عاشتها الأسرة بسبب الحادثة.
بس كده ولو وصلت لهنا متناس تعمل شير للبوست عشان يوصل لغيرك ويستفاد.
