20/08/2026
أكبر هدية ممكن تقدمها لطفلك… إنك
ماتحاسبش طفلك الداخلي من خلاله ❤️🩹
أحيانًا مش بنغضب من تصرف طفلنا نفسه قد ما بنتوجع من حاجة قديمة جوانا حرّكها تصرفه ..
طفلك بيعيط، فتتضايقي جدًا.. لأنك زمان ماكنتش مسموحلك تعيطي.
بيرفض، فتحسي إنه بيتحداك .. لأنك اتربيتي على الطاعة من غير نقاش.
بيغلط، فتتعصبي .. لأنك اتعلمت إن الغلط مرفوض.
بس خدي بالك… طفلك مش مسؤول عن طفولتك، ومش لازم يدفع تمن حاجات أنتِ اتحرمتي منها.
قبل ما تعصبي أو تعاقبي، اسألي نفسك:
أنا متضايقة من تصرفه فعلًا؟
ولا التصرف لمس وجع قديم جوايا؟
مش مطلوب نكون أهل مثاليين… لكن مطلوب اننا نحاول نربي أولادنا بوعي، مش بأوجاعنا.
أكبر هدية لطفلك.. إنك تسمحي لطفولتك تشفى، بدل ما تطلبي منه يصلّحها. ❤️🩹
