12/06/2026
✅لو بتشرب عصير القصب او تعرف ناس من أصحابك مدمنين عصير قصب 😀
يبقى البوست ده ليك 👇
✅فى اخبار متداوله بقالها مده عن استخدام ماده من الإضافات الغذائية اسمها
مادة "ثاني أكسيد التيتانيوم" في بعض أماكن بيع عصير القصب..
🔶تعالوا نعرف هي إيه المادة دي؟
ثاني أكسيد التيتانيوم (Titanium Dioxide) مادة بيضاء اللون كانت بتُستخدم في بعض المنتجات الغذائية علشان تدي لون أبيض ناصع أو تحسن الشكل العام للمنتج.
🍬 ممكن تلاقيها أو كانت تُستخدم في بعض المنتجات زي:•
بعض أنواع اللبان (العلكة).•
الحلاوة الطحنية والطحينه …
الحلوى والشيكولاتة المغلفة.•
بعض المخبوزات ومواد تزيين الحلويات.• بعض الصوصات والكريمات الغذائية.• بعض المكملات الغذائية والأدوية كمادة للتغطية الخارجية.
🔶طيب الرموز بتاعتها ايه :
Titanium Dioxide
TiO₂
E171 (وهو أشهر رمز له كمضاف غذائي في أوروبا وبعض الأنظمة الغذائية)
⚠️ المشكلة مش في اللون الأبيض نفسه، لكن في استخدام أي مادة مضافة بشكل غير قانوني أو بكميات غير معروفة أو من مصادر غير معتمدة.
واكيد طبعا العامل
البسيط ف العصاره مش هيهتم يحطها بالنسب المسموح بها 😅
🔬 ليه المادة دي مثيرة للجدل؟في السنوات الأخيرة ظهرت دراسات أثارت تساؤلات حول سلامة الجسيمات الدقيقة جدًا من ثاني أكسيد التيتانيوم عند استهلاكها لفترات طويلة، وده خلى بعض الجهات التنظيمية تعيد تقييم استخدامها. عشان كده بقى فيه اهتمام أكبر بمراقبة استخدامها والتأكد من الالتزام بالاشتراطات القانونية.
✅ نصائح للمستهلك:•
اشتري العصائر والأطعمة من أماكن موثوقة.
متخليش اللون أو الشكل الجذاب هو معيارك الوحيد للحكم على الجودة.
اهتم بالنظافة وطريقة التحضير والتخزين.
لو لاحظت أي ممارسات غير سليمة بلغ الجهات المختصة.
وف الاخر لون العصائر الطبيعيه معروف فحاول تركز ان اى مبالغه فى شكل العصير ولونه زى ممكن تكون علامة خطر مش جودة …
في النهاية لازم ناخد بالنا من الاكل والعصائر والمعلبات إلى بنستهلكها يوميا لانها ممكن تزيد من خطر إصابتك بامراض سواء على المدى القريب او البعيد …
تحياتى
د.ملك البسيوني
اخصائي التغذيه ومؤسسه اكاديميه د.فروتا لرفع الوعى الصحي والتثقيف الغذائي…
