طبيب غدد

26/05/2026

25/05/2026

اعرف تعبك ترتاح👌

15/05/2026

العنوان افتح الصورة👇

29/04/2026

✍اتكلمنا كتير في الغدة الدرقية بس مااتكلمناش ف............... 💔الحالة النفسية لمريض الغدة💔...............
اللى فعلا أثبتت إنها ركن أساسي متحكم ف تطور المرض سواء تحسن أو سوء الحالة
❤ناخدها من البداية ومن منظور المريض مش الطبيب
🧡معظم المرضى من النساء وشكل أعراضها وتأثيرها بيغير من شكل الجسم نفسه وده طبعا بيتعب نفسيا..أبسطها تساقط الشعر😒
💛تغير الوزن الملحوظ مثال إنها نشاط ف مهما أكلت بتخس أو قصور ف مهما حرمت نفسها هتزيد
💚القلق من تأثر القدرة على الإنجاب أو حتى الضرر الوارد حدوثه مع الحمل
💙عدم القدرة على آداء أي عمل حتى لو واجبات منزلية وحياتية عادية بسيطة مثال النشاط ف الرعشة لما تمسك أي شئ والنهجان وضربات القلب السريعة..أو ف القصور إحساس إنها مش قادره تقوم من مكانها من الأساس
💜التحكم ف أعصابها لو اتعرضت لموقف فيه توتر بيكون ف منتهى الصعوبة
🤎وقت النوم مع التضخم الموجود ف الرقبة إحساس الضيق ونبض شراينها بيخوف يوم بعد يوم
🖤الإكتئاب ونوبات الهلع والقلق المرضي قرين للغدة
👌وقت ماتحس إن الموضوع زاد عن حده ماتترددش وأطلب المساعدة 💞وزور طبيب نفسي بجد هيفرق ف مسار حياتك 💖

#دكتور #مصر #العراق #صحة #ليبيا #الجزائر #غدة #اكتئاب

27/04/2026

. ..إقرأ علاقة الغدة بالقولون👇
💁 بطني بتوجعني من زمان وانتفاخات رهيبة وإمساك من فترة طويلة وبيقولوا قولون عصبي أو خلافه
💁 لكن عرفت إن في علاقة بين الكلام دا والغدة الدرقية ياريت توضحلنا ..وشكرا❤️
🖤هرمون الدرقية عارفين إنه مسئول عن التمثيل الغذائي وجزء من التمثيل والأيض هو الهضم والامتصاص بالأمعاء ثم القولون ومهمته ك آخر مرحلة وده موضوعنا 👇
🖤قلة الهرمون أو انعدامه تؤدي إلى بطء وصعوبة الأيض
▪️ بمعنى أن الحركة الذاتية للقولون تقل
▪️من رحمة ربك أن الموضوع مش متوقف عليه فقط
▪️هناك هرمونات اخرى تنشط الحركة والإ يحدث إنسداد معوي مش بس إمساك ❤️عافانا الله وإياكم❤️
🖤يعني أنا ك مريض قصور أو كسل غدة بعاني من👇
▪️ تأخر في طبيعة الإخراج
▪️تكون غازات وحركة غير طبيعية محسوسة
▪️آلاااام في البطن بالأخص الجانب الأيسر من أسفل البطن غالبا
▪️المعدة تتأثر ولكن تأثير طفيف مش بقدر القولون
💁طيب ولو زاد يادكتور؟
🖤لو زاد الهرمون في حالة فرط النشاط
👨‍⚕️ يبدأ تسارع فى العملية بالكامل بمعنى أن لو حتى نسبة النشاط مش عالية أبسط شئ بيحصل إن👇
▪️بمجرد ماتاكل الأكل عاوز يخرج ..
▪️معدل الهضم سريع جدا رغم إن ف نفس الوقت مش كامل .
▪️.طبيعة الإخراج سريعة ..
▪️حركة القولون سريعة .
▪️بتعاني من إسهال مزمن لكن قليل ما يكون معاه ألم 🧡
👨‍⚕️تعرفوا رغم إني حاسس إني بقول كلام بديهي لكن بجد ده أهم بوست ف الصفحة ل سبب👇
❤️حالات كتير بنشخصها إنها غدة درقية من الموضوع ده فقط.
🖤.يعنى بيكون بقاله سنين عنده إمساك وجرب كل الأدوية ومفيش نتيجة فعلية لدرجة اللجوء للحقنة الشرجية في كل حمام
🖤.وكل ده عنده قصور غدة درقية من البداية لم يتم تشخيصه ف كان ضروري جدا التوعية ف النقطة دي بالذات👌
👨‍⚕️مش هتخسر شئ لو بتعاني من أي مما سبق ولكن شرط إنه مزمن يعني فترة طويلة ومفيش تحسن 👇
🖤تعمل تحاليل الدرقية كاملة وتعرضها على طبيبك الباطني ويفحصك وتطمئن ❤️
💁طيب هل في خطورة من تأثير الغدة على القولون؟
👨‍⚕️إحقاقا للحق في دراسات ربطت نشاط الدرقية بسرطان القولون لكن غير مؤكدة وأنا شخصيا مش مؤيد ليها
🖤ولو هنتكلم عن أمراض القولون بشكل عام ف نتاج تأثيرات الدرقية عليه يعتبر الأقل ضررا
❤️أخيرا التزامنا بمتابعة وعلاج جيد يكفينا شر المضاعفات ❤️
#دكتور #غدة #مصر #العراق #صحة #ليبيا #قولون

05/04/2026

#غدة #دكتور #مصر #ليبيا #العراق

04/04/2026

✍️العلاج التقليدي الليفوثيروكسين (Levothyroxine – T4). سواء التروكسين او ايوثيروكس او تي فور ثيرو او ثيروكسين كلهم نفس الدواء

✍️الجسم يحول T4 → T3 (النشط) داخل الأنسجة (خصوصًا الكبد والكلية والمخ) بواسطة إنزيم Deiodinase. عشان كدا علفكره مهم جدا صحة الاعضاء دي عشان تاخد نتيجة الهرمون كامله

✍️معظم المرضى يتحسنوا تمامًا على T4 وحده مع ضبط الجرعة حسب TSH. عشان كدا بقول وبكرر ألف مرة متابعة الخمول ب تحليل tsh فقط ...متابعة ليس تشخيص

▪️طيب فين المشكلة؟

✍️حوالي 10–15% من المرضى يشتكوا من استمرار أعراض الخمول (إرهاق، اكتئاب، زيادة وزن.....إلخ) رغم أن TSH طبيعي وتظبط جرعة T4.

✍️هنا بدأ التفكير: هل السبب ضعف تحويل T4 → T3 عند بعض الأشخاص؟

💊العلاجات الجديدة / الحديثة💊

1. العلاج المزدوج (T4 + T3)

بعض الدراسات جربت إضافة Liothyronine (T3) مع Levothyroxine (T4).

الهدف: توفير T3 مباشر للأنسجة.

👌النتائج:

بعض المرضى فعلاً حسوا بتحسن في الأعراض ونشاط أفضل.

▪️المشكلة: T3 قصير المفعول → يسبب تذبذب في مستوى الهرمون → ممكن يعمل خفقان، عصبية، ارتجاف.

2. تركيبة بنسبة او مستحضر مركب (Combined preparations)

✍️في بعض الدول فيه أقراص فيها T4 + T3 بنسبة ثابتة (مثلاً 13:1). ومقدروش يظبطوها أكتر من كدا

✍️ النسبة الطبيعية في الجسم أقرب لـ 14:1 إلى 16:1، وبالتالي مش دايمًا مناسبة ف برده مش دي الحل
3. T3 طويل المفعول (Sustained-release T3)

✍️دي الأبحاث الأحدث: أقراص T3 ممتد المفعول تحت التطوير، عشان يتجنبوا التذبذب الحاد في الهرمون.

✍️مازال تحت التجارب، مش متوفر على نطاق واسع.
👌التوصيات العلمية الحديثة (جمعيات الغدد مثل ATA وETA)
قالت إن العلاج القياسي يظل ليفوثيروكسين (T4) فقط.

✍️ممكن التفكير في إضافة T3 عند المرضى اللي:

▪️مازال عندهم أعراض رغم ضبط TSH.

بعد استبعاد أسباب أخرى تعطل فاعلية الدواء (أدوية اكتئاب، نقص فيتامين د، أنيميا…).

▪️لازم يكون القرار تحت إشراف طبيب غدد، وبجرعات صغيرة جدًا من T3 (مقسمة مرتين/يوم).
👌الأبحاث ماشية على T3 طويل المفعول، وده ممكن يبقى مستقبل العلاج للمرضى اللي مش بيستجيبوا لـT4 وحده
سلمتم❤️

طبيب غدد

17/02/2026

للأسف الزبادي ف سحورك مشكلة❤️‍🩹....الميعاد الأمثل للدواء قبل السحور بساعة ف لو سحورك فيه زبادي أو منتجات ألبان تأثير الدواء يقل والخمول يتمكن منك تاني 👌....
🌹واجبنا النصيحة والتوعيه....سلمتم🌹