02/09/2024
شايفين الدايره دي
ده الشريان القاعدي اهم شريان في الجسم
بيغذي جذع المخ
وزي ما انتوا شايفين الشريان ضيق جدا في اوله لكن سريان الدم مستمر
يا ترى ايه الاعراض اللي بييجي بيها
ممكن المريض يجي بتقل في اللسان والكلام
او يجي بدوار ودوخه
او جلطه وموت مفاجئ
يانهار... موت مفاجئ؟؟؟؟؟؟
ده حقيقي
الجلطه في الشريان ده بتؤدي لفقدان سريع في الوعي وممكن الوفاه تتم في دقايق .. وبدون شلل في جانب من الجسم او الايد او الرجل
لان الشريان ده بيغذي جذع المخ لوحده بدون اي شرايين جانبيه
طيب ايه الاعراض اللي تخلينا نشك في وجود مشكله في الشريان ده؟
لو المريض بيجيله نوبات دوار متكرره... وبياخد علاجات بدون تحسن... او بتحسن جزئي... ممكن دي تبقى علامات لقصور في الشريان القاعدي
وخصوصا في مرضى الضغط والسكر والقلب والاوعيه الدمويه
علشان كده مهم لمريض الدوار انه يزور طبيب اعصاب متخصص في امراض الشرايين المخيه
صحيح مش كل انواع الدوار سببها مشاكل الشريان القاعدي... لكن لازم كل مريض دوار يعمل اشعه على الشريان ده ويتأكد انه مافيهوش ضيق ولا قصور
اما رنين على الشرايين او اشعه بالصبغه
دمتم بالف صحه وعافيه
