Dr.Marina Sobhy. love your body

22/02/2026

#


🌙

https://www.instagram.com/marina.sobhy1991?igsh=bjFkcjhlM2JtcXBr

22/02/2026

30/07/2024

الجو حر وطول الوقت محتاجين مشروبات ساقعه 🧋
هنقولكوا علي مشروبات تدينا انتعاش لكن في نفس الوقت سعراتها مش عاليه

🔹 اول وأهم حاجه هي المياه مش عايزين ابدا مشروبات الصيف تخلينا ننسي اننا ناخد احتياجنا من المياه
المياه هتزود نشاطنا وتقلل احساسنا بالدوخه والهبوط في الحر
🔹 الليمون بالنعناع 🫒 هو من المشروبات المنعشه وسعراتها قليله كمان غني بفبتامين A والحديد وفيتامين C اهم حاجه منزودش ابدا نسبه السكر فيه ونحاول نقللها بالتدريج
🔹الكركديه 🍷
هو من المشروبات الي بتساعد في نزول المياه الزياده المتخزنه في الجسم
🔹الجنزبيل باليمون 🍋
الجنزبيل بيعلي معدل حرق الجسم وكمان بيحتوي علي نسبه عاليه من مضادات الالتهابات ومضادات الاكسده
🔹عصائر الفواكه 🍎🍉
خلينا نفكر نفسنا دايما ان اكل الفاكهه افضل من شربها عصير
لكن لاننا محتاجين مشروبات في الصيف ممكن نعمل بعض الفواكهه عصير زي البطيخ والفراوله والتين الشوكي لكن بدون اضافه سكر تماما ونكتفي بالسكر الموجود في الفاكهه
🔹الايس كوفي والايس تي 😍
القهوه والشاي من المشروبات الاساسيه في حياتنا فا ممكن في فصل الصيف نشربهم بشكل مختلف
كمان القهوه والشاي مصدر مهم للكافيين الي بيحمي من الزهايمر وبيعزز صحه القلب لكن طبعا في حدود المسموح

🚫🚫 اهم حاجه نتجنب تماما المشروبات الغازيه والعائر المعلبه لانها بتحتوي علي نسبه عاليه من السكر والمواد الحافظه

30/07/2024

مابعد التكميم 🧘🏻‍♀️
بنشوف ناس كتير بعد عمليه التكميم بسنتين او ٣ سنين بيبدا وزنها يزيد تاني 🤦
طيب ده بيحصل ليه وازاي نتجنب ده؟ ؟؟
🔹 لازم بعد العمليه بي ٦ شهور نبدا نتابع مع دكتور تغذيه او علي الاقل نمشي علي نظام غذائي صحي
🔹 مش معني اني عملت تكميم يبقي اكل الي انا عايزه منا اصلا باكل بكميات صغيره 🚫🚫
ودي معلومه غلط تماما
🔹 حالات التكميم بيميلوا اكتر بعد العمليه انهم ياخدوا سكريات ومخبوزات لانهم بيحسوا انها اخف علي المعده ودي من اكتر الحاجات الي بتزود الوزن
🔹 بعد التكميم لازم نهتم جدا اننا نبدا الوجبه بتاعتنا بالبروتين حتي لو قسمنا الكميه علي كذا وجبه
🔹 كل وجبه لازم تتكون من بروتين وخضروات ونشويات
🔹 مفيش اي مشكله اننا نقسم الوجبات الرئيسيه علي مرتين
🔹 السناكس بين الوجبات لازم تكون صحيه زي المكسرات والتمر والفاكهه ونبعد تماما عن السناكس الجاهزه زي الشيبسي

🚫 مش معني اننا عملنا تكميم اننا ناكل كل حاجه بالعكس التكميم مجرد وسيله بتساعدنا نلتزم بالدايت وبالاكل الصحي عشان عمليه نزول الوزن تتم بشكل كويس 🥰

احجز مع د. مارينا صبحي
اخصائي تغذية و سمنة و نحافة و تغذية أطفال

للحجز و الاستعلام
التليفون: ٠١٠٢٥٣٧٠٩٧٩
الواتس أب: ٠١٠٢٥٣٧٠٩٧٩
أو التواصل بنا عبر حساباتنا على مواقع التواصل الاجتماعي


#سمنة
#نحافة

#الدايت
#تكميم

04/04/2024

"المواظبة هي الكلمة السحرية التي تميز هؤلاء الذين نجحوا في الحياة وهؤلاء الذين لم يحققوا شيئاً.. العالم ينقسم إلى المواظبين وسريعي الملل"
د.أحمد خالد توفيق

10/03/2024

We can do any thing together ❤️❤️❤️

28/02/2024

السمنه عند الأطفال 🚸🚫🚫
دايما بنشوف اهل الطفل حاسين بالياس والاحباط انهم يتحكموا في اكل الطفل وشايفين ان ده طفل مش هنقدر نمنع عنه حاجه
لكن الحقيقه ان علاج السمنه عند الأطفال بيكون أسهل كتير واسرع من الكبار 😊
طيب ازاي ❗❗
هنحط قواعد هنمشي بيها
🔹 الطفل لازم يكون فاهم احنا بنعمل ايه يعني هنشرحله الموضوع ببساطه وهنفهمه الفرق بين الاكل ال healthy والاكل ال unhealthy وده ممكن نعمله احنا في البيت أو بمساعده دكتور التغذيه
🔹 مفيش ممنوع 🚫 كلمه الاكل ده ممنوع بتضايق الأطفال لكن بنفهمه ان الاكل ده هناخده مره في الأسبوع بدل كل يوم
🔹 مش بنحدد لهم كميات لكن بنحدد لهم وقت للوجبات وفي وقت الوجبه بنسيبه ياكل الكميه الي هو عايزها
🔹 لازم احنا كاهل نكون بنعمل الكلام ده 😊

18/02/2024

HOMA Ir تحليل ال ❌❌
مقاومه الأنسولين من الحاجات الي واضحه جدا ومش محتاجه اي تحاليل.. طيب ايه هي أعراضها ونعرفها ازاي؟؟
أشهر الأعراض بتكون
🔹شراهه شديده للحلويات
🔹الاحساس المستمر بالجوع
🔹الاحساس بالتعب والإرهاق خصوصا بعد الوجبات
🔹اسمرار الجلد في بعض الأماكن زي الرقبه وتحت الابط
🔹الزوائد الجلديه و دي عاده بتبدأ بالظهور في الوجه
🔹 زياده محيط البطن والوسط

طيب ايه العلاج؟؟ ❗❗⁉️
العلاج أساسه بيكون غذائي بنتجنب الحلويات والمخبوزات والاكل المقلي والمشروبات الغازيه والعصائر المعلبه
وبنقلل من كميه النشويات
وبنحاول نزود اي نشاط حركي في خلال اليوم حتى لو ١٠ دقايق مشي سريع 🕣 لانه بينشط الخلايا وبيخليها ترجع تستقبل الأنسولين بشكل أفضل
وفي بعض الحالات القليله الي نحتاج فيها تدخل دوائي

09/12/2023

السمنه عند الأطفال!!
السمنه مرض مزمن لو بدا مع الطفل وهو صغير هيكمل معاه طول حياته وكمان بيخليه معرض اكتر لأمراض كتير زي السكر من النوع التاني
محتاجين نركز جدا مع اكل ولادنا وننظملهم وجباتهم
مينفعش الاكل يكون طول اليوم لكن بناخد ٣ وجبات و٢ سناك وبتكون كلها وجبات صحية

13/12/2022