09/05/2026
هل الكهربا بيستخدمها الدكاترة النفسيين لتعذيب المرضى بتوعهم ولا ليها دور في العلاج ؟
العلاج بالصدمة الكهربائية أو (ECT) electroconvulsive therapy.
في عام 1933 لاحظ طبيب الأعصاب المجري لاديسلاس مدونا أن مرضى الفصام بتتحسن الأعراض عندهم مع نوبات الصرع.
بعدها بخمس سنين عام 1938، تم استخدام الكهرباء لأول مرة كعلاج، بواسطة الطبيبين الإيطاليين أوغو سيرليتي و لوسيو بيني.
ووقتها أظهرت نتائج مذهلة في علاج الأمراض النفسية و تراجع أعراضها المختلفة.
وحاليا بيتم استخدامها في علاج بعض الأمراض النفسية،
زي اضطراب ثنائي القطب bipolar disorder
والاكتئاب الحاد major depressive disorder
وكمان ليها دور في بعض حالات الفصام schizophrenia
والكاتاتونيا catatonia.
طب ازاي العيانين هيستحملو الكهربا تمشي في جسمهم ؟
الحقيقة أن الصورة الي عند معظم الناس عن جلسات الكهرباء خاطئة ومشوهة تماما.
جلسات الكهرباء بتتم تحت تخدير كلي general anesthesia بتيار كهربي شدته من 800 ل 900 ملي أمبير بيتم إمراره لمدة أجزاء من الثانية.
و ال procedure بتاخد حوالي خمس دقايق.
فالعيان مش بيحس بحاجة أبدا وكمان التيار الكهربي صغير جدا بحيث يكون كافي لتغيير كهرباء وكيميا المخ بدون ما يؤدي لتدمير الأنسجة.
طيب هل جلسات الكهرباء دي بتدمر خلايا المخ وتسبب مضاعفات خطيرة ؟
جلسات الكهرباء آمنة تماما.
للكبار والأطفال، وكمان الحوامل !
لكن زي أي procedure ليها بعض الآثار الجانبية البسيطة،
والي متمثلة في ضعف الذاكرة قصيرة المدى (بشكل مؤقت).
نادر جدا لما تسبب فقدان دائم للذاكرة.
والمشاكل الي ممكن تحصل بسبب التخدير الكلي زيها زي أي عملية.
