What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Saturday 9am - 5pm Sunday 9am - 5pm

https://www.facebook.com/112984833721389/

د. حسن عارف Dr. Hassan Aref, Cairo university faculty of medicine, Cairo (2026)

Q: What is the address?

Cairo University Faculty Of Medicine

15/05/2026

Celebrating my 6th year on Facebook. Thank you for your continuing support. I could never have made it without you. 🙏🤗🎉

01/02/2026

🫁 الميكروبيوم في الجهاز التنفسي ودوره في الصحة والمرض

لفترات طويلة، كان الاعتقاد الطبي السائد إن الجهاز التنفسي السفلي بيئة معقّمة sterile وإن أي وجود لكائنات دقيقة داخله يُعتبر دليل على عدوى infection . الفكرة دي اتكوّنت بسبب محدودية الوسائل التشخيصية القديمة اللي ما كانتش قادرة ترصد غير عدد قليل من الميكروبات.

مع تطوّر وسائل الفحص الجيني الحديثة، مثل Next-Generation Sequencing (NGS) و 16S rRNA sequencing اتضح إن الجهاز التنفسي مش معقّم، بل بيحتوي على مجموعة متنوّعة من الكائنات الدقيقة، وده اللي أطلق عليه الميكروبيوم التنفسي.

يعني إيه Microbiome؟

الميكروبيوم هو مجموعة تتكون من:
• Bacteria
• Viruses
• Fungi

اللي عايشين بشكل طبيعي جوه الجسم، وبيكون بينهم وبين الإنسان علاقة symbiotic relationship، يعني مش بس مش مؤذية، لكن في حالات كتير بتكون مفيدة.

الميكروبيوم مش موجود بس في الأمعاء (Gut microbiome)، لكن كمان في:
• الأنف (Nasal microbiome)
• البلعوم
• الشعب الهوائية
• وحتى الحويصلات الهوائية (Alveoli)

الاكتشاف ده بقي له فترة مش طويلة و لكن غيّر نظرتنا لأمراض الصدر بشكل جذري، ونقلنا من فكرة المرض كحدث مفاجئ، لفكرة المرض كنتيجة لاختلال توازن طويل الأمد داخل الرئة.

الميكروبيوم في الحالة الطبيعية

في الإنسان السليم، بيكون فيه توازن دقيق بين الميكروبات النافعة، والمناعة، وبيئة الرئة نفسها. التوازن ده بيساعد على:
• الحفاظ على سلامة الشعب الهوائية
• تنظيم الاستجابة المناعية ومنع فرط الالتهاب
• منع سيطرة الميكروبات الضارة
• تدريب جهاز المناعة على التعايش بدل الهجوم المستمر

و لكن هذا الميكروبيوم بيتأثر بعوامل كتير زي التدخين smoking ، التلوث pollution ، العدوى المتكررة recurrent lower respiratory tract infections ، واستخدام المضادات الحيوية بشكل متكرر repeated and unnecessary use of antibiotics ، وده بيخلّي الرئة أكثر عرضة للمرض.

⚠️ اختلال الميكروبيوم وتأثيره على الأمراض الصدرية

🔹 أولًا: الربو

في مرضى الربو asthma ، الدراسات الحديثة أثبتت إن تركيب الميكروبيوم مختلف عن الأصحاء، وده بيؤدي إلى:
• زيادة الالتهاب المزمن في الشعب الهوائية
• ارتفاع قابلية الشعب للانقباض
• ضعف التحكم في المرض رغم العلاج

اختلال الميكروبيوم في سن الطفولة المبكرة كمان ممكن يساهم في تطوّر الربو لاحقًا، وده بيدعم فكرة إن الربو مش مجرد حساسية، لكن نتيجة تفاعل معقّد بين البيئة والمناعة والميكروبات و هذا اصبح مجال للبحث و الدراسة لمعرفة اسباب الربو عند الاطفال و ايضا الربو الناشئ لدي الكبار و هو ما لاحظناه مؤخراً من ظهور حلات كثيرة للربو بعد الاصابة بكورونا كوفيد ١٩ COVID-19

🔹 ثانيًا: مرض الانسداد الرئوي المزمن

في مرض الانسداد الرئوي المزمن COPD ، الميكروبيوم بيلعب دور محوري في:
• تكرار نوبات التفاقم
• زيادة الإفرازات المخاطية
• استمرار الالتهاب حتى في غياب عدوى واضحة

الخلل المستمر في الميكروبيوم نتيجة التدخين و هو المسبب الرئيسي لمرض الانسداد الرئوى المزمن بيحوّل الرئة إلى بيئة مهيّأة للتدهور التدريجي، وده يفسّر ليه بعض المرضى المصابين بهذا بيتدهوروا أسرع rapid accelerators من غيرهم رغم تشابه العوامل وهذا ايضا أصبح موخرا محل اهتمام و دراسة

🔹 ثالثًا: الالتهاب الرئوي

حاليًا بقينا نري الالتهاب الرئوي pneumonia بشكل أعمق. مش دايمًا العدوى بتيجي من الخارج، لكن أحيانًا بتكون نتيجة خلل سابق في الميكروبيوم بسبب :
• ضعف الدفاعات الطبيعية للرئة
• سيطرة نوع واحد من البكتيريا و تكاثرها بصورة غير سليمة
• فشل التوازن المناعي

وده بيفتح باب لفهم ليه بعض المرضى يصابوا بالالتهاب الرئوي بشكل متكرر.

🔹 رابعًا: التليّف الرئوي

في التليّف الرئوي، الأبحاث الحديثة ربطت بين:
• زيادة النشاط و الحيوية البكتيرية داخل الرئة
• سرعة تدهور وظائف التنفس
• سوء الاستجابة للعلاج

الميكروبيوم هنا مش سبب مباشر، لكنه عامل مُسرّع للمرض، وبيساهم في استمرار الالتهاب اللي بيؤدي في النهاية لزيادة التليف و تفاقم الحالة.

🔹 خامسًا: سرطان الرئة

بدأ يظهر اهتمام بدور الميكروبيوم في سرطان الرئة lung cancer خصوصًا في:
• تنظيم المناعة داخل الرئة
• التأثير على استجابة الجسم للعلاج المناعي
• احتمالية التأثير على تطوّر الورم

وده مجال بحثي واعد جدًا، وما زال قيد الدراسة المكثفة.

🔄 العلاقة بين الأمعاء والرئة

أحد الاكتشافات الحديثة هو وجود تواصل غير مباشر بين الجهاز الهضمي والجهاز التنفسي. اختلال التوازن في الأمعاء ممكن ينعكس على الرئة عن طريق التأثير على المناعة العامة للجسم. ده بيشرح ليه بعض المرضى اللي عندهم مشاكل مزمنة في الهضم بيكونوا أكثر عرضة لأمراض صدرية.

انعكاسات علاجية

الفهم الجديد لدور الميكروبيوم غيّر فلسفة العلاج:
• الهدف ما بقاش القضاء على كل الميكروبات
• لكن الحفاظ على التوازن
• ترشيد استخدام المضادات الحيوية
• التركيز على الوقاية قبل العلاج

وده ممكن في المستقبل يغيّر طرق التعامل مع أمراض الصدر بشكل كبير.

الخلاصة

الميكروبيوم التنفسي respiratory microbiome بقى عنصر أساسي في فهم صحة الرئة وأمراضها. اختلاله مش مجرد نتيجة للمرض، لكنه جزء من آليته. التحوّل في المفهوم ده فتح آفاق جديدة للتشخيص والعلاج، وغيّر نظرتنا للجهاز التنفسي من عضو معزول إلى نظام حي متفاعل مع البيئة

31/08/2024

https://www.healio.com/news/allergy-asthma/20240809/women-may-face-greater-allergy-respiratory-risks-from-household-cleaning-product-use?fbclid=IwZXh0bgNhZW0CMTEAAR1sBQ5mwfBp8Lw7BUsNgNkD9U7x9Pr5r0yLvfOjXOrgbXINdJNNLCf1F3c_aem__CBduZVUK0MUSgeXKqiTMA

Women traditionally spend significantly more time than men completing housework such as cooking and cleaning, putting them at risk for higher exposures to harmful agents that are known to cause respiratory and allergic issues, experts said.On average, women in the United States spend almost 4.5 hour...

20/08/2024

https://www.cnbc.com/2024/08/20/eli-lilly-weight-loss-drug-cuts-risk-of-developing-diabetes-in-trial.html

The late-stage trial on tirzepatide also found that patients experienced sustained weight loss over the roughly three-year treatment period.

28/07/2024

الحذر من نوبات الربو في الشهور الثلاثة القادمة

By Dennis Thompson HealthDay ReporterSUNDAY, July 28, 2024 (HealthDay News) -- Peak asthma month is upon parents as summer draws to a close, experts warn.“September is known as Asthma Peak Month …