كلمتلكم امبارح عن تكيسات المبايض و شرحتلكم ايه هي و اسبابها. لو مشوفتيش الفيديو روحي شوفيه.
انهارده هكلمكم عن الدايت مع تكيسات المبايض و ايه افضل نظام تمشي عليه.
في جدل كبير حول أفضل الأنظمة الغذائية في حاله تكيسات المبايض.
أخر ما توصلت ليه الدراسات و الأبحاث العملية ان و لا الكيتو و لا الدايت منخفض النشويات ولا منع الألبان و الغلوتين هما الحل و لقوا ان السيدات اللي بتعاني من التكيسات أفضل دايت يمشوا عليه هو عجز السعرات مع كمية بروتين و نشويات و دهون طبيعية من غير منع او تقليل اي عنصر غذائي.
حتي اللي عندهم مقاومة انسولين أدت لتكيسات برده مش لازم خالص يقطعوا حاجه و بمجرد ان يمشوا علي دايت طبيعي هيخسوا و المقاومة هتتحسن.
أهم نقاط في علاج التكيسات هي:
١- خسارة الوزن مجرد خسارة - ٥ -١٠٪ بس من الوزن بيكون ليها مفعول كبير في معالجة التكيسات.
٢- الرياضة ثم الرياضة خصوصًا تمارين المقاومة لازم تكون جزء من نظامك لو بتعاني من تكيسات المبايض لان ليها مفعول سحري في معالجة التكيسات و كمان مقاومة الانسولين.
٣- التوقف عن التدخين لانه بيزيد من هرمون الذكوره و ده هيزود المشكله اكتر.
٤- اكلك يكون عالي بالالياف و مضادات الأكسدة.
٥- تفهمي ان ده مش فتره بس لكن ده اسلوب حياه لازم تمشي عليه علطول.
28/01/2023
مين بتعاني من المشكلة دي ؟
التكيسات من المشاكل الشائعة اللي بقت تواجه بنات كتير .. الحقيقة ان واحده بين كل ١٠ بنات عندها تكيسات عشان كده لازم تفهميها عشان تعالجيها صح.
تابعيني عشان تعرفي كل يهم و يؤثر علي صحه المرآة و ازاي تحسني من صحتك في كل مراحل حياتك المختلفة ☺️
14/10/2022
مين فاكر النصايح دي اللي متابعني من زمان هيكون فاكرهم 😄
ايه رأيكم ارجع انزلها تاني ؟
طبعًا هتستغربوا من نصيحة انهارده أني بقولكم متعملوش دايت.
💡بس الحقيقة انه اه متعملش دايت و تدور علي حلول مؤقتة لانك مهما مشيت علي حاجه مش صحية عشان تنزل بسرعة فهترجع تتخن تاني و أكتر من الأول.
🔖لو ناوي فعلًا تخس؛ غير عاداتك الصحية و حسن من حالتك البدنية و خد خطوات بسيطة لحد ما تتعود ان ده نمط حياتك.
✅لو عملت كده أكيد عمرك ما هترجع زي ما كنت تاني.
✨خسارة وزن بالتدريج بنتيجة تفضل معاك علطول احسن من خسارة وزن كبيرة في وقت قصير بنتيجة متدومش.
10/04/2021
كل سنه و انتم طيبين رمضان كريم ☪️.. خلاص كلها كام يوم و نبدأ صيام وعلي قد ما بيكون صعب لكن الصيام ليه فوايد كتير جدًا جدًا علي نفسيتنا و صحتنا..
تعالوا نعرف علي حاجات بسيطة من فوايد الصيام ..
الصيام بيساعد علي :
١ - تنشيط خلايا المخ و بيحسن من اداء و طاقة الجسم 🧠💪
٢- بينشط هرمون النوم 💤
٣- كمان بيساعد علي صحه المعده و الجهاز الهضمي و تهدئة القولون👍
٤- لو هدفك كمان تخسر وزنك فا الصيام بيساعد علي كده بشكل كبير 🙋♀️
٥- بيحسن من اداء الانسولين و بيقلل من مقاومته اللي بتكون من اسباب عدم خسارة الوزن
٦- عشان كده بيحسن من مستوي السكر في الدم 👌
تابعوا الأيام الجاية هنزلكم نظام صحي لأول اسبوع في رمضان 👍
✨دايما بشوف الناس بتنصح البنات اللي لسه والدة أنها تاكل حلاوة و عسل و مغات و حاجات عجيبة كده عشان تزود اللبن .. و علي قد ما الحاجات دي ممكن فعلًا تزود اللبن لكن هي هتزود الوزن بشكل أكبر 😄
✨أنا جبتلكم أفضل الأكلات اللي هتساعدك علي إدرار الحليب ومش هتزود وزنك طالما في حدود سعراتك :
١- البروتينات: أهم و افضل المصادر لأنتاج الحليب زي اللحوم الحمراء و البيضاء، البيض ، اللبن ، الجبنه.
٢-اللوز و الكاجو : المكسرات عمتاً مفيدة جدا خصوصًا اللوز و الكاجو لزيادة لبن الأم و تحتوي علي الأوميجا ٣ و الدهون الغير مشبعة و دي من العناصر المهمة جدا في تعزيز نمو الطفل و جهازه العصبي.
٣- الخضروات الورقية : من أهم الأطعمة الصحية المفيدة للأم خلال فترة الرضاعة،و تحتوي على نسبة كبيرة من الكالسيوم، والحديد، وحمض الفوليك. من أهمها: البقدونس، والشبت، والكرنب الأخضر، والخس، والجرجير، والبروكلي.
٤-حبوب الشوفان: غني بالألياف و عناصر كتير مهمة ليكي والبيبي جربي تعمليه بطرق مختلفة زي البان كيك و بسكوت الشوفان أنا منزله كذا وصفه صحية بالشوفان ممكن تشوفوها.
٥- الجزر: غني بفيتامين أ و بيساعد علي حمايتك من الأنيميا أثناء فترة الرضاعة و بنصحك تاخدي كوبين من عصير الجزر و البنجر. أسبوعياً لنتيجة أفضل.
٢ كوب دقيق شوفان
معلقة صغيرة ملح
معلقة صغيرة بذور كتان
معلقة صغيرة حبة البركة
كوب و نصف مياه
🔰قلب المكونات و حطهم في طاسة مدهونة حاجه بسيطة ؛ أهم حاجه تصبر عليهم عشان بيكون فيهم مياه كتير و بيحتاج وقت عشان يستوي خالص.
#دايت #وصفات #اكسبلورر
26/02/2021
هاللو هاللو 🙋🏻♀️
وحشتوني جدًا.. الفترة اللي فاتت كنت تعبانة شوية بس انشالله الأيام الجاية هكون موجودة معاكم زي الأول 💕
💡الهوس بالميزان مشكلة كبيرة بتقابل ناس كتير و هما بيخسوا و خصوصًا البنات.
✅الميزان مش دائمًا بيكون صح و في أسباب كتير بتأثر علي الرقم اللي علي الميزان و بتسببلكم أحباط عشان كده علطول بنقولكم متركزوش مع الرقم ده و الأهم هي المقاسات.
🔰ده مثال للأوقات الميزان بيكون فيها مش صح و بيكون مزود وزنك عن الطبيعي.
Be the first to know and let us send you an email when Dr. Sara Saleh posts news and promotions. Your email address will not be used for any other purpose, and you can unsubscribe at any time.
