= يادكتور ابني مش بيسكت غير لما اشيله واتمشي بيه وخايفه يتعود
- ما يتعود
30/08/2026
اكتر شكوى سمعتها ..
شوف اول كومنت .. ومتنساش تشارك المعلومه مع غيرك 🌹🤍
30/08/2026
جدول عيادتنا هذا الاسبوع 🤍🌹
مع تمنياتنا بالشفاء العاجل
30/08/2026
لا تقابِل الناس بأذرع مفتوحة، ستُصلَب!!
29/08/2026
ادويه المغص في الرضع
29/08/2026
ال في الصوره هما اشهر ادويه المغص في الوضع ..
بس هل هما فعلا ادوية مغص زي ما احنا فاكرين .. الحقيقة كل الدراسات قالت لا .. 🤔
السيميثيكون طارد للغازات؛
بيجمع فقاقيع الغاز الصغيرة الموجودة في البطن ( ال الطفل دخلها بطنه بالغلط اثناء الرضاعة خصوصًا لو طريقة الرضاعة أو وضعية الرضاعة غلط وبتخليه يبلع هواء كتير) ، وبيخليها أكبر وأسهل في الخروج...
⚠️ فهو هيريحه لو بطنه فيها غازات لكن السيميثيكون مش باسط لعضلات الأمعاء ومش مسكن للمغص ف لو مفيش غازات مش هيفرق معاه لانه مش بيعالج سبب المغص نفسه اصلا.
🔸 لو الطفل عنده غازات وانتفاخ بسبب وضعيه الرضاعه الغلط ممكن يساعده مؤقتا ..لكن هيجمع غازات تاني وتالت لحد ماتظبطي وضعيه الرضاعه
🔸 لو عنده مغص من حساسيه لبن مثلا او ام اكلت ابنها بدري او اكلته غلط او شربته لبن صناعي فيه مشكله .. مش هيفيده
❤️ الخلاصة: سيميثيكون = طارد للغازات وبس .. لكن مش دواء مغص
شارك المعلومة مع غيرك يمكن يستفيد منها 🌹
🔹فتق السرة بيظهر على شكل بروز في منطقة السرة، وبيبان أكتر لما الطفل يعيط أو يحزق.
🔹 السبب إيه؟
وجود فتحة صغيرة في عضلات البطن مكان الحبل السري ، فيطلع جزء بسيط من الأمعاء أو الدهون من خلالها مع بكاء الطفل .
🔹 طب والحل إيه؟
معظم حالات فتق السرة عند الأطفال بتتحسن وتقفل لوحدها مع النمو خلال اول سنتين، ومش محتاجة أدوية أو تدخل جراحي في البداية.
❌ الحزام أو العملة أو ربط السرة ده مش علاج لانه مش بيقفل الفتحه هو بيرد الامعاء ال بتخرج لكن مجرد ماتشيله هتطلع تاني ، بل ممكن يسببوا تهيج أو مشاكل في الفتق او للجلد من غير فايدة حقيقية.
🚨 إمتى نقلق؟
لو الفتق بقى مؤلم، أو ناشف ومش بيرجع لجوه، أو الجلد فوقه اتغير لونه.
شارك المعلومه يمكن تفيد غيرك 🌹
29/08/2026
☀️ في الحر ممكن تلاحظي إن كمية البول عند طفلتك قلت ، وده بسبب زيادة العرق وقلة السوائل.
💧 كمان البول ممكن تلاحظي ليه ريحة أو لون أصفر غامق.
🧡 وأحيانًا يظهر لون برتقاني/طوبي في الحفاضة بسبب ترسبات الأملاح.
⚠️ نهتم بالرضاعة ، تهويه المكان ونحمي الطفل .
د / شريف الباز
شارك المعلومة مع غيرك يمكن يستفيد منها 🌹
28/08/2026
❤️🤍
Address
Gewan Hotel Cairo, Masaken Al Mohandesin, Nasr City
Be the first to know and let us send you an email when عيادة الدكتور شريف الباز posts news and promotions. Your email address will not be used for any other purpose, and you can unsubscribe at any time.
