Shereen Adel - B Happy

Shereen Adel - B Happy I am Shereen Adel former Computer engineer , passionate , &
(2)

لا يؤمن احدكم حتى يحب لاخيه ما يحب لنفسه 🩷🩷 صدق رسول الله صل الله عليه و سلم
13/08/2026

لا يؤمن احدكم حتى يحب لاخيه ما يحب لنفسه 🩷🩷
صدق رسول الله صل الله عليه و سلم

أوقات بتحسي إنك واقفة في نص الطريق… لا رجعتي لنقطة البداية ولا شايفة خط النهاية.ساعتها فكّري إن حتى الوقوف ده مش صدفة، د...
12/08/2026

أوقات بتحسي إنك واقفة في نص الطريق… لا رجعتي لنقطة البداية ولا شايفة خط النهاية.
ساعتها فكّري إن حتى الوقوف ده مش صدفة، ده استراحة ربانية عشان تشوفي المشهد أوضح.
خدي نفس عميق… وسلّميها لربنا، لأنه دايمًا بيجهّزلك خطوة أحن وأجمل من اللي في بالك ✨

🤲 اللهم دبّر لي، فإني لا أحسن التدبير، واكتب لي الخير حيث كان، ورضّني به.

12/08/2026

أدام الله السڪينة في قلوبڪم ، والسعادة في بيوتڪم ، والصحة في ابدانڪم ، والتوفيق في حياتڪم ، والأمن في دروبڪم ، والبرڪة في ارزاقڪم ، وجعل الله ذڪره لا يفارق ألسنتڪم ، والفردوس مستقرا لڪم ولوالديڪم وذريتڪم واهليڪم وڪل عزيز وغالي عليڪم .
اللهم صل وسلم وزد وبارك على سيدنا محمد وعلى آله وصحبه أجمعين.
طاب صباحكم بذكر الله

مساكم فل😍 عارفين امتى المشاعر بيبقى فيها مشكله ؟ هي ممكن اصلا تكون المشاعر مشكله 🙄اهطببعي جدا و عادي و مفيش مشكله اني اك...
11/08/2026

مساكم فل😍

عارفين امتى المشاعر بيبقى فيها مشكله ؟
هي ممكن اصلا تكون المشاعر مشكله 🙄
اه

طببعي جدا و عادي و مفيش مشكله اني اكون شايفه موضوع صعب عليا و هم و بلوه و حد تاني شايف انه مفيش موضوع اصلا و اني مكبره القصه😌

و عادي جدا اكون بعمل حاجه معينه بصعوبه و حد غيري شايف انه ياااه اخدت منك كل ده 🙆🏼‍♀️

و مفيش مشكله انه اكون في يوم حاسه بنشاط التنين و تاني يوم ابقى مش قادره حتى اقوم من النوم و اسمع كلمة انتي كسلانه على طول كده 🤷🏻‍♀️

و ممكن جدا مشاعري ناحية شخص ما ممكن تكون عكس كل الناس المشتركة ما بينا و اسمع كلمة معقول ده ميختلفش عليه اتنين🙄

ده غير بقى اني ممكن اكون خايفه و مرعوبه من حاجه البشريه كلها بتعملها و انا لا مهما سمعت من كلمة يلا كلنا هنعملها 🤢

و اكيد هتكون في حاجه معينه او شخص معين برتاح معاه او بتبسط بالحاجه دي و غيري لا🤫

دي مشاعري و مشاعرك و مشاعر الاخ الي هناك ده
مشاعري يعني تفكيري و الماضي بتاعي و تربيتي و خبرتي و ترجمتي للمواضيع وتركبيات معقده كده و ليله كبيرة سعادتك😅
مشاعري ممكن يكون ملهاش تبرير عندك و ممكن انا نفسي مكنش عارفه انا بحس بكده ليه بوعي اوي. لكن مشاعري مهمه بالنسبالي و تصرفاتي مترتبه عليها

ف نظرية الاندهاش و الاستغراب و الاستنكار و التريقه و الاسئلة الكتيرة المتكرره و جمله ليه ما كلنا و الذي منه مش هتفيد بحاجه بالعكس
بتحسس الشخص انه محكوم عليه
و مش مفهوم
و مش مُتقبل زي ما هو
و انه محتاج يبرر تصرفاته الشخصيه الي هي مش بتأذي حد اصلا
و محتاج من وقت للتاني يخش في مهاترات
و هو و طبعه بقى يا نفسه طويل و هيجادل يا نفسه قصير و هيسكت 🤫

بس في كل الحالات مشاعركم مفيهاش مشكله
وجهة نظر الناس المختلفه عني و عن مشاعري مفيهاش مشكله😉

اني يتحكم عليا بسبب مشاعري او اتصرف بطريقه معينه عشان اتجنب اظهار مشاعري الحقيقيه هو اللي عالمدى الطويل "مشكله"

نحاول نتبادل الحريه شويه و نتقبل غيرنا بمشاعرهم و غيرنا يتقبلونا بمشاعرنا

نحاول احنا شخصيا منحكمش و نحط على نفسنا طابع بوسطه ابدي لمجرد شعور حسينا بيه😍

نحاول منخليش عدم تقبل الغير ازمة نفسيه لينا لانه مفيش صح عام في الاطلاق غير اللي نزل في اديان سمويه. و غير القانون. غير كده الباقي وجهات نظر 😊

مفيش حاجه اسمها المفروض تحسي بكذا مين اللي فرض المفروض عادي محسش و هعيش 😀

اتصرفوا بطبيعتكم و شيلوا الفلاتر المزيفه و حسوا الي بتحسوه.
و لو انتوا اللي حسيتوا ان انتوا محتاجين تراجعوا مشاعركم من نفسكم مش من تاثير خارجي ساعتها بس يبقى وقت طلب المساعده او التغيير
غير كده
متخلوش حكم الناس المختلف يغيريكم

#شكرا😊😊

احياناً في الحياة بتحتاج حد يقولكتبص فينبس صعب تعتمد على حد يقولك تحديداتبص على ايهو هو ده سِحر #الكوتشينج #شكراً
10/08/2026

احياناً في الحياة بتحتاج حد يقولك
تبص فين

بس صعب تعتمد على حد يقولك تحديدا
تبص على ايه

و هو ده سِحر #الكوتشينج


#شكراً

الديك… والقهوة !في فرق كبير بين الارتباط Correlation و السبب والنتيجة…Causationمش أي حاجتين بيحصلوا مع بعض يبقوا واحدة س...
09/08/2026

الديك… والقهوة !

في فرق كبير بين الارتباط
Correlation
و السبب والنتيجة…
Causation

مش أي حاجتين بيحصلوا مع بعض يبقوا واحدة سببت للتانية.

🐓 تعالوا نبدأ بحكاية مضحكة:
في قرية صغيرة، كان فيه ديك فاكر نفسه بطل… كل يوم الصبح، أول ما الشمس تطلع، يقوم واقف على السور ويصيّح: “كوكو كوكو!” والشمس تنوّر الدنيا.
الناس قالت: “هو ده… الديك ده السبب!” 🌞
قرروا يوم يربطوه جوه الحظيرة طول الليل… وتاني يوم الشمس طلعت عادي جدًا.

فاستنتجوا انه مع ان الديك والشمس بيحصلوا مع بعض (ده اسمه ارتباط)، لكن الديك مش سبب الشمس.
طبعا دي حدوته فانتازيا

بس بنشوف كتير و بيحصل في العلاقات…
• هو بيكلمني كل يوم = يبقى بيحبني أوي!
مش شرط… ممكن يكون فاضي، أو متعود، أو محتاج حاجة.
• هي بتسأل عليا كتير = يبقى مهتمة بيا!
مش شرط… يمكن زهقانة أو بتعمل كده مع الكل. احنا الاتنين بنحب عصير القصب = يبقى هنبقى متفاهمين في كل حاجه. طب ما يمكن العصير ساقع و منعش و خلاص

و المصيبة الاكبر لما نستنتج و نعمم نتيجة حاجه و ناخدها عقيده او قاعده من غير ما حتى نسال او نبحث او نمنطق
لو قلنا مثلا انه دخلت عند حد عيان اوي و لقيت جنبه دوا. هل طبيعي اقول انه الدوا ده هو اللي تعبه 🤷🏻‍♀️🙃 اكيد لا. بس لو اخدتها حقيقه مسلم بيها و نشرت الفكرة هتتحول مع الوقت ل "بيقولوا 😉😉"

☕ أما السبب والنتيجة فهو لما الحاجة بتحصل عشانك أنت فعلًا او النتيجه فعلا منطقية و حصلت بالدليل بسبب الفعل

زي مثلا… ست كل ما تصحى الصبح، جوزها يعمل قهوة.
بس لو ما صحيتش، القهوة مش هتتعمل.
ده فعل بيحصل بسببك أنت، مش صدفة.

زي مثلا انه نور بنزين العربية نور و العربية بدات تقطع رحنا حطينا بنزين النور طفى و العربية مشيت عادي 🤷🏻‍♀️ دي مش صدفة برده

🙃💓 يعني من الاخر كدهون
مش أي حاجة بتحصل مع بعض بيكون بجد ده السبب الحقيقي…
أوقات بيكون ارتباط بس، وأوقات بيكون سبب ونتيجة، والوعي بالفرق هو اللي بيحمينا من التسرع في الحكم.

هيفرق معانا في الحياه كتير و في العلاقات تحديدا السما من العما. لما نفرق بين الحاجتين. و نرجع نعلى بسقف التوقعات و ننزل من فوق البرج و مش فاهمين ليه هو حصل ايه.

قليل من التركيز و الملاحظة في بداية العلاقات. يغنينا عن ساعات من هو حصل ايه 🌝🌝🌝

#الحمدلله
#شكرا
#علاقات
#سبب #نتيجة ارتباط
correlation
causation
relationships

انتوا عارفين ان كلمة وحده ممكن تغير نظرة حد عن نفسهمووده لفترة طويلهدرجة حماسه لموضوع معينقرار مهم في حياتهدرجة صبره على...
08/08/2026

انتوا عارفين ان كلمة وحده
ممكن تغير

نظرة حد عن نفسه
مووده لفترة طويله
درجة حماسه لموضوع معين
قرار مهم في حياته
درجة صبره على حاجه معينة
صحته النفسيه
صحته الجسدية
و حاجات كتييير

طبعا انا محددتش هي كلمة طيبه و لا خبيثه
بس انا عايزاكم انتوا تتخيلوا مره كده و مرة كده
🌝🌝
تخيلوا صدى الكلمة الحلوه في كل ما سبق
و تخيلوا عكسها

هو اه طبعا طبعا طبعا. احنا بنشتغل على نفسنا و على عقلنا ووعينا و ال لا وعي كمان و بنبنى جداو عازل و بنحط حدود و بنحط بالونه وهميه تحمينا من الكلمات و التصرفات اللعينه السخيفه المتطايره 😂
و لكن
احيانا كلمة و لا تصرف ثُعباني دحلابي بيخترق كل ده
زي الناموسه الغلسه اللي بتقرص فوق اللحاف

و اه طبعا طبعا
ربنا بيشهد و بيعدل و الدنيا دواره
بس برده
هذا لا يمنع من كام يوم يمكن كام شهر 🤷🏻‍♀️
تألم

ف تعالوا نراعي ربنا في كل كلمه و رأي و تصرف
عشان حتى لو الناس صدقوا اننا ما قولناش و ما نقصدش و ايه ده هي زعلت ليه و معقوله فهمتيها كده
ربنا عارف و الملايكة كتبت حد زعل بسبب حد

و دي صورة ليا و انا باخد نفس عميييق
و بهوف الارواح الشريره
و الكلام الدحلابي


#شكرا

زي كل #جمعة تيجي تفكرنا﴿وَمَا نُرْسِلُ الْمُرْسَلِينَ إِلَّا مُبَشِّرِينَ وَمُنذِرِينَ ۚ وَيُجَادِلُ الَّذِينَ كَفَرُ...
07/08/2026

زي كل #جمعة تيجي تفكرنا

﴿وَمَا نُرْسِلُ الْمُرْسَلِينَ إِلَّا مُبَشِّرِينَ وَمُنذِرِينَ ۚ وَيُجَادِلُ الَّذِينَ كَفَرُوا بِالْبَاطِلِ لِيُدْحِضُوا بِهِ الْحَقَّ ۖ وَاتَّخَذُوا آيَاتِي وَمَا أُنذِرُوا هُزُوًا﴾

الآية دي خلتني أفكر في حاجة

إحنا أوقات مش بنرفض الحقيقة لأنها غلط
إحنا بنرفضها لأنها مش على هوانا🙄

نسمع كلمة تنبهنا لحاجة فينا، فنبدأ نبرر🤷🏻‍♀️
حد يقول لنا حاجة محتاجة نراجعها، فنشرح ليه هو مش فاهمنا.
نلاقي موقف بيكشف لنا جزء من نفسنا مش حابين نشوفه، فنحاول نثبت إن المشكلة في أي حد… إلا إحنا.

وممكن نقعد نجادل كتير جدًا
مش عشان نوصل للحق،
لكن عشان نهرب منه🌝

يمكن من أجمل الحاجات اللي نتعلمها من الآية دي إننا نسأل نفسنا:

هل أنا بدور على الحقيقة فعلًا؟
ولا بدور على الحُجّة اللي تخليني أفضل مقتنع إني صح؟

لأن الفرق بينهم كبير

القلب اللي عايز الحق، حتى لو اتوجع منه، هيقبله.
والقلب اللي عايز ينتصر، ممكن يجادل حتى قدام أوضح حقيقة.

يا رب ارزقنا قلوبًا لا تتكبر على الحق،
ولا ترفض النصيحة لمجرد إنها وجعتنا،
ولا تجعلنا نستخدم الكلام للهروب من مواجهة أنفسنا.

واجعلنا ممن إذا عرفوا الحق اتبعوه. 🤲🏻🤍

وأذكّر نفسي وإياكم بقراءة

مساء الفل عرفتوا حد في حياتكم و مشي من غير صوت ؟! في علاقات بتخلص مش بالخناقولا بالمواقف الكبيرةبس بـ “البرود”…بالتجاهل…...
06/08/2026

مساء الفل

عرفتوا حد في حياتكم و مشي من غير صوت ؟!

في علاقات بتخلص مش بالخناق
ولا بالمواقف الكبيرة
بس بـ “البرود”…
بالتجاهل…
بكلمة متقالتش… وسؤال متسألش
بمكالمات بتقل، ورسائل ما بتترجعش

في ناس بتفضل قاعدة حوالينا
بس ما بقيتش “معانا”

المؤلم مش إنهم مشوا
المؤلم إننا كنا فاكرينهم مش هيمشوا أبداً

بس تعرف؟
العلاقات دي بتبقى أوقات رحمة…

ربنا ممكن بيشيل ناس من حياتك فاجئة و يمكن بوجع
بس الاكيد انه بيعوض و هيفضي مكان للي يستحق

لو في حياتنا علاقات مهمه مُحبه منحبش نخسرها
اعتبروا البوست ده اشاره
نلحق قبل فوات الاوان
نصلح و نمتن و نتواجد في حياة بعض
💞💞
و لو في حياتنا علاقات بتختفي في سكات من غير سبب
حاولوا لاخر نفس
ادعوا و استخيروا
و سلموا
😌😌

اللهم إن كان في قلبي تعلق بمن لا خير لي فيه، فانزعه بلطفك، واملأ قلبي بحبك، ورضاك، وراحة من عندك تغنيني عن كل ما فات
🤲 💞

#الحمدلله
#شكرا
#علاقات

مساء الجمال. لما تيجي تعلق على موضوع خاص بحد او تنتقد حال حد أو تصرفه،او اويبقى لازم يكون عندك حل أو خطة بديلة،ماينفعش ...
05/08/2026

مساء الجمال.
لما تيجي تعلق على موضوع خاص بحد او تنتقد حال حد أو تصرفه،او او
يبقى لازم يكون عندك حل أو خطة بديلة،
ماينفعش بس تنتقد وخلاص.
🤷🏻‍♀️🙃
لازم تبقى واخد بالك إنك مش مكانه،
يعني بلاش تقترح عليه حلول وتقوله يتصرف إزاي،
وانت مش شايف الصورة من ناحيته.
🙃🙃
بلاش تحكم عليه من موقعك،
شوف ظروفه، شوف هو شايف الدنيا إزاي،
اعذر الناس.

خلي عندك نظرة شاملة،
ولو هتتكلم، اقترح بديل بدل ما تنتقد وخلاص.

وبلاش تقول: “ما أنا نصحتك” أو “ما أنا قلت”،
ولا تحسسه إنه غلطان أو ضعيف أو إنك شمتان فيه.

في الآخر، الرحمة أهم من الصح،
والطبطبة أغلى من الكلام الكبير.

🌿 قال تعالى:
“وما تدري نفسٌ ماذا تكسبُ غدًا”
[لقمان: 34]
يعني محدش فينا عارف بكرا هيكون فين ومين، فارحم تُرحم.

“اللهم ارزقنا قلبًا رحيم، ولسانًا حكيم، ونظرة واسعة لا تحكم على الناس من زاويتنا الضيقة، بل من رحمتك الواسعة"🤲🏻💞

#الحمدلله. #شكرا. #علاقات

Address

Cairo
11865

Opening Hours

Monday 9am - 11:30pm
Tuesday 9am - 11:30pm
Wednesday 9am - 11:30pm
Thursday 9am - 11:30pm
Friday 9am - 11:30pm
Saturday 9am - 11:30pm
Sunday 9am - 11:30pm

Telephone

+201005120905

Website

Alerts

Be the first to know and let us send you an email when Shereen Adel - B Happy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Shereen Adel - B Happy:

Shortcuts

Share